بقلمي / ضوء القمر 💫
- تواسي الناس كلها، وهي اللي بيها يوجع بلد 🌿.
لأنه حبها رغم شافها مرات معدوده و رغم العذاب الي شافه بسببها قطع سلسله افكاره صوتها و هي تهمس بصوت يرجف
لينا: شلون صرت
باوع عليها و ابتسم
حسن : الحمدلله
سكتت و كعدت بصف الباب تباوع عليه و هو هم ما نزل عينه عنها و كانه يريد يشبع منها قبل ما تتركه اما لينا صارعت هواي حتى تاخذ هذا القرار أن تكعد وياه و الي مستغربته ان ما حاسه بخوف منه يمكن بسبب حالته و ان ميكدر يتحرك قاطع صفنتها كلامه
حسن : اطلعي منا قبل ما يجي ادهم
ضلت ساكته ثواني بعدين حجت بهدوء
لينا : ادهم بالشركه
حسن ب لهفه : ريم شلونها خوما اخوج دياذيها
لينا باستغراب : و انته شدخلك
حسن بالم : شلون شدخلني ريم اختي و اخوج ديخلص حقه مني بيها
لينا : مستحيل ادهم يحب ريم
حسن ب دهشه: صدك
هزت لينا راسها بمعنى يي ارتاح حسن شويه و بعد ما اطمن ان اخته بخير يمكن ادهم بس كدامه ياذيها حتى يقهره باوع على لينا و حجى
حسن : فرحانه
لينا باستغراب : شنو
حسن : يعني ب هذا منظري
لينا : اكيد لا قصدي يعني ما احب اشوف احد يتاذه
حسن : الي 4 سنين اتاذه بسببج
لينا : ل ليش
حسن : اذا كتلج ما جنت بوعي من اغتصبتج راح تصدكيني
لينا : يعني شلون
حسن : بيومها جنت سهران ويا جماعتي و جانت اول مره اشرب بيها و بعد ما وعيت و شفتج اخذتج للمستشفى و رجعت للبيت حاولت افكر بحل كلت ل والدي و بيومها اول مره يضربني و باقي إلى صار تعرفيه
جانت تسمع و دموعها تنزل و هي تذكر ذاك اليوم الي جاهدت حتى تنساه
حسن : بس تدرين رغم كل العذاب الي شفته على ايد اخوج بس حبيتج
صدمه احتلت ملامحها و هي تباوع عليه بعدم فهم كمل كلامه
حسن : حبيتج لان جنت متاكد ان البنت الي دا اتعذب بسببها تستاهل و ان اكيد هيه تاذت اكثر مني
سكت يراقب رد فعلها و كمل كلامه مره ثانيه
حسن : جانت كل ضربه اكلها اقيسها بجزء من المج النفسي
تركته بسرعه و طلعت بعد ما قفلت الباب ضلت تبجي بدون صوت مسحت دموعها بسرعه و طلعت من السرداب صارت بوجهها ريم توترت
ريم باستغراب : شبيج لينا ليش تبجين وجهج اصفر
لينا بتوتر : ها اا لا لا ماكو شي مجرد تعب تعالي نكعد بالحديقه الجو حلو
ريم : اوك
طلعن كعدن بالحديقه و كل وحده تفكيرها ب مكان لينا جانت تفكر بكلام حسن متعرف تصدكه لو لا بس نبرته جانت صادقه اما ريم جانت تفكر ب ادهم و معاملته الها تعبت و ما عاد تتحمل عايشه تحت رحمه الشخص الي يعذب أخوها و متعرف شي عن أبوها و امها لازم تحجي وياه و تنهي هاي المسائله بعد مرور ساعه على وجودهم بالحديقه دخل ادهم من شافهم راح كعد يمهم
