INHNUAIPA

*INHNUAIPA*CHAPTER13

CHAPTER-13
INHNUAIPA
BY SAWMI RALTE

"I â lo tawp ang,ka ngaihdam che i duh chuan min thlah rawh,ka mut a chhuak"tih pah chuan ka ham der vak a,min nuih suk pah chuan ka biang ah min piau zauh a.

"Duhawm reuh lutuk,naktukah Scooty khalh ka zirtir ang che"banga min nawr bet chu ka ding mar vut,ka thaw ve huai huai,a taksa in min khuh tawh chuan kei hmeichhe te lutuk hi chu min hliah bo hneh ve chiang alawm.

"Taxi khalh tur ka nei tawh bawk silo,ka bialnu tereuh hian Scooty khalh thiam ve a duh chuan ka zirtir ang"ka kut vawt thlar chu a rawn hum lum nghal hmiah,amah ka en chho vat a,a mood a fuh hmel viau,ka ngaidam emaw tiin a lo hlim leh viau aniang chu,ka ngaidam mai mai dawnlo,tihian hmeichhe thlem har zia chu hre ve rawh se.

"Ana,min vawnna hi ana,.............i kut kha a thap lutuk,ka kut a thip vek,thlah rawh"amah melh rawm rawm pah chuan ka ti a,mit ti zim sun hian min en a.

"Enge i hriat a,i kut ka tihlum sak che .............."min en ngur reng a,"min thlah rawh,ka mu duh tawh"ka ti vin hlar a,ka ngaihdam mai hi alo ring viau ani maw,a ring sual chiang ang chu.

Min vawnna kut chu ka kut lehlamin ka sik a,min thlah phah chuang lem lo a.

"I thinrim chhung chu i duh duhdanin min khawih rawh"a ti chuai ruih a,ngeiawm zet hian ka nuih a,a ri in ka nui chhuak hawk bawk.

A Jacket hak chu ka phleh tir a,a t-
T-shirt var hak chu ka phelh tir leh a,ka tih dan dan chuan a awm ve mai bawk a.

"A lum nuam em?"ngeiawm zet hian ka ti a.

A v line leh pack lang kual ruih pawh chu a hmuhnawm viau ,chu aia la hmuhnawm leh zawk chu tlangval a pumpa vawt tiin a ban a tuai vut vut reng chu ni,a khur hluk hluk reng a,a hmul thi pawh a ding sung sung a,a hmui a pet reng bawk a.

"Bawihi"a ti khur dar dar a.
"Enge a,Sukpui min ti rawh,Bawihi ti a koh ka duhlo"ka ti vin hlar a,min zuam mah mah,hmeichhe nunnem hmel tak anga min hmu pawh hi a thiamloh ani,ka thinchhiat zia leh thlem ka har zia hi hre rawh se.

"Ka mu dawn,"tih pah chuan a Jacket leh t-shirt chu ka pe vut a,a inhak chhung chuan ka kalsan nghal vat a,min rawn um zui nghal tih chu a thawm a ṭang chuan ka hria,keima tawk chuan ka nui ka nui ringawt a.

Hepa hi min duh ve takzet anih hmel,min play kual mai mai bik lo aniang e,kha tianga ka hrem vak chung pawn min rawn um zui duh ania,min ti lai,ka bialpa William Zairemtluanga ani miau alawm.

'I thinrim chhung chu i duhduh danin min ti rawh' ka ngaihdam a duh avangin a mipa nihna theihnghilh ṭhakin a in phahhniam ania,keilah chuan remchang ah ka lo hmang lehnghal a.

"Amelia,Sukpui,min ngaidam rawh,a thleng nawn tawh lo ang"a tih rual chuan ka lo kuah vut chu mak a ti ve aniang chu a ding mar ut reng a.

"Tihpalh lutuk,Ka bialnu........"a sawi zawh hma a ka inla hrang vut chu min kuah bet leh vut a, a awm si chet chuan min bei tir hlu hlu a,thlamuan thlak tak hi ani ringawt .

"Nui leh Ṭhaa a te chu an lo fel maw,chaw i pe tawh em"a tih chuan min kuahna ban chu ka ben sak a,a nui ri nghawr dat dat pawh ka hre thei.

"Tunah hian ka feel chak che"hmui petsawh zauh zauh pah chuan min chhuk en ngur a.

"Ka duh bawk lo,min muttir tawh rawh,thawh ka hai ang"tih pah chuan ka tal aih aih reng a,min thlah duh chuang bawk silo chu Posi ngai char char chuan kan inkuah dun reng ringawt a.

"Min lo ngai em"zawi te hian a ti sup a."Min ngailo tu ka ngai leh ṭhin"ka ti kher a.

"Min lo ngai em,ka tih chu,ka ngai ve em em che a"a tih chuan ka ner khum sawk .

"Chatthla chung khan maw,fiamthu i duh emai"ka nui khur nghal char char."Engvangin nge Mesaka i lo chhuahpui...."a tih chuan ka phawk nghal hru a,engtin nge alo hriat leh hman ni minute nga pawh kan inhmu lo kha nia,chupawh dawr a thil lei tura ka chhuah lai lehnghal a.

"Engtin nge ilo hriat leh hman a"a mah en chho pah chuan ka ti a,a hmui a liak hnawm zeuh pah chuan"Ka thik"a rawn ti ringawt a,chutah ka nghawngah a kut a rawn rawlh lut a,ka sam sei hniang pawh chu thli a chhem ve heuh heuh bawk,a romantic riau hian ka hre bawk.

"Mu tawb rawh,naktukah Scooty khalh zir i ngaih kha"a tih chuan ka lo ner ru sawk"William ,Mesakan min zirtir tur thu a sawi vek tawh.....a"ka tih chuan ka hmui a rawn tuai thuak a .

"Ka feel che i duh loh chuan Mesaka hming kha sawi tawh suh"tih pah chuan ka hmuiah a rawn fawp zauh a.

"Fawp tur chein min duh em?"a tih chuan ka lo dingdihlip ve nghal ringawt a,ka duh tih a hrethiam a niang chu engmah sawi si se lo chuan ka hmuiah a hmui chu a rawn nawr tawk a,ka lo chhang let ve vat rual chuan a inla hrang leh vut a.

"Dingdihlip rawh,ka lo vuan ang che"a tih chuan ka lo dingdihlip leh tawh lo tih chu ka inhre chiah,ka lai ru takzet ,chupawh a hriat ve ka ring.

"God,"tih hluk pah chuan a sawi ang ngeiin min rawn vuan chiah chu min zo vah vah bawk a.

Duhthawh zet chuan a rawn che kual vel,ka lo dawngsawng thiam lo kher mai,a sam ah ṭham vak chung chuan min rawn tuai kual vut vut reng a,a lei sa huam a ka ka chhung a rawn luh tir dan stlye vel chuan min ti ṭim uai uai.

"Fawp tur che in min la duh em?"duh tir hriattir nan chuan amah ka nuih sen sen a.

"William............."
"Beg"a tih chuan ka ngei lutuk ,ka sawizak tih te chu a hre ve awm tho sia.

"I sual"ka ti leh ringawt bawk a.
"Beg"a rawn ti leh kher te chuan min ti zak lehzual.

"Please,kiss........"ka tih rual chuan min rawn fawp leh ngawng ngawng a,ka theih anga rang chuan ka chhang let ve vat a,ka infawp ngawih ngawih ani ber a,zan thiang reh tak hnuaiah chuan kan pahnih chauhin ka hlim dun takzet,ka nghawnga a rawn fawp leh ṭhin chu ka nui chhuak leh hak ṭhin a,lovebites min siam sak lai te chuan ka inpet ru fan fan reng a,ka za em reng ani.

"Min siamsak ve rawh"a tih chuan ka awmah ka beng dawt,a nui che nghal dawt dawt.

"Hmmm,nui suh"
"Vatin ,hun kan ngah tawh lo ania"a la nui reng.
"Ka duhlo"
"Nangpawh ka siamsak che,min siam ve rawh,My Suks"
"Nih che tawh suh"ka ti rual chuan a ding ngawi ve ta hle hlea ,ka siamsak lai te chuan a rawn nui chhuak ve hawk reng a,ka fawhna ka tina zual sauh a,a nghawng vel lai chu a duk ve raih a.

"Ka zo"ka tih chuan lovebites min siamsak chu a tuai a tuai a,a nui leh suk ṭhina .

"Hmelṭha mut a hun ta e"tih pah chuan kawngkhar lam min panpui a,"Goodnight "ti supin kawngka chu min hawng sak a,ka luh hnu chuan keimahin ka nui ru ver ver reng a,khuma ka mut fel hnu chuan message in[My boyfriend tereuh kha a mu tawh em aw]tih chu ka thawn a,a thleng thei miahlo lehnghal a,a number chu hmet chhuak ka call a, a rawn la rang viau,"I mu tawh em?"
"Ummmm,ka lo dream mek che a,i lovebites min siamsak kha ka feel "a tih chuan ka nui ri ngam silo chu hrehawm tak ani.

"Nih Goodnight"
"Ummm mangpui mang ang che "a tih chuan ka lo chet tlat tlat.
"A ti leh ta,ka duh bawk lo,nangmah khan mang rawh"ka tih chuan a nui ri pawh ka hre thei.

"Mu tawh rawh, class i tlai palh ang"a tih chuan"muttui "ti chuan kan inthlah ve ta a.

To be continue..........