بقلمي / ضوء القمر 💫
الأحوال النفسيّة ' أسوأ من الأحوال الجَوّية
ترك ادم المكتب و طلع توجه للمستشفى اول ما وصل كعد بالحديقة بعد دقايق حس ب شخص كعد بصفه باوع شافها شيرين رجع مره ثانيه يباوع للسما
شيرين : شبيك دكتور
ادم بحسره : ماكو شي
شيرين بقلق : شلون ماكو شي وانته هذا منظرك احجي لتخاف سرك ب بير
ادم ب ابتسامه : عافتني بعد 3 سنوات عافتني
شهكت شيرين بحزن بعدين حجت
شيرين : بصراحه غبيه
باوعلها ادم و ابتسم كملت بابتسامه
شيرين : يعني غبيه لان عافت واحد مثلك شاب صاك و دكتور مشهور و مدير اكيد غبيه اني لو منها ما افكر لحضه اتركك
ضحك ادم على عفويتها سحب ايدها و لبسها خاتم لينا و تركها تحت صدمتها و راح
اما بالقصر
بعد ما راح ادم صعد أدهم ل غرفه لينا دك الباب و سمع صوتها تأذن بالدخول دخل للغرفه و شافها لسه تبجي راح حضنها و كعد بصفها
أدهم : رد فعلج مبالغ بيه
لينا و هي تمسح دموعها : هو مستفز
أدهم : لينا صاير شي وياج
لينا ب توتر : مثل شنو يعني
أدهم : ما اعرف بس على العموم إذا اكو شي ياريت تبلغيني
باسها من راسها و تركها توجه ل غرفته دخل شاف ريم كاعده ب البلكونه راح يمها
أدهم : جو بارد مو زين عليج
ضلت ساكته و هي تباوع للفراغ شالها أدهم و حس ب برودت جسمها توجه للسرير بعد ما سكر البلكونه تمدد و خلاها ب خضنه جانت ساكته بس دموعها تنزل مسح دموعها ب أصبعه و حجى بهمس
أدهم : ليش البجي
ريم ب دموع و تعب : ارحمني تعبت
زادت بالبجي بينما هو سكت و ضل حاضنها إلى أن غفت ب حضنه و هو يفكر ب مشاعره تجاهها بالفتره الاخيره صار يكره ياذيها و ميحب يشوف دموعها رغم بالبدايه جانت يستمتع ب اذيتها يمكن لان صارت ام ابنه ابنه هاي الكلمه الها شعور حلو بداخله بحياته ما جان يتخيل ان يصير اب ابتسم و هو يتخيل طفله بس اختفت ابتسامته و هو يتذكر الواقع ان هي تكرهه و اعداءه الي راح تكون الهم افضل فرصه حتى يقضون عليه لازم يسرع ب خطته نام و هو يفكر بالنهايه
يوم ثاني
كعدت ريم و هي تحس اكو ثكل على جسمها فتحت عيونها و شافت أدهم نايم تقريبا فوكاها حاولت تتملص منه بس فشلت لانه ثكيل بدت تصحيه على كيف
ريم : أدهم
ما بدر منه أي رد فعل
ريم : ادهممم اصحى راح اموت
تململ أدهم و غير نومته كامت ريم و هي تحس جسمها متكسر بسببه باوعت عليه
ريم : مؤذي
أدهم بصوت ناعس : سمعتج
