بقلمي / ضوء القمر 💫
- ملامحها ،قَوية كما هيه بُريئة و جمَّيلة ❗️.
تقدمت من الفراش و انصدمت من الشي الي شافته لطمت على صدرها
زينب : عزا العزاني
كعدت بصفها بسرعه تحاول تصحيها و هي تشوف كميه الكدمات و الآثار الي بجسمها
زينب : حبيبتي كعدي اصحي يمه عزا ماتت الله لا ينطيك أن شاء الله شمسوي بيها لج حبيبتي اصحي
ركضت جابت شويه مي و بدت تغسل وجهها انتفضت النايمه بفزع و هي تتلفت
زينب : اهدي اهدي حبيبتي اني هنا بس اني جيت اساعدج
بدت ريم تبجي من وجع روحها الي انكسرت قبل جسمها شلون هيج صار أبوها وين ليش تركها معقوله تخلوا عنها اله ليش هيج سوا بيها كل هاي الاسئله جانت ادور براسها بس قاطع افكارها ايد زينب الي طبطبت على ايدها
زينب : حبيبتي كومي كومي سبحي ب مي دافي حتى يخف الوجع اكيد هسه جسمج يوجعج
زينب سحبت ريم على كيف كومتها و ريم مثل المغيبه دموعها تشرح حالتها ركضت زينب للحمام الي بالغرفه و فتحت المي الدافي بالحوض إلى أن انملى
زينب : يالله حبيبتي كعدي بالمي هسه ترتاحين
اول ما نزلت ريم بالمي تحول لون المي للاحمر الفاتح بسبب الدم الي نزفته ولازالت تنزفه بجت بقوه زينب بسرعه فتحت تصريف المي و ملت الحوض مره ثانيه و تركتها على راحتها طلعت غيرت الفرشه و رتبت الغرفه بعد نص ساعه رجعت الها ساعدتها تسبح و طلعتها كعدتها على الفراش
زينب : راح اروح اجيبلج اي شي مني مؤقتا و هم اجيبلج اكل يقويج شويه
نزلت زينب بسرعه ل غرفتها و اختارت تراك و ملابس داخليه جديده و طلبت من خادمه ثانيه تحضر صينيه اكل و تصعدها ل غرفه الباشا و صعدت بسرعه ل ريم الي جانت بعدها تحت تأثير الصدمه لبستها زينب الملابس و اجت الخادمة الثانيه جايبه الاكل اخذته زينب و كعدت بصف ريم وصارت تحاول تاكلها
زينب : يالله حبيبتي اكلي حتى تنامين ترتاحين
ريم بصوت مبحوح: ما اريد ماريد شي بس طلعيني منا الله يخليج
زينب بحزن : ياريت لو اكدر والله اطلعج بس صعب تطلعين من القصر محد يكدر يدخل و يخرج من القصر بدون إذن من الباشا
ريم ب بجي : اذا أبقى هنا اموت والله اموت بابا وين ليش عايفني إلى ألان يم هذا المتوحش
زينب : حبيبتي اعرف بيج متاذيه نفسيا و جسديا بس صدكيني اذا تعاندين و تحاولين تهربين راح ياذيج اكثر سمعي كلامه و اكيد اذا شافج اطيعيه راح يسوي الي تريديه
سكتت ريم و عرفت ان زينب ما راح تكدر تساعدها و أبوها هم ما راح يكدر يسوي شي كدام بطش الباشا لذالك قررت تقاوم بنفسها قاطع سلسله افكارها كلام زينب و هي تقرب الاكل من حلك ريم
