INHNUAIPA

*INHNUAIPA*CHAPTER5

CHAPTER-5
INHNUAIPA( TAXI DRIVER)
By:Sawmi Ralte



"Amelia ka haw mai ang aw,Williaman min ngaih theihloh hmel emai"a tih chuan Williama melh hrep chung chuan"La leng rawh,Williama te zawng enga tan mah ngai duh suh,"ka ti ve ta tlat"Ala hma bawk a,la leng char char rawh,kawm tur i awm hi a nuam ve lawm"ka ti chat chat a,Chutah Williama chuan min melh leh khui khui tawh.

"Tikhan min melh bawk suh"ka ti chhuak tuar a,Mesaka a pawn min rawn en vat a,ka biak zawk ani lo tih a inhre leh hnuhnawh a,mahse min en ta reng a,ka lai dawn dawn,kan inṭhuthnaih mai sia,William lah chuan a mitmeng thip ram chuan min melh khui khui reng a.

"Amelia,thil hrilh tur che ka nei"
"Ummmm,sawila"
"Phehhel lovin ka sawi tawp dawn"
"Ummm............eng lam pang nge"Williama lo ner sawk chu ka va nuih leh rih.

"Ka duh che,Amelia"ka meng bial kawk hial ang,Williama pawh chuti tho
"Ka bialnu i ni thei angem"ngenngawl tak chuan ati a,ka kâ hau mai,"Min chhan hun ka nghak ania"min en reng chung chuan a ti a,Williama a awm ve reng bawk sia,ka zak ve deuh,Williama hmel dur lutuk chu ka rilru a awm ani mah zawk,ka ṭim uai uai thei nia.

"Aa.......ih...ih me....Mesak"
Ka chawl leh det a"Kinah kan sawi leh dawn nia"han hnawl tawp chu ka hreh ve si a,a hmelnelawm tak chuan min nuih sanga "Awle naktukah kan inhmu dawn nia,ka hrechak tawh lutuk"tihpah chuan a ding vut a"I haw tawh dawn emni"ka ti a"Ummm.....Naktuk thawh hma angai sia"a tih chuan ka lo ip chawih,naktukah engtin nge ka chhan ang,ka rilru a insuallet but but,"Ka lo thlah ang che"tih leh thawh ka rual a.

Kan chhuak chu William an min lo zui ve bawka,min nuih suk chungin"Sukpui,Goodnight "tih pah chuan a bike ati nung hlut hlut a,a tlanliam nghal vat a.

Luh ka tum chu Williama chuan min lo pawt let vut a,kan in awm hnaih leh tawh kher mai,a thaw lum halh halh chuan ka hmai a ur a,ka sa chhuak leh deuh tih tih tawh,ka chesawn miah lo lenghal a.

Min kuahna chu a ti nghet sauh a,ka melh leh hru a,chin a a mitmeng dur khupa kha a inthlak thuai a,ka sam tuai chungin"Min duh ve reng reng em?"a tih chuan ka hawi â takzet,chhan tuma ka ang zuau tawh chu,min lo pawtzatin"Ka duh che"a ti thawr,ka awihlo ve chiang rem rem.

"I ninawm min thlah teh"ti chuan ka tal phat phat a"Ka duh che ka tihchu"a vin ta hluk a,ka hlau ve deuh,min ti phu em ani"Ka awi lo ber......."a nui suk a"I awilo maw?"
"Ummmm.........ka awilo ,min thlah tawh teh"min vuan nghet sauh,ka sam chu tuai leh in min chul kual thuak thuak a,ka za mer mer reng bawk "William min thlah tawh teh"ka ti ṭeu hlur a"Min chhang phawt la"
"Eng chu"
"Min duh ve reng reng em"Ka thaw kawk a"Min thlah phawt rawh,please"ka tih chuan min thlah ve ta a"Min duhlo tu ka duh ngailo"ka ti ve ta tlat pek a,"Bialnu i nei ani lawm ni,enge ka duh leh duh loh che chu min zawh a"ka sa chhuak zawk,ka thilsawi kha,rapthlak chuan...............

"Amelia,min duh em,min chhang vat la"ngenngawl tak chuan min en a"Bialpa tumah ka ṭawmpui peih lo"ka ti khur dar dar.

Ka ban ah chuan min vuan vat a,"ka zawhna hi min chhang vat rawh,khawngaihin Amelia"
"Kinah kan sawi leh dawn nia,ka chau lutuk William ka mu duh tawh"ka ti chuai raih a,a hmelah chuan lungaihna ka hmu thei"William,Ihhh"....
min vawnna chu a thlah a,thaw halh chungin"Min duh ve emaw ka lo tia"tih pah chuan inhnuaiah pawh chhuk lo in a kawngah chuan a kal nghal vut a,ka umzui nghal,ka auh pawn min chhang duh lo,ka um thui tawh hle, ka theih tawpa chakin ka tlan a,amah ka hnaih hnu chuan hnung lam aṭanga kuah pahin"William,Ka duh che"ka ti ta thawr a,tuna ka thil sawi kha pawi ka tih tawh lo,kina ka inchhir leh na tur pawh nise.

"Ka duh che,khawngaih takin min kalsan suh William"ka ṭap ṭeuh a,ka vawna chu a kutin a rawn vawn hnan a,"Haw tawh ila"a aw a dam dap,ṭap aw ṭiau hian"Ummm......haw ang,"
"Ruah sur hma in haw vat ang"ṭek pawh a tla nasa kher mai a,ka kut vawn pah chuan"Ka bialnu i ni duh angem"a tih chuan ka lai lutuk chu en pawh ka en ngam lo"Ihhhh.......Aw,duh..........."ka aw pawh a lawi rut in ka hria.