INHNUAIPA

*INHNUAIPA*CHAPTER4

CHAPTER-4
INHNUAIPA( TAXI DRIVER)
By:Sawmi Ralte

Zing ka tho ka insiam zo chu bike ri ka hre vat a,pawn lam ka pan hnu chuan Williama hi inpeih tawh tih hriat tak hian bike ah alo thu ran tawh a

"Sukpui kal tawh ila,i hman tawh em "a rawn ti thum dut dut a,nizana bialnu ṭhut tawhna hnu ṭhut leh vel te chu ka duh teuh lo "I rual pawn ka kal dawn bawk lo "ka ti chu a ner sawk a.

"Engvang"
"I ruala kal hi ka peih hlawl lo,i bike a chuan a nuam lo bawk si,Taxi ka la anga ka kal mai ang,min nghak duh suh"ka ti hluk hluk.

"Enge i hriat a,lo chuang mai mai teh"a ti hluk a.

"I ninawm sek,ka duh lo chuan ka duh lo ani mai"tih pah chuan inchhungah ka lut daih a,min rawn zui lut ve nghal a,ka thaw hul hul reng a,'ka chuang awm hleilo'tiin ka phun nung nung a.

"Min rawn zui tawh suh,i rual in ka kal chuang lo ang"tih pahin ka hma a ding pa chu ka su lui nawk a,ka ban rekah chuan min lo man nghal vatin,min pawt hnai,min en run reng a,a mit ala sawn eih lo"Enge i hriat a"tawi te hian a ti bul bul a,ka hmai bul velah chuan athaw lum hak a,ka mur sung sung thei nia,a taksa lumna chuan min uap chu ka tiril a fan raih raih a,ka chil ka lem duak a,a awmah chuan inlak hran tumin ka nem vaka,min kuah nghet sauh.

"Min thlah teh,kan tlai ange"ka ti chel chul a,ka sam te chu a tuai mam ang thul a"I kut kha la sawn vat rawh,"ti vak chungin ka sam a tuaina kut chu ka man a,ka man na lamah min vuan let ṭung a,ka thaw hak a,chutah a kut lum thur a ka hmai khuapin a tuai vel a,ka melh rum nasa ngang mai,eng ngah mah a ngai duh lo chuan ka hmai vel chu a tuai kual a,a pangtilum chuan min ti mur sung sung reng chu ka thaw hak a,ka sa chhuak vek tawh,"Min kalpui dawn tawh angem?"a tih chuan meng rum zeta lu ka thing chu bang ah min nghat chawrhin min nam bet nghal a.

"Min ti na a nia William min thlah teh khawngaihin"ka ṭe chel chul tawh,ka che sawn thei bawk silo,a mitmeng thip ram chuan min melh a,ka khur deuh tih tih a,"Sawi rawh,ka rualin i kal dawn em?"a tih chuan ka chhang tawh lo,min ti hlau lutuk chu ka tawngchhuak theilo.

Ka banah chuan vuanin min chhuahpui nghal vut a,a bike ah min ṭhut tir a,ka che sawn tawh lo hrim hrim,hnial pawh ka tumlo, kawngkhar a khar zawh hnu chuan a rawn chuang ve nghal vat a,min la melh ang khui khui a,ka melh tha ngam tawh lo bawk.

'Engtia kha tianga che vak nge maw anih ni,a ruala kal tura min duh vanga ka chunga inhrosa vak nge maw anih ni,min ti hlau ngawih ngawih,ka thin phu lah a rang dut dut bawk si,ngai ka awh thei mawlh lo'

Kan thlen chuan ka zia deuh hlek tawh avang chuan thinrim taka vin vak chu ka tum nghet bur,kut humruh em em chung chuan "Khatianga min khawih ngam turin tunge inih,min hnaih tawh bawk lo ang che,ka ten bawk che,ka hua che a,ka lam i hnaih leh anih chuan i inluah atangin i chhuak nghal ang,"ka ti khur dar dar a,ka thinrim lutuk hi ka insum zo mawlh lo,anih lah chuan min en reng ringawt a,ka huatna zawng zawng chu leihbuak vek ka chak.

"Banah gate ah ka lo nghak ang che" tih pah chuan min kalsan nghal vut a,ka inhumruh nasa hle nachungin ka che sawn thei mawlh lo,hahdam tum chuan thawk ka la a,mahse ka hahdam thei lo.

"Amelia,khatah khan ngati nge i din reng a,lo lut ta che"tia Hrangin min lo ko na lam chu ka hawi vut a,ka lam rawn pan in,min rawn vuan ṭung a,"I damlo em ni"tiin min zawt a"Dam e,tinge"
"I hmel kha a diklo riau a,"thil dang sawi leh daihin "William a nen in rawn kal rual leh tawh law,anuam awm bik ṭhin,kei te hi han ni zawk ila"nui sang a min en pah chuan a ti a"Williama duhzawng ka ni lo hi pawi ka ti,ka mipa duhzawng ania sin le"thaw halh pah hian a ti a,min thik deuh niin ka hria.

"Nizanah Williaman a bialnu a rawn hruai a,inhnuaiah an inkawm dun char char"ka tih chuan a meng phawk hru a"A bialnu a,"
"Aw a bialnu"

Min en reng chung chuan "A duh che maw ka tia"a tih chuan ka lo ner sawk,"Chutiang rinna i nei chu a diklo chiang kher mai"nuih za lo zet hian ka ti a.