بقلمي / ضوء القمر 💫
احنة ماعدنة العشك صفنة وخيال
احنة من نحب نطك وننفجر
بيوم أتعرض على أدهم ان يبني مدرسه و مستشفى ب قريه بسبب بعد القريه عن المدن و عدهم توفر اغلب الاحتياجات الصحيه و التعليميه بيها و فعلا وافق و راح حتى يشوف موقع القريه و يتفقدها و فعلا وصل و شاف القريه و حدد الإمكان الي تنبني بيها المستشفى و المدرسه و وافق شيخ القريه على المواقع تمشى أدهم بين الحقول و سمع صوت صوت تمنى يسمعه من 4 سنوات بلع ريكه و هو خايف يكون هذا مجرد وهم مثل كل الأوهام الي اطارده بسبب معشوقه بدا يتبع الصوت و وصل ل مكان بعيد شويه عن الحقول و شافها ي هيه جانت تضحك بين مجموعه أطفال يلعبون وياها بلع ريكه و تقرب اكثر همس ب اسمها اكثر من مره صار قريب ل درجه انتبهت اله بهتت ملامحها اول ما شافته خوف حزن دموع قهر كل هاي المشاعر تجمعت مره وحده عافت كلشي و بدت تمشي سريع بعيد عنه و دموعها تتسابق بالنزول ركض وراها لزم ايدها و سحبها ل حضنه طوقها بقوه و كأنه يتأكد انها مو وهم و خيال مثل كل مره شم عطرها الي ما تغير باوع بعيونها الي جانت مدمعه شاف كره و حقد عكس عيونه الي جانت تشع حب و اشتياق و لهفه همس ب تعب
أدهم : ريم
ريم ب كره : بعد ايدك عني انته تخبلت عوفني
أدهم : مستحيل اعوفج بعد كل هاي السنوات قبل ما تفهمين كلشي
ريم : ما اريد افهم شي يعني هربت ل اخر الدنيا و هم لحكتني
أدهم : حتى تعرفين ان اني قدرج و ماكو مفر مني
دفعته ريم ب قوه و ركضت بعيد فرح أدهم لان لكاها هسه ممكن يفهمها الي صار صح راح يكون صعب بس راح يسوي كلشي يكدر عليه حتى يرجعها اله اتصل ب حسن و بلغه و حسن فرح حيل و طلب العنوان حتى يجي بس أدهم منعه و وعده ان ما راح يرجع غيرو ريم وياه اجتمع أدهم ويا شباب و شيوخ القريه و حجى الهم كلشي و طلب مساعدتهم حتى يرجع ريم اله و وافقوا ةو بدا أدهم يطارد ريم و يحاول بكل الطرق يخليها تسامحه او تسمعه بس بكل مره جانت ترزله و تطلب منه يعرفها بحالها و شكت منه ل شيخ القريه بس صدمها بكلامه
الشيخ : يا بنتي ما يصير ندخل بين رجال و حرمته
بدت ريم تعصب من تصرفات أدهم و ملاحقه الها بكل مكان قررت تسمعه و تخلص منه ثاني يوم طلعت ريم من البيت و كالعاده جان أدهم كاعد كدام البيت راحت يمه
ريم : راح اسمعك بس بشرط
أدهم ب لهفه : موافق على كلشي
ريم : ما اشوف وجهك مره ثانيه
وافق أدهم و هو متأكد راح تسامحه من تعرف الحقيقه و بدا يحجي الها كلشي صار و جان البرود هو الشي الوحيد الي مبين على ملامحها
ريم : تمام كملت كلامك
أدهم ب استغراب : يي
ريم : حلو ما اريد اشوفك مره ثانيه
انصدم أدهم من كلامها جان متوقع رد فعل ثاني منها بس صاح بغضب
أدهم : ماشي ريم براحتج اني سويت الي عليه و زياده ركضت وراج مثل الطفل و تصرفت مثل تصرفات المراهقين حتى تسامحيني بس هل مره اني دا اكولها الج اني ما اريدج بعد
تركها أدهم و مشى بعيد نزلت دموع ريم و هي تباوع ال ظهره
كملت ريم حياتها بالقريه بعيد عن أدهم و صارت تزور حسن و لينا كل فتره تطمن عليهم و تعرف اخبار أدهم
اما أدهم رجع ل شخصيه الباشا مره ثانيه و صار أقسى و أعنف من قبل و ربى رعب و خوف ب دخل اعداءه و قفل قلبه الي جان السبب ب هذا التحول و صار يتعامل ويا كل النساء على اساس ان هن أدوات تفريغ شهوات فقط و حذف الحب من قاموسه
اما ريم بعد الي عرفته عن أدهم قبل ما يتركها جان شي صادم و هو الشي الي خلاها تكره أدهم وترفضه أدهم الي سمم والدها و قتله و أيضا أدهم جان السبب ب موت هواي ناس أبرياء و كدر يفلت بدون حساب بعد ما ساعد القوات الامنيه و محى كل دليل ضده جان صعب تعيش ويا شخص قاتل و آله هواي أعداء
The End... 🖤
إلى هنا و تنتهي القصه اتمنى تكون عجبتكم القصه و طريقه السرد صوتوا و تابعوني و كولولي شنو رايكم بالقصه او بقصصي بشكل عام و استمر بالكتابه لو اكعد و اسكت
رأيكم يهمني ❤️
أجمل وصايا البُعد .. لا تحبّ غيري ❤️
