بقلمي / ضوء القمر 💫
و أحيَانًا يبدُو الشخصُ المُتعب جذّابًا
مِن بعِيد .
كام الباشا بسرعه و هو يتوجه للطابق الثالث بأقصى سرعة بعد ما صرخ ب زينب حتى تتصل ب طبيبه الخاص دخل للغرفه و راح يمها فحص حرارتها فعلا جانت حيل عاليه
الباشا : تؤ تؤ ما راح تموتين هسه بعد كدامج مشوار طويل
بعد مرور اقل من نص ساعه دخل الدكتور و بده يفحص ريم علك الها محلول و كتب ادويه الها و سلم الروشيته للباشا الي نطاها ل زينب حتى تجيب العلاج
الطبيب : الظاهر ان صابتها حمى بسبب البرد اني علكت الها محلول بس يخلص الاحسن ان تسبحوها ب مي بارد حتى حرارتها ترجع طبيعيه و ضروري تلتزم بالعلاج لان مناعتها ضعيفه
الباشا : تمام انصرف
فعلا انصرف الطبيب و زينب نزلت حتى تروح تجيب العلاج تقرب الباشا من ريم و صار يتامل ملامحها مد ايده يتلمس بشرتها الناعمه انتبه على الآثار الي برقبتها و بدايه صدرها ابتسم و هو يضغط على مكان الاثار تمدد بصفها و هو يتاملها حجى بصوت ناصي
الباشا : صحيح انتي ما الج ذنب ب شي بس انتي نقطه ضعف ل هواي أشخاص اريد اخذ حقي منهم
سكت شويه و رجع كمل كلامه
الباشا : اذا بيوم من الايام صرتي نقطه ضعفي راح اقتلج بدون تردد
صار يتلاعب ب خصلات شعرها
الباشا : بس اشك
بعد مرور 3 أيام و ريم بعدها فاقده الوعي و كانها تهرب من الواقع المزعج كعدت بتعب كامت راحت للباب فتحتها و نزلت للطابق الأول تلكتها زينب
زينب ب فرح : حمدلله على السلامة مدام و اخيرا صحيتي والله قلبي ممرود عليج
ريم ب تعب: شكرا
زينب : تعالي تعالي احضرلج ريوك اكيد جوعانه
ريم : بصراحه ي كلش جوعانه
راحت ريم للمطبخ ويا زينب و تريكت
ريم : لعد وينه المتوحش
زينب بتوتر : اول شي لا تحجين عليه كدام احد لان اذا عرف يا ويلج ثانيا هو مسافر اله يومين اتوقع اليوم يرجع
ريم : بلا رده
زينب : ولج لسانج
ريم : ما عندي شي اخسره على شنو اخاف المهم مخنوكه اريد اتنفس شويه
زينب : طلعي للحديقه و اني اكمل شغل و اجي يمج
ريم : اوك
كامت ريم توجهت ل باب القصر فتحته و طلعت تمشت للحديقه و هي تتفحص المكان عدد الحراس كلش جبير و سور القصر عالي كلش وصلت للطاوله الي بنص الحديقه و كعدت على كرسي صفنت بحياتها الي انكلبت كلاب خلال أيام بس سؤال براسها راح تموت و تعرف اجابته ليش خطفها و اغتصبها و أبوها ليش لسه ما اجه نقذها ضلت تفكر بهل شي إلى أن جتي زينب كعدت وياها و صارت تحجيلها عن تاريخ القصر و ان هي واختها الخرسه يشتغلون هنا من همه صغار لذالك الباشا يثق بيهم باعتبارهم تربيته
