بقلمي / ضوء القمر 💫
و يخلُق الله شَخصاً لا ترى الدّنيا إلّا به."
ساعه 6:30 دك المنبه المزعج تململت النايمه و فتحت عيونها بكسل مدت ايدها و طفت المنبه كامت بتكاسل دخلت للحمام ادت روتينها اليومي و نزلت بعد ما لبست بنطرون كابوي و قميص اسود و رتبت شعرها بشكل كعكه و شويه مساحيق تجميل نزلت من الدرج ب ابتسامه جذابه
ريم : صباح الخير على احلى بابا و ماما بالدنيا
احمد: صباح النور يروحي
زهراء : صباح النور حبيبتي
راحت باست أبوها و امها و كعدت تتريك حجى والدها و هو يشرب شويه من الجاي
احمد : ما ناويه تصرفين نظر عن موضوع الشغل يعني اني مقصر وياج بشي
ريم : بابا حبيبي انته تعرف اني شكد احب الأطفال و احب اكضي وقتي وياهم و ثانيا اني مدا اشتغل على مود الفلوس اني دا اشتغل حتى اكضي وقت
زهراء : كضي وقتج ويايه بدل ما عايفيني بين اربع حياطين
ريم : يا ماما اكعد يمج شسوي الله يخليكم تقبلوا الفكره اذا صدك تحبوني
احمد : يا بنتي والله نحبج و نخاف عليج بعدين اني ما مرتاح بموضوع شغلج بالروضه حتى عيب بحقي لواء و بنتي تشتغل مدرسه بروضه
ريم : بابا حبيبي بليز بليز انته تعرف شكد احب شغلي حبيبي انته حياتي و بعدين اني مرتاحه هيج فدوه لقلبك لا تعارض رغبتي
احمد : تمام تمام ما حجيت شي براحتج
ريم و هي تحضنه: فدوه حبيبي بابي
زهراء : ياريت لو اعرف اقشمره مثلج
احمد بمشاكسه : ما انتي قشمرتيني و خليتيني اتزوجج
ريم : هههه
زهراء : يااا هيج
ريم : والله هاي اللمه ناقصه حسن
احمد بحزن : الله يرحمه
زهراء بقهر : لا تكول الله يرحمه ابني عايش عندي احساس ان هو عايش احساس الام ابد ميغلط
احمد بانفعال : لعد وينه مختفي اله اكثر من 4 سنوات
كامت بطلتنا حتى تنهي النقاش الي تعرف نهايه راح يكون زعل بين امها و ابوها
ريم : يالله اني اروح اتاخرت
احمد & زهراء : الله وياج بنتي
باست امها و ابوها و طلعت بسرعه صعدت ويا السايق و الي انطلق راسا باتجاه الروضه الي تشتغل بيها بينما بطلتنا تذكرت أخوها و مشكاساتهم و شقاهم و حتى مصايبهم دمعه نزلت منها بدون متحس مسحتها بسرعه وصلت للروضه و لكيت الاطفال ينتظروها بفارغ الصبر الكل يحبها بدت يومها كالعاده ويا الأطفال بين اللعب وياهم و بين تعليمهم إلى أن اجه المدير
المدير : انسه ريم ممكن دقيقه
تركت ريم الي بيدها و توجهت وكفت كدام المدير
ريم : نعم استاذ حسين
حسين : بصراحه و بدون لف و دوران اني كلش معجب بيج من اول يوم شتغلتي هنا و اريد اتقدملج على سنه الله و رسوله ف ياريت تاخذيلي موعد من السيد الوالد
ريم : بس حسب علمي ان انته متزوج
حسين : صحيح بس الشرع حلل اربعه
ريم : طيب للاسف ان اني ما افكر بالزواج
حسين : يعني اعتبر طلبي مرفوض
ريم بتوتر : بالظبط
