بقلمي / ضوء القمر 💫
خلوه من ينشف خلگه ويلتفت
يلگاني فرصه وضاعت بعشرينهَ.
نرجع ل قصر الباشا
جان كل واحد داخل القصر يفكر بالي راح يصير باجر لينا جانت تفكر ب حسن و كلامه و اذا جان يتلاعب بيها حتى ينتقم من أخوها لو يحبها فعلا و ادهم الي جان يحس ب احساس غريب داخله تجاه ريم مو كره ولا حقد لا شي ثاني شي حلو بس مدا يكدر يحدده يمكن لان امتلكها و صارت اله وحده اما ريم المسكينه جان تفكر ب عائلتها الي ما راح تكدر تشوفهم مره ثانيه بسبب ادهم و حياتها وياه شلون راح تتعامل و تتعايش وياه نزلت دموعها و بدون وعي على صوت شهكاتها الي ما كدرت تكتمها فتح ادهم عيونه و التاف عليه سحبها ل حضنه و ضل يطبطب على ظهرها بخفه بينما هيه استسلمت اله هي فعلا محتاجه حضن هسه
ادهم : كافي راح يصير زين
ضلت تبجي و حجت ب صوت متقطع
ريم : ر راح تت خ خليني اش اشوفه
سكت ادهم و سكوته خلاها تزيد بالبجي حضنها اكثر و حجى بصوت ناصي
ادهم : ميخالف نامي هسه و اخليج تشوفيه
هدءت شويه و نامت بحضنه جانت اول مره ادهم يتعامل وياها ب حنيه و ما ياذيها او يخوفها
يوم جديد و أحداث جديده
صحى الباشا و أدى روتينه اليومي جانت ريم تراقبه من شافته خلص لبس راحت عليه حجت ب صوت مخنوك
ريم : وديني على بابا
أدهم : مو اليوم اليوم راح اتأخر باجر آخذج
تركها و توجه للشركه بينما ريم ضلت كاعده ب الغرفه اندكت الباب و دخلت لينا
لينا : ريمي يالله نتريك
ريم بصوت مبحوح : مالي نفس
لينا : لخاطري بس شويه
سحبتها و نزلتها غصب عنها جوه و فعلا أكلوا ثنينهم بعدها ريم رجعت لل غرفه تمددت بس فجاءه انتفضت و هي تتذكر شي ركضت ل غرفه لينا و دخلت بدون استاذان الشي الي جفل لينا
لينا : اسم الله شبيج
ريم : اليوم شكد بالشهر
لينا : يعني انتي مسويه هذا الاقتحام على مود تسأليني اليوم شكد بالشهر كطعتي خلفي
ريم : هسه بس كوليلي
لينا : 6
صدمه احتلت ملامحها و دمعه حزينه نزلت من عيونها الشي الي خوف لينا الي كامت ركض حضنتها
لينا : ريمي شبيج
ريم بخوف : يمكن اني
سكت تبلع ريكها خايفه تنطقها
لينا : انتي شبيح خوفتيني
ريم : حامل
باوعتلها لينا ب صدمه و ما طولت من صرخت ب فرح
لينا : ياااااي راح اصير عمتو
ريم : بس اني ما اريد
لينا باستغراب : شنو متريدين
ريم ب دموع : ما اريد هذا الطفل ساعديني اخلص منه
لينا بصدمه : انتي تخبلتي زين برايج أدهم راح يقبل
ريم : ما راح اكوله اصلا
لينا : ليش
ريم : لينا افهميني اني و أخوج منحب بعض و هذا الطفل اذا ينولد راح ينظلم
لينا : منو كال أدهم ميحبج
