INHNUAIPA

*INHNUAIPA*CHAPTER8

CHAPTER-8
INHNUAIPA
By:Sawmi Ralte

Kan kalna hmun tur chu Williama'n a thlang a,kan hnial lem lo,Mawimawii bialpa nen pawh chuan an inbe ṭha hle a,Mawimawii bialpa hi mipa ṭawng duh ve tak ani avang hian reilote chhung kan awmho aṭang pawn sawi tur a ngah hman khawp mai,Williama nen chuan in ang lo tak anni.

Williama chu a sang zawk a,a hmel pawh a ṭha zawka,Mahse,Hriatpuia chu a nelawm zawk a,kawm a nuam zawk bawk.

Mawimawii chuan a bialpa chu a hau reng a,Hriatpuia lah chuan a mipa zawk ka nih hi tia ngawih a tum reng reng bawk silo a,an in au khum reng ringawt mai a,a ninawm duh khawp mai.

Chutia an inhauh buai reng vang nge ni Williama chuan"Sawlai deuha lungpui awmna ah sawn va kal ila,i duh em?"a tih chuan ka lo aw vat a,Mawimawii te erawh an la inhnial reng,vawiin zingah pawh khan Williama nen pawh khan kan inhnial nasa a nih kha,Mahse kha chu ka tihtuah vang chauh ani a,Williama nen hi chuan ho deuh deuh a inhnial loh ka duh.

"Lo kal hnai teh"a tih chuan ka pan hnai ve vat a,a meizial a ṭan nghal vat a,kei erawh chuan rimchhia ka ti ,ka lu ana dawn tlat a ka hriat avangin a piaha lungpui ah chuan ka ṭhu sawn a.

"Eng nge khatah i va ṭhut,lo ṭhu phei leh nghal rawh"thupe aw zet hian a rawn ti a.

"Eng vang chuan maw,hetah hian nuam ka ti zawk"ka ti deuh tlat a,rum nghut in ka lam ah  a rawn phei a,a mit meng thip ram chuan min en khui a ,ka hlau duh bik ṭhak lo,bialnu bula awm lai reng pawha meiziak zu khu luih reng ringawt mai.

"Min ngai ve lo mi?"min en reng ,chutia a ṭawng vel te chuan ka nuih a ti za tlat bawk si,insum ṭang ṭang chung chuan "Tah hian lo ṭhu ve mai rawh"ka tih chuan a lu thing ringawt a,ka hmaah a ding ngur reng ringawt a.

"Ding renglo khan lo ṭhu ve mai la"
"Ka duhdan pawha awm theilo,i luhlul lutuk,"tih pah chuan a lungpui ṭhutna ngai bawk a chuan a ṭhu a,min hnungchhawn zawng chuan a ṭhu tlat bawk.

Hepa hi atitau ve em mani,ka thlem thiam der dawn silo,a titauh rei loh ka beisei.

"Hei i bulah ka rawn ṭhu tawh bawk a,titau tawh lo la,"aw nem deuh tak chuan ka ti a,a hnung vel te chu ka chul kual vel vak ringawta,awmzia erawh a neih hmel loh.

"William,nang chu a nuam lo ania,nang berin min biak duh loh te chuan......."ka sawi zawh hma hmain min pawt hnai dawr a"Mi thlem thiamlo si"tih pah chuan ka hmuiah a rawn fawp zauh a,inla hrang leh vatin "Min rawn fawp hmasa rawh"ka lai leh nasa tawh,ka hmai chu a rawn sa hat hat a,a sen ṭawn ṭawnin ka ring"Ka zak"tawi te hian ka nui a.

"A zahthlak loh"tih pah chuan ka hmui hnuai chu a rawn fawp leh zauh a,ka za chhuak vek tawh,hepa hi chu min hruai khawloh te hi ka hlau rum rum tawh.

A hmui ah chuan zawi te hian ka han fawp zauh a,min nuih suk bawk,chutah zawi te chuan ka fawp leh zauh a,inlak hran ka tum chiah chu min rawn pawt hnai leh vat a,min fawh ka rin rin nen ka hnute zawk chu han khawih a,ka thin a rim chiang kher mai,ka hmuia fawp lo a,ka hnute zawk a khawih chu ka melh hrawk a,a nui suk ringawt.

"A tawk"ka tih pah chuan ka nam sawn dawrh a,ka tho nghal vut a,insiamrem sawk sawk in"A tlai tawh,haw ang"ka ti hmuk a,ka bana min kaih pah chuan Mawimawii te awmna lamah chuan min kalpui a,Mawimawii chu Hriatpuia mal ah chuan a lo mu a,haw tura hrilh pawh a inthlahrun thlak lek lek zawk,an ingaih hmel em em mai sia.

"Mawi,haw tawh mai ila dar 5 a ri ṭep "ka tih chuan a rawn tho ve vut a"Ni dawn tak,haw mai ang u,"tih pah chuan a in siam ṭha mawlh mawlh a,keini chu kan lo inphur leh diam tawh,a tlai ve deuh tawh em ani,Ber thla ani tawh a,khua a thim hma tawh si a.