بقلمي / ضوء القمر 💫
تتعمّدين الظهور كصبّارة فيخذلك وجهُك ، وجهُك الذي يشرحُ للفلّاحين وجهةَ نظر الورد الكاملة
ريم : ادهم نادر علم الدين
صفنت تحاول تذكر وين سمعت هذا الاسم بس فشلت فتحت الظرف و شافت ورقتين فتحت اول ورقه جان مكتوب بيها اسم ادهم بالدم و الورقه الثانيه بيها هواي أسماء نص عليهن علامه × و نص لا من ضمنهن اسم أخوها و أبوها و هشام بس اسم أخوها عليه علامه × انصدمت معناها ادهم قتل حسن بدت دموعها تنزل جفلت من سمعت صوته
الباشا : شدسوين هنا
التافت عليه و دموعها لسه تنزل حجت بصوت مخنوك
ريم : ليش قتلت حسن
تقرب منها سحب الورقه منها و رجعها ل مكانها باوع عليها و ضربها راشدي وكعت بالكاع نزل ل مستواها
الباشا بهدوء : هذا حتى تتعلمين متلعبين ب شي ميخصج
ضربها راشدي ثاني و جر شعرها
الباشا : لتخافين عن قريب راح تعرفين ليش بس ساعتها راح تكرهين اهلج
سحبها من شعرها طردها برا غرفه الملابس جانت ريم مصدمه من هذا الكائن هواي اسئله تريد إجابات الها تعبت و تريد تفهم ليش ديصير بيها كل هذا ضلت تنتظره لازم تعرف كلشي طلع من الغرفه بعد ما غير هدومه وكفت كدامه
ريم بدموع : فهمني ليش دسوي كل هذا
الباشا: مصره؟
هزت رأسها بمعنى يي جرها من ايدها و كعدها كدامه ورث جكاره و هو يباوع بعيونها
الباشا : قبل 6 سنوات جان والدي محامي دولي و والدتي دكتوره جنا عاىله سعيده و مرتاحين إلى أن بيوم تأخرت على اختي الي جانت ماخذه دروس تقويه و من وصلت ما لكيتها بس ابو محل قريب بلغني ان شاف شاب أخذها بسيارته تخبلت و ضليت ادور عليها إلى أن لكيتها ب مستشفى و جانت متعرضه لل اغتصاب من صحت تعرفت على الشخص الي اغتصبها و جان أخوج
سكت يراقب تعابير وجهها الي تحولت ل صدمه كمل كلامه
الباشا : بعدها والدي رفع قضيه حتى يحاسب اخوج بس ابوج ب علاقاته القويه قلب الطاوله و صارت القضيه ضدنا والدي انسحبت منه رخصت الحماماه و انسجن بس ما تحمل و مات والدتي من سمعت الخبر هم ماتت و اختي بسبب الصدمات صارت بيها حاله نفسيه و اضطريت اسفرها تتعالج بس من يومها حلفت اندم ابوج و اخوج على كلشي و هاي اني دا انفذ الحلفان
صدمه شلت عقلها عن التفكير مستحيل وكفت كدامه و دموعها تنزل
ريم بصوت مخنوك: مستحيل انته جذاب كلامك كله جذب حسن و بابا أشرف منك
وكف و جرها من ايدها انضربت ب صدره
الباشا : و ليش اجذب عليج مثلا ولو اني مو ملزم اثبتلج كلامي بس راح اخليج ويا اخوج كم ساعه حتى تسمعين كلامي منه
