شـارع السـلام
لـلكاتبة: هناء الشمري
البارت:71
•
•
•
أنتِ كالآثار ، كالنقود التاريخية ، كالطوابع القديمة ، كالعطر المعتّق ، كلما مرّ عليها الزمن صارت أغلى.
------------------------------------------------------------
اميمة
--------
ضليت فترة ببيت ازاد نكدر نكول شوي صرت احسن جانوا هواي يهتمون بيه
بعد مرور شهر ونص ع رجعتي هنا
جانت اكو غصة بداخلي واني اشوف صديقاتي خلصن مرحلة اولى وانا لسا ممقدمة
بوكتها حاجاني ازاد ع التقديم
ازاد: بعد شهر وينفتح التقديم بعدج تردين اعلام لْـۆ بطلتي
اميمة: حلم الطفولة طبعا مابطلت
ازاد: كلش زين انشالله تبدين كلية واشوفج احلى خريجة واحنا وياج خطوة بخطوة
ابتسمت بوجهه هالانسان كتلة من الطاقة الايجابية شما اوصفه ما انطي حقه
اميمة: اصلا لْـۆ ما انتوا انا شجنت راح اسوي ماعرف
ازاد: لٱ انتي قوية وكفتي ع رجليج احنا عوامل مساعدة مجرد زيدنا سرعة وكفتج
ضحكت بصوت عالي
اميمة: اوووي تذكرت الكيمياء وبلاويها
ازاد: هههه اتعس مادة
اميمة: اي والنبي
طلعت الريم من المطبخ طبعا طول هالفترة تروح وترجع تضل لليل يوصلها ازاد ماتبات
الريم: واحلى كيكة لاحلى ثنين
ضحكنا ثنينا
اميمة: صدكيني ماعرف شلون اشكرج وكفتيلي وكفت الاخت كلكم سندوتني صدگ الطيور ع اشكالها تقع يعني انتوا نفس الطيبة ونفس الجمال ونفس الطاقة الايجابية ربي يحفظكم لبعض وتخلفونه نونو صغير يشبهكم
ازاد بابتسامة: بعد بيتي فدوة لهالكلام العسل بس هم غير يقتنعون ذولاك الناس ونتزوج
برطمت
الريم: ازاد مو وعدتني اخلص كلية يله نتزوج
ضحك وجرها لحظنه
ازاد: اشاقه يولي اصلا اني اريدج توكفين ع حيلج وترجعين نفس ريمتي العرفتها حتى من نبدي حياتنا ثنينا بادين من جديد
سألته
اميمة: وشنو اليمنع تبدون من جديد من هسة؟!!
ازاد: امم شنو اليمنع شوفي بعد بيتي اليمنع انو ثنينا عدنا جروح وثنينا ببالنا اشياء لسه اكو اسئلة مالكينالها جواب وهذا الجواب عدنا بس ماعدنا الجرأة نفتح دفاتر الماضي نحتاج وقت نكون بي گد انو نعاتب ونتعاتب فهمتنيني
هزيت راسي
اميمة: بس ما ينسن
ازاد: ماكو شي ينسي كلهن يمرن وحدة وحدة باقل موقف عابر بس نكدر نتناسى
هزيت راسي وكتله
اميمة: حروح يم رزان وباجر ارجع للبيت
ازاد: شسوين بالبيت ابقي هنا تعودت عليج
ابتسمتله
اميمة: فَدُيٌتّڳّ ابو الزود بس هم لآزٍمٍ ارجع
هز راسه
ازاد: كلهن بيوتج وين ماتردين تكعدين فرشي واكعدي
ضحكت
اميمة: فديتكم والله
دخلت لبست عباية اسلامية ولفيت شالي حطيت فونديشين علمود اخفي الهالات صايرات يمشن كدامي من السهر
حطيت حمرة ومسكارا
طلعت مالكيتهم سمعت صوتهم بالغرفة
طلعت تمشيت شوية صايرة اعشق هالشارع بحيث لآزٍمٍ لآزٍمٍ يومية المغرب اطلع اتمشى بي
صدك ما ينلامون ازاد وعلي من سموه شارع السلام
ناس طيبة ع نياتها مابي نفاق الكل وجوها بشوشة
كلنا نعرف بعض واغلبيتها اقارب وكلهم من زمان يعني ماكو شخص جديد يجي
متحابين ومتكاتفين
واحد يوكع كلها تسنده
أنت تقرأ
شارع السلام
Mistério / Suspense"باللهجة العراقية" ثلاث اصدقاء ثلاث قصص يواجهون معا متاعب الحياة يعيشون حياتهم ببساطتها فماذا سيحدث عندما يدخل الحب لحياتهم قصه كوميديه رومانسيه دراما فيها المظلوم والظالم بها الصديق والعدو فكيف سيجازيهم القدر !" تابعوا معي قصتي الاولى *القصة واقعية...
