INHNUAIPA

CHAPTER-1INHNUAIPA(TAXIDRIVER)
BY:Sawmi Ralte

"Tlan chak vat ta che ,tinge i muan em em a,ka hmanhmawh ania"tiin Taxi driver la tlangval zet chu ka vin hluk hluk a.College tlai ka hlau takzet,Sir Rama class ani dawn bawk si, pawnah ka ding leh char char ang tih ka hlau ngawih ngawih tawh.

"Iva ninawm sek e,ka tlan chak ve em hi,min vin hluk hluk reng suh"ati ve ta hluk hluk a,ka vin reng chu aning ve anih hmel.

Kan thleng hman lovang tihmawlh hi nia ka hlauh ni,mi nuihzat nih ka duhlo bur.

Vawiin chu zing dar riat ah chauh ka harh pek a,ka pa in sumdawnna avangin min zin san bawk si nen,thawh ka hai chiang kher mai.

Tan hma minute hnih vel la awmah chuan kan thleng chu ka thaw huai,taxi driver lah chu keimah anga la thalai tak kum sawmhnih a pel awrh ang tih chauh ni si chuan taxi driver ani chu mak ka ti khawp a,ka rilruin ama eizawnna bila khalh anih ka ringlo a,apa apui mai ah ka ngai.

Taxi fair ka pek zeuh pah chuan "In hmu leh ang aw"atih pah chuan anui seih a,min nel nghal viau anih hmel ,'Nia'tiin ka chhang ve mai bawk a,a mood afuh hmel fu mai.

Ka thiannu ka bestfriend ni bawk Hrangi chuan min rawn kuah nghal chungin,tlai min tih thu leh thil pawimawh min hrilh tur aneih avang chuan min rawn ban nghal vut vut a"Thil pawimawh min hrilh tur chu ka hrechak teh mai nia,ka sawichhuak miah lo ang,thuruk anih pawn,"ka za cheng mai.

Kan college hi chu chanchin sawi tur hi kan ngah a,mi inngaizawng leh insualchingte ,nuihza siamtu bakah gamer tih ang reng thiam tak tak silo,inti tuai hlawi hlawi te leh patil te thlenga kan awm avang hian huhang kan nghah hlawm a,hahipa sawi ngawih ngawih tur hi an kat nuk,kan College nawm bik na lai ani bawk.

"Naktukah,thingtlang tlangval kan college ah arawn lut dawn a,mi chuan achhiatloh thu an sawi reng a,a feet zat te thlengin an lo hre leh hman,naktukah a lo luh hun chuan min tihpui la,min duh ve ka ring tlat,ka vei nghal ngawih ngawih mai,ka phur tawh bawk sia,vawiin hi ral vat vat se"ati chuk chuk a.

A hmel pawh hmu chai silo,lo vei ve nghal em em te chu,a hman thlak ka ti zawk ,hmel hriat pawh nilo chunga lo luan liam vel te chu a,a lem ka ti lutuk chu ka thin a rim zawk.

"Ka thusawi chu i hria em?Sukpuia khawlvelah hian cheng reng lo teh"tia hrangin min rawn sawi chu ka harh chhuak chiang kher mai,"Enge"ka ti hlur a,Sukpuia ka ngaihtuah laia min ti buai chu ka thin arim kher mai.

"Min tihpui loh vaih,Sukpuia bulah ka kalpui tawh ngai miah lo ang che"a ti vei ham ham,he nu thin hi chu mi vo dan lah hi a thiam zawng tak lah ni chuan a(h).

"Tihpui e,enge a hming ni reng reng a,a hming atang te chuan love test te kan nei a,bem dan tur Sir Lucky a kan zawt bawk anga,kan che pui ngawt ang chu"ka mize pangai chhuah chuan ka ti leh ta hlut,Hrangi chu a lawm leh pek tawh kher mai.

"William Zairemtluanga ,William tiin an ko thin ani awm e,thingtlanga a awm lai chuan nulaten an kherh ve nasa lutuk an ti,an inah nulate an kat nuk zel bakah,hmeichhia a tlachham lo hrim hrim,an ina leng thin hmeichhia te chuan seat an nei hrang thlap thin,an sawidanin an hausa lemlo anih hmel"phur leh chhuang hmel tak hian a sawi mawlh mawlh a,a hmelthat viau chu ka ring ve nghal tawp,mahse Hrangi angin ka luangliam ve lemlo.

Kan professor in thiam inti zet mai hian mipa in star ruk tir dan trick min hrilh mawlh mawlh hlawm a,Sangi te thian ho phei chu beng an dawh ha ha a,professor thil sawi hmaih an hlau hle a,Hrangi pawh abeng a dawh tha ngang mai.

Keichu mahnia thil ti duh mi,mi puih leh khawngaih hlawh duh lo chi ang kha ka nia,mi khawngaih leh fak hi ka hlawh ani vaih phei chuan ka hnual zawk thin hial.

'Amelia chuh a infak leh ta' an tia min fiam nan tak hian an hmang bawk a,kan college ah hian hming ka ngah tawh em em mai a,''Zomedia' min tih loh leh 'Fakfamkim' min ti bawk a,mahse chung hming min koh fiamna zingah chuan "Sukpuii 'tia min koh chu ka duh ber leh ka mood on nghal thak thei hming awm chhun a ni ve tlat.