بقلمي / ضوء القمر 💫
كإمرأة مثلي لا يُمكن هزيمتها أبداً
سكتت و ركزت نظرها على الدرج تنتظر نزول ريم الي تعتبرها خطفت أخوها منها بعد مرور نص ساعه نزلت ريم و هي تتحامل على المها كامت لينا ب صدمه
لينا : ريم
ريم : لينا
ادم و الباشا باوع ب استغراب البعض بينما لينا ركضت على ريم حضنتها كتمت ريم المها بصعوبه
لينا ب فرحه: ريم هاي انتي
ريم: لينا شسوين هنا
حجت جملتها و هي تباوع لل باشا الي جان يراقب الموقف
لينا : هذا بيت اخويه بس انتي شسوين هنا
سكوت و هدوء فقط نظرات بين الباشا و ريم قطعتها شهكت لينا
لينا : انتي مرت ادهم صح
باوعتلها ريم و هزت رأسها كمزت لينا من الفرح و حضنتها مره ثانيه
لينا : ياااااي احلى خبر تدرين جنت ناويه اشتغل شغل الجنه و حماتها بس من طول انتي الجنه الوضع يختلف
الباشا : لينا من وين تعرفين ريم
لينا : جنا سوه بنفس المدرسه بس ب الخامس افترقنا و ما عرفنا عن بعض شي
الباشا : اها
كعدوا الكل و لينا ما بطلت سوالف ويا ريم الي فرحت ان لكت شخص تعرفه و تامن بيه جان الباشا يراقب اخته و مرته إلى أن قطع تركيزه ادم و هو يكوم
ادم : طيب اني اروح هسه .. تشرفت بيج مدام ريم
ابتسمت ريم اله بينما الباشا كال
الباشا : من ترتاح مر عليه محتاجك بشغله
ادم : تمام يالله عن اذنكم
طلع ادم و لينا باوعت على الباشا
لينا : من رخصت الباشا راح احتل ريم كم يوم يمي و ارجعها الك
الباشا: تمام
تركهم و توجه للمكتب بينما ريم و لينا صعدوا ل غرفه الباشا لينا تربعت كدام ريم
لينا ب حماس : يالله احجيلي شلون تعرفتي على ادهم و شوكت تزوجتوا اكيد عن قصه حب عميقه
ريم ب استهزاء : لا هيه من ناحيه عميقه ف هيه عميقه
لينا : دحجي عاااد
ريم : خطفني و تزوجني
ضلي لينا صافنه تستوعب الكلمات الي سمعتهن
لينا : صدك تحجين
ريم: ي اخوج خطفني و جبرني اتزوجه
لينا : معناها اكيد معجب بيج و يحبج بس يكابر
ريم باستهزاء و هي تتذكر شلون جلدها : صحيح
ضحكت لينا و هي تحضن ريم بقوه
لينا : بس تدرين حيل فرحانه ان هو اختارج و ما اختار وحده من الحيايه الي جان يعرفهن
سكتت ريم و مر اليوم و لينا تحجي ل ريم عن تركيا و ادم و هواي امور و ريم تسمع الها
مر شهر كامل على وجود لينا و خلال هذا الشهر الباشا ابد ما اذى ريم او جبرها على شي لان جان اغلب وقته خارج البيت بيوم جانت ريم كاعده بغرفتها دخلت لينا عليها
