اسيره الباشا

البارت التاسع عشر

بقلمي / ضوء القمر 💫

عيونَج تنعشگ گوه ،
يا من كُل السلف يندارلج فدوه.💚

فتحت ريم عيونها ب صدمه و هي تباوع ل أدهم ب نظرات ناريه

ريم : جانت تختارلك ملابسك
أدهم : يي
ريم : صدك مو محترمه

ابتسم أدهم على غيرتها و بدا يعلمها على شغلها و صارت تلازمه بكل مكان و جان دائما يحاول بكل الطرق يتقرب منها و هي تصده بس داخلها فرحان بيوم جان اجتماع مهم بين شركه أدهم و وفد لبناني و بعد نهايه الاجتماع نزلوا للمطعم يتعشون و واحد من الوفد ابدئ إعجاب واضح ب ريم الي توترت من شافت أدهم الي جان يحاول يسيطر على غضبه حتى ما يخسر هاي الصفقه لأنها مهمه

شخص من الوفد : انسه ريم مرتبطه شي

قبل ما ترد ريم جان رد أدهم اسرع

أدهم : ي نعم مرتبطه
الشخص : اكيد هل شخص كتير كتير محظوظ فيكي انسه ريم
أدهم : فعلا هو محظوظ بس انته الي مو محظوظ

هجم أدهم على الشخص و ضربه بعنف بعدها ألغى الصفقه و سحب ريم و طلع من المطعم كله جان يسوق السياره بسرعه و هو يسب و يشتم بينما ريم جان تحاول تكتم ضحكتها حتى ما تاكل رزاله او ضربه منه وصلوا للقصر و أدهم سحب ريم وراه من دون كلمه للمكتب سد الباب و حاصر جسمها الصغير بين جسمه الضخم و بين الباب

أدهم بغضب مكتوم : فرحانه موو
ريم باستفزاز : و ليش لا
أدهم هو يحاول يسيطر على نفسه : على شنو فرحانه ها واحد سافل يتغزل بيج و انتي مكيفه على شنو وو ما كلتي مالي عينج ما كلتي اكو حيوان يمي

جان يتنفس بسرعه بسبب العصبيه و رسم تباوع بعيونها المدمعه على العيون الي تشع غضب ممزوج ب غيره

ريم بصياح : لعد انته ما فكرت بيه من جبت وحده ملزكه و سمجه مثل هاي الزرافه تختارلك ملابسك و فوكها تتقرب منك و انته راضي و متونس مثل ما انته تتعامل ويا الناس مدامي اني اتعامل بالمثل

ابتسم أدهم على غيرتها و خلها جبهته على جبهتها و همس بحب واضح

أدهم : خلص متعادلين بعد لا تعيديها

حضنته ريم و هي تبجي بسبب غيرتها و خوفها و مشاعرها المتخبطه و استقبلها أدهم بحب مر شهرين اثبت أدهم حبه ل ريم و هي هم اعترفت ب حبها اله كملت كل التجهيزات و صار يوم العرس جانت لينا و ريم ب نفس الصالون بينما أدهم و حسن جانوا ب وحده من غرف الموجوده بالقاعه يهيئون نفسهم

أدهم : ما جنت متخيل ان لينا تستقبلك بيوم لا و فركاها تحبك و تتزوجك
حسن : ولا اني والله

كمل أدهم لبس ربطه العنق بينما حسن تذمر بملل

حسن : شلون تلبسها هاي

ضحك أدهم و راح ربطله ربطه العنق صار وقت خروجهم حتى يستقبلون عروساتهم بس أدهم اجته مكالمه و طلع بدون ما يبلغ اي احد شي جانت ريم واكفه ب توتر و حسن و لينا يمها

ريم : وين ممكن يروح ب هيج يوم
لينا ب تبرير و توتر : اكيد صاير شي
حسن : دا اتصل بيه مدا يرد

فجاءه على صوت فون ريم ب اشعار رساله فتحتها و انصدمت جانت صوره ل أدهم و هو نايم ويا بنت و مكتوب تحت الرساله تركج حتى يكون ويايه انصدمت ريم و لاحظ حسن صدمتها سحب الفون و شاف الرساله و العنوان الموجود بيها طلع ب عصبيه و ريم و لينا لحكوه ب فساتين العرس الي جانت رغم بساطتها كلش حلوه و توجهوا الثلاثه للشقه الي بيها أدهم وصلوا و جان الباب مردود فتحوا و راحوا ل اول غرفه جتي كدامهم و لسوء الحظ جان أدهم توه بدأ يصحى انصدم بيهم كدامه و انصدم اكثر ب منظره ويا البنت الي وياها باوع على ريم

أدهم : ريم اسمعيني ما ادري شلون هية صار اكو غلط

جانت ريم مصدومه و دموعها تنزل ب قهر خانها خانها بيوم عرسهم نزعت الخاتم من ايدها و شمرته طلعت تركض و حسن وراها بينما لينا ضلت تبجي و هي تباوع على أدهم المصدوم حاول أدهم يوصل ل ريم بكل الطرق بس فشل حتى حسن مايعرف وين اختفت تزوجوا لينا و حسن و مر شهر جانوا عايشين عادي رغم حزن حسن على أخته جتي لينا نامت على صدره

لينا : زعلان مني
حسن : تؤ ليش
لينا : يعني بسبب الي صار بين أدهم و ريم
حسن : وانتي شدخلج ما ادري ليش كل مره تتصلح الأمور بينهم تخرب بسرعه
لينا : تعرف مكان ريم
حسن بحزن : للأسف لا
لينا : بعد ليش ما ادور عليها ويا أدهم
حسن بحزن : لو تريد اعرف مكانها جان كالتلي و اني عندي ثقه ب ريم و متأكد هي حيل تأذن ف قررت تبتعد
لينا : الله يهدي الجميع

بينما ب مكان ثاني و تحديدا ب قصر أدهم الي بالعراق جان كاعد ب غرفته يتذكرها شكد اشتاق الها دور عليها بكل مكان اتصل بكل الأشخاص الي يعرفهم والي ممكن يوصلون الها و فشل تذكر نظرتها اله ب ذاك اليوم و دمعه نزلت من عينه للمره الثانيه يبجي بسببها
مره من خسر ابنه منها و هاي المره الثانيه يتمنى يشوفها ولو دقايق يفسر الها الي صار و ان اجاه اتصال يبلغه ان لازم يروح ل عنوان معين بسرعه لان اكو شي ممكن يدمر حياته و حياه ريم و هو راح و اول ما دخل الشقه فقد الوعي و من صحى جانت ريم كدامه نزعت الخاتم الي هداه الها وبعدها اختفت بدون أثر

اما ريم جانت عايشه ب قريه ريفيه بعد ما غيرت اسمها و شكلها و فتحت روضه صغيره ي مساعده أهالي القريه تعلم الأطفال الكتابه و القرايه بسبب بعد المدارس قررت ادز رساله ل اخوها اطمنه عليها و فعلا هذا الي صار و عاشت حياتها بعيد عن كل شخص تعرفه و اولهم أدهم الي إلى اليوم ما نست خيانته الها و رغم هواي تقدموا الها من سكان القريه بس جانت ترفضهم بطريقه لطيفه و مهذبه

بعد مرور 4 سنوات

حسن و لينا صار عدهم طفلين ريم سنتين و رامي سنه جانت حياتهم هادءه و مستقره رغم الحزن الي مخيم عليهم بسبب فقدان ريم

أدهم تغير 280 درجه صار شخص عصبي و انفعالي على اتفه الأمور و دفن نفسه بالشغل حتى ينسى او يتناسا ريم الي معذبته

ريم الي جانت حياتها هادئه و بسيطه و كل سكان القريه يحبوها و يحترمها

بيوم أتعرض على أدهم ان يبني مدرسه و مستشفى ب قريه بسبب بعد القريه عن المدن و عدهم توفر اغلب الاحتياجات الصحيه و التعليميه بيها و فعلا وافق و راح حتى يشوف موقع القريه و يتفقدها...

يتتتبع 😛

يا ترا أدهم و ريم راح يتقابلون؟
الحب راح يكون اقوه من كبرياء و غرور ريم و ترجع ل أدهم؟

وأنتِ ترحلين،
‏رأيتُ كل أيامي
‏تعض على أصابعها وتبكي."