INHNUAIPA

*INHNUAIPA*CHAPTER10

CHAPTER-10
INHNUAIPA
BY:SAWMI RALTE

A rawn haw hun chu ka nghak a,ka call zawh hnu khan darkar khat aliam tawh,a Taxi chu ka van hralh awm chiang tak.

Ka muhil sek aniang Williama chuan ka chawhmeh ken sak pawh chu a lo ei zo hman vek tawh.

"Tinge,min kaihthawh loh,ka Ni in min lo zawng palh anga sin"a lam chu ka pan a,chair a ka ṭhu kha,Sofa ah min lo mut anih ka ring,ka harh miah lo chu mak ka ti kher mai.

"Sorry,"a ti hmuk a,a hmel ka en chuan a ngui bur.

"Tinge,i hmel kha,lungawi lohna i nei mi?"ka tih chuan a lu a thing vut a.

"Ka ngai tawh che,min lo hmutthilh san daih bawk sia"ka nui chhuak hak.

"Naktukah Taxi chu hralh la,ihhhhh,loan chu ka rulh pui vek ang che "ka ti chuan a ner sawk a.

"Ka duhlo"a ti thum dut a.

"Please,kan inhmuh reng theih loh phah a chubak ah i zirna in a chhiat phah dawn"ka tih chuan a kalsawn vut a.

"Ka ti tak tak ania"Sofa a a ṭhu chu ka pan hnai vat a,"Pa Hlua chu ka lo call ang"ka tih chuan a meng phawk kher mai,min en ngur ringawt a.

"Mawh,Pa Hlua number ka duh"thu pe aw zet chuan ka ti a.

"Amelia,i chungah ka lawm viau nang a,min pui duh suh, a nuam ka ti lo bawk "a aw ri pawh a zawi kher mai.

Chutah hmanhmawh zetin a bula a phone awm chu ka ban a,min dan tum chuan a ban a rawn phar a.

"Ka call dawn,enge password,chuta  rem a tih loh chuan ,ka nawr lui lo ang che"ka thinrim tawh kher mai,mahni pawh inngaihtuah lova,hna ṭullo zet a thawk hi ka lawm lo.

"Amelia"
"Enge"
"Amelia"min nuih suk a.
"Enge,sawi rawh"
"Chu chu ka password"min nuih suk a,"ka bialnu hmelṭha te"ka beng bulah  zawi te hian a rawn phun ser ser a.

Phone chu a inring tawp hmak a,ka tinawn leh ngat,chutah a rawn pickup ve ta a.

"Hello,Pa Hlu"
"Tunge ni,khawnge Remtluanga"
"Aa,Pa Hlu Pa Thara fanu ka nia,ihhh Remtluanga hi a Taxi khalh reng angaih vang hian lehkha pawh a zir thei lo a,ihhh.............loan a puk tihte ka lo hria a,naktukah hian a Taxi chu hralhin a loan pawh ka rulhpui ang"ka ṭawng bah nuai,ka sawi lai pawn Pa Hlua chuan a ngaithla ngun hle tih hriat takin a reh hmuk a.

Williama chu a lungawi lo tih ka hre reng,mahse a tan vek ati ka ni.

"Bawihi,chutiang in a loan te i lo rulhpui ngawt te chuan,I Pa pawn a remti lovang,Remtluanga te chu in inhnuai luah ve mai ania........"a tih chuan ka thinrim zual sauh.

"Remtluanga nen hian kan inngaizawng a,lehkha a zir ṭha theilo hi  a diklo bawk,chuvangin a Taxi hi naktukah kan hralh anga,a loan pawh ka rulhpui nghal ang"thupe aw zet hian  ka ti a.

"Bawihi,kan tan a nuam lo khawp ania,nang in ilo rulhpui ngawt te chuan...."

"Keimah lam chu min ngaihtuah suh,chuvang chuan naktuka aṭang Williama pawh a zalen tawh ang"ngeiawm zet hian ka ti a.

"Bawihi,i thilphal hle mai,Williama khan a remti em?"

"Aw,remti e,in hriat ve ka duh avangin ka rawn hrilh che u"bialpa te pa pawh nise,ka thin a tirim tlat,ka be ṭha vak peihlo.

Phone ka off hnu chuan,sreen chu a rawn eng leh vat a,'Sis'tih hian a rawn call a,Williama chu phone ka pe a.

Loud speaker ah ka dahsak hram ,off a tum pawn ka phallo tlat ,enge a rawn sawi dawn tih hriat ka duh,a unaunu pawh alo nilo thei.