CHAPTER-11
INHNUAIPA
BY:Sawmi RALTE
Ka phone sreen ah chuan number ringawt hian[Mu tawh rawh]tih hi a rawn thawn a.
[Tunge]tih hi ka thawn a.
A rawn chhang rang kher mai
[I bialpa pawh i hrelo nia]a rawn tih chuan ka nuih a za kher mai.
[Mu vat rawh,naktukah uite lei a ngai]
[Hmm...uite lei pahin Taxi kan hralh nghal ang]
[Ka ngai che]pangpar mawnga inzep sticker hi a rawn thawn a,ka nui chhuak teuh lutuk.
[Keipawn]heart lem baw chuai chuai sticker hi ka thawn tel bawk a.
[Naktukah kan inhmuh leh vat theih nan,mu vat rawh dar khat a ri tawh]
[Nangpawh mu tawh rawh]ham lai emoji ka thawn tel bawk a.
A dp ah chuan kan thlalak a dah a,min rawn biak tirh kha chuan anime a hmang ,a dp ah lah chuan ka inkuah chial a,a ṭhianten an hmu vek thei dawn sia,ka zak ve deuh.
[I dp hi a zahthlak ]
[Ka bialnu nena kan thlalak hi a nalh alawm]hmui hup lem emoji hi a rawn thawn tel a.
A dp ang chiah chu ka hmang ve nghal a,ka nui kur kur reng a,Mawimawii pawn ka nui ri chu ahriat phak ka ring.
[Goodnight Ka duat Sukpui]tih a rawn thawn leh a.
[Good night mipa naupang duhawmte]
ka message chu a seen vat a,min chhang tawh lem lo.
......
......
Zingah chuan ka Ni in min rawn sawi a"Remtluangan college kal turin a rawn sawm che "a tih chuan tho vutin a thil sawi zawh chiah vang nge ka thin a phu dup dup a.
"Enga Williama maw?....."ka lo ti ve vat a,ka sam thur chu ka tuai mar mawlh mawlh a,"Inhnuaiah a awm tih i sawi lova,a inti tlangval vel lutuk chheih kual vel hi anuam a,nikuma a bialnu nena an leng tur pawh ka lo chheih fiam ṭhin a'fawp nasa vak lo la, ahmui te kha a vung ange'ka lo tihsak ṭhin a,a bialnu te lah hi a chhan thei sia"ka insiam mawlh mawlh lai chuan a ṭawng siam siam a.
Williama chuan kei ni lo an duat vel tur chu ka ṭim uai thei,Zairemtluanga hian ka thin a tirim tlat .
Ka insiam zo ka chhuak pawh ka en ṭha duh miah lo a,Ni Parmawii erawh chuan a be siam siam reng a,breakfast ka ei lai chuan dawhkana ka ṭhutna ep chiaha chuan a rawn ṭhu tharh a,Ni Parmawii ka en nghal vut,mitmeng danglam a pu lo.
Engmah sawi lemlo chuan min en ngur reng a,ka thin a rim tawh nen,ka melh rawm a,a ngaihna hriat loh hmel tak chuan ka thil ei lai chu min lo en ve reng bawk a.
"Remtluang i bialnu Ruatpuii nen khan in la inngaizawng em??"Sofa aṭang chuan Ka Ni chuan a rawn au lang lang a.
Min nuih suk pah hian"Bialnu thar ka nei tawh a,a nu hnap reuh a,a hmelṭha lutuk hi ka thlah phal lo"deuh duah chuan a......
"Tunge a,kan Malsawmzeli nen an va inang dawn ve"atih chuan ka lo ṭim uai thei"Ni ,i ti awm ang lo thei"ka ti hlak a,a nui hak hak bawk.
"Sawmzeli hi ni se a pawi iti angem?"fiamthu deuh tak hian a ti a.
"A chi nang ani te chu naupang alawm anih,bialpa neih pawh ka la phal lo,lehkha chauh zir rawh se,thla hmasa pawn Jerrya ka date e te atia ,a lo kawp vel kha,mipa hi chu hlat hi a ṭha ber"Williama lah chuan min en in a kiai suk a,lei ka lo chhuah zeuh bawk a.
"Nula puitling ani tawh alawm,zaninah ka lo rim dawn nia"a tih leh ta,ka mitmei pawh chu engatan mah a ngai duh lo.
"Enga"
"Zaninah ka lo rim ang"
"A ngailo,ka phallo"ka Ni chuan a thil sawi chu a lo hnial vat a.
"Ka bialnu te chu ka rim ve bawk ang chu "a tih chuan insum zo loin ka sik nghal vawt ,'Ana'a tih ka rin nen,a tuai vut vut ringawt a,Ni Parmawii pawh a hawihai kher mai.
YOU ARE READING
INHNUAIPA
Любовные романыMi hausa fanu(Amelia) leh an inhnuai luah tu taxi driver tlangval hmelṭha(William) zet nena an ingaihzawn dan chanchin hi lo chhiar ve ta che,an inneih hun thlenga tarlan kan tum ang. *INHNUAIPA* *Ka bialpa Willia...
