بقلمي / ضوء القمر 💫
لا تفعل آلاف المسكّنات ماتفعله كلمة حنونة أثناء التعب.
لينا ب بجي : أدهم الحكني ريم انخطفت
انتفض من مكانه سحب سلاحه و طلع يركض متوجه ل بيت ريم شاف لينا تبجي و حسن و هشام يحاولون يفهمون الي صار ركض على لينا و هزها حيل
أدهم : احجي شصار
لينا ب دموع : جنا كاعدين و ريم كالت اريد شي حلو و طلعنا للمحل الي برأس الشارع بس فجاده سياره وكفت و سحبوا ريم و ما عرفت شسوي رجعت ركض للبيت و اتصلت بيك
حسن ب عصبيه : اذا اختي صار الها شي متلوم غير نفسك
ما اهتم أدهم ل كلامه و اتصل ب حسام و طلب منه يمشط كل كامرات المنطقه إلى أن يوصل لل سياره و اتصل ب رقم و طلب منه يحدد موقع ريم بأسرع وقت كعد ينتظر الرد من حسام و الشخص الي كلفه ب معرفه الموقع و بالكره لازم نفسه بسبب كلام حسن الي جان يتهمه ب ان هو السبب ب دمار حياتهم بعد مرور اكثر من ساعه اتصل الشخص على أدهم
أدهم : لكيت شي
الشخص : تقريبا كدرت احدد الموقع راح ادزه الك
و فعلا صل الموقع ل أدهم و راح بس المكان حان فارغ فقد أدهم اعصابه و صار يصرخ بالكل حتى يلكى ريم ب اسرع وقت
اما ب مكان ثاني
بيت منعزل و شبه مهجور فتحت ريم عيونها بخوف من المكان الي جان شكله مرعب بدت دموعها تنزل بخوف فجاءه دخل شخص عمره ب 40 تقريبا جان يباوع الها بنظرات شهواني ابتسم ب شر
الشخص : منورتنا مرت الباشا
ريم بخوف : منو انته و شتريد مني
الشخص : مو مهم المهم اريد ابن الباشا
ريم ب عدم فهم : ش شنو
نادى الشخص على دكتور فهمت ريم ان يريد يجهض طفلها حاوطت بطنها ب ايدها بخوف
ريم بخوف : ألله يخليك شتريد مني عوفني
الشخص : دكتور شوف شغلك
راح الشخص ل ريم و ربط ايدها تحت توسلاتها و بجيها و بدأ الدكتور بعمليه الإجهاض تحت ضرخات ريم و توسلاتها بعد أقل من ساعه جانت ريم فاقده الوعي و الدم مغركها توتر الدكتور و طلع بسرعه من الغرفه
الدكتور : لازم ننقلها للمستشفى
الشخص : ليش
الدكتور : حالتها خطره و ما أكدر أوقف النزف هنا اذا تبقى هيج ممكن تموت
الشخص ب شر و حقد : خليها تموت هاي كسره لل باشا تخلصني منه ولو فتره بسيطه
الدكتور : لعد انطيني فلوسي و خل اروح
و فعلا دفع الشخص للدكتور توجه الدكتور فتح الباب حتى يطلع بس انصدم ب أدهم كدامه و جان منظره ما يبشر ب خير حاول الدكتور يهرب بس رجال الباشا لزموه دخل أدهم و توجه للشخص و صار يضربه ب كل قوته و الشخص يضحك مثل المجنون منبين أنفاسه نطق
الشخص : الحك على مرتك بانفاسها الاخيره
استوعب أدهم ليش جان هذا الدكتور موجود انخلع قلبه و توعدله ب أقسى و ابشع العقوبات اذا الي ب باله صحيح ركض أدهم للغرفه و انصدم ب منظر ريم جانت مربوطه و غركانه بالدم ركض حرر ايدهاو شالها بحضنه جانت لسه تنزف ركض بيها لل سياره و انطلق على أقرب مستشفى بعد ما أمر رجاله يحبسون الشخص و الدكتور بالسرداب وصل أدهم للمستشفى و أخذوا ريم راسا على غرفه العمليات وكف أدهم كدام الغرفه و ل اول مره تنزل دمعه من عينه
أدهم ب همس : يا رب اعرف اني ما استاهل شي من رحمتك بس يارب ريم ما الها ذنب وداعتك يا ربي اذا رجعتها سالمه راح اعوفها و ابتعد عن حياتها
بعد أكثر من ساعه طلعت دكتوره بسرعه و جانت تلهث ب تعب
الدكتوره : انته ويا المريضه الي جوه
الباشا ب قلق : ي اني
الدكتوره : محتاجين دم ب سرعه المريضه حالتها حرجه
الباشا : شنو فصيله دمها
الدكتوره : o_
الباشا : فصيله دمى A+ مترهم
الدكتوره : للأسف لا شوف احد من أقاربها بسرعه
رجعت الدكتوره ل غرفه العمليات اما أدهم اتصل ب حسن الي راسا رد
حسن : لكيت ريم؟
أدهم : تعال على مستشفى...... بسرعه
حسن : ريم شبيها
أدهم بصراخ : تعال هسه
سد الخط و بعد نص ساعه دخل حسن و هشام للمستشفى اول ما شافهم أدهم سحب حسن على غرفه سحب الدم
حسن : فهمني شكو
أدهم : اختك محتاجه دم و اكيد دمك مطابق الها
سحبت الممرضه عينه و فعلا مطابق اخذ كيسين دم و راحت ل غرفه العمليات و كلهم وكفوا هناك حجى حسن ب ألم
حسن : مرتاح هسه اخذت انتقام اختي بين الحياه و الموت ب سببك
أدهم ب نفاذ صبر : حسن افصل و اطلع من دماغي
حسن : لا تمثل انك خايف عليها انته اصلا تكرهها
أدهم بعصبيه : حسن الي جوه هاي مرتي احبها اكرهها مالك دخل
هشام : على شنو دتتناكرن خل نطمن على المخلوق الي جوه
سكتوا كلهم و كل أحد يدعي ان ريم تطلع ب خير و سلامه بعد أكثر من 3 ساعات طلعت الدكتوره كلهم اجتمعوا حواليها
حسن : طمنينا دكتوره
أدهم : ريم شلونها
الدكتوره : الحمدلله عدت مرحله الخطر النزف جان قوي ب سبب الإجهاض ب طريقه غير صحيحه و أيضا بسبب مناعتها الضعيفه و جسمها الضعيف
هشام : يعني هسه هيه بخير
الدكتوره : يي راح ننقلها ل غرفه عاديه بس لازم تبقى تحت المراقبه ل مده اسبوع في حال صار مضاعفات
ارتاح الكل و اولهم أدهم تركهم بعد ما اطمن ان ريم انقلت ل غرفه خاصه و دفع كل الحسابات رجع للغرفه و سمعها تنتحب ب ألم
جان حسن حاضنها
ريم ب بجي : ابني حسن اخذوا ابني مني حرام عليهم ليش هيج ليش كله بسبب أدهم ألله ياخذه ألله ياخذه
حس أدهم ل اول مره شكد اذاها ترك المكان و طلع دز رساله ل حسن ان ياخذ ريم ل بيتهم بعد ما تصير زينه راح كعد ب مكان هادئ و دمعه نزلت من عينه و هو يتذكر شلون جان يتخيل طفله ليش محد مقدر وضعه هو هم خسر طفله الأول إلى جان يحلم بيه دك الفون ب رقم لينا رد ب تعب
أدهم : ها لينا صار شي
لينا : أدهم وينك ليش صوتك هيج لكيت ريم طمني
أدهم : لكيتها
لينا ب فرحه : الحمدلله يا رب الحمدلله زين شوكت تجون
أدهم : شويه أنوب
سد الخط و هو يحس ألم ب قلبه اول مره يحس بيه خوفه عليها اثبتله ان هو يحبها و يعشقها بس لازم يبتعد عنها اكيد هسه كرهته خصوصا و هي تعتبره سبب موت ابوها رجع للبيت و جانت لينا تنتظره ركضت عليه
لينا : أدهم طمني وين ريم
أدهم : بالمستشفى
لينا بخوف : ليش
أدهم : سقط الطفل
لينا ب صدمه : شنو شلون
تركها و.....
يتتتتتبع 😁
يا ترا أدهم راح يبعد عن ريم؟
حسن و لينا راح تنتهي علاقتهم بعد الي صار؟
البارت الجاي تعرفون بس لا تنسون👈⭐➕👤👉
ورجعنه من المحطه بليل جنه وجوه دفانه...
