INHNUAIPA

*INHNUAIPA*CHAPTER14

CHAPTER-14
INHNUAIPA
BY SAWMI RALTE

Zing ka tho chu ka Ni thawm ri avang chuan ka tho vut a,kan chawlh avangin ka mu rei lui ve deuh a,Mawimawii pawh a lukham kham a la khuar deuh avang chuan a thawhna ala rei bik lo anih hmel.

Bedroom aṭanga ka chhuak chu Ka Ni in phone a hmang a,Ka Pa anih ka ring a biak ṭhat danah ,ka che kual vel chu minen  ve kar reng a,tui ka in zo chu bathroom hman loh zawkah ka lut a,phone ka khawih pah niap niap a.

Vawiin chu Williaman  Scooty khalh min zirtir dawn a ,ka phur tawh kher mai,Mesaka khan min zirtir a tum hmasak avang khan ka hnial lo kha ania,vawiin ah lo kal tak maw,kan veng field tih khan kan lo inthurual ve tawh sia,pawilo eng thil pawi mah a thleng chuang lovang.

Thlai leh  thei vel lei tur chuan ka Ni in min tir a,ke bawk a kal  angai dawn.

•
In ka thleng chu nizana ka men rei vang nge ni,ka chau takzet vawiin chhuah ka peih loh ka hlau takzet,ka na ṭhem ṭhum mai a,tunah hi chuan mut ka mamawh ber.

Zingah pawh breakfast ei loin chaw pangngai kan ei ve ta zawk a,mahse ka puar hma khawp,ka tih dan ṭhan anih loh vang aniang chu zing karah chuan chaw han bar vel chu ka pum hian a hnar tlat.

Sitting room ah chuan ṭhu in Williama zu pan lo tur chuan ka insum ṭang ṭang a,hepa reuh hi ala mu ani mai lawng maw le,ka ngaihtuah lo thei bawk silo,nge ni a,kei ang tho hian a chau ve.

Ka rilru ka kawm vung vung lai chuan ka phone ri lam pan chuan ka tho vut a,screen ka on eng chu Mesaka.

"Ummm"
"Vawiin kha ṭhulh leh mai ila,ti ila chu i awi awm"a rawn nui vak vak chuan ka nuih a pawt ve tlat.

"Pawnah ka awm,rawn chhuak rawh,Scooty khalh chu in zir dawn ang hmiang"a rawn ti vei ham ham a.

Phone ka dah rual chuan kawngka lam chu ka pan a,min lo nuih vur vur ringawt a,ṭawng pawh a ṭawng chuang lem lova,a khi vur reng ringawt a.

"I la theihnghilh em lo maw?"mit kan uk pah chuan ka ti a,a nui chhuak hak.

"Lo kal vat teh,vawiin hun hi i tan liau liau in ka indah awl ania"thutak hmel tak chuan mit min kan khum ve ak a.

A thilsawi chhang let tawh lo chuan ka dar kan uk in, inchhungah ka lut leh a,kekawr bul dum leh T-shirt eng hi ka ha a,ka len vak loh avang hian ka T shirt hak pawh a thawl deuh,sunglass ka vuah a,nisa hi ka tuar thei thrak lo,bag te reuh te ka ak a,ka hmaiah sunsreens ka hnawih a,ka hmui pawh ka hnawih sen ṭha khawp mai.

•
•
•
•

A hmun kan thlen chuan dawrah drinks vel lei turin Mesaka chu a kal daih a,kei erawh Scooty bulah chuan ka ding vung vung reng a.

Williaman min zawn leh min zawng anih tawh mai,nizan khan a mu har em a,zu a in bawk si,a chau hle ta ve ang.

Mawimawii ka sawm ve avang in kan ri chel chul a,Mesaka pawh chuan nuam a ti ve hle in ka hria.

"Dar khat velah Pool ah kan inchiah dai dawn nia"Mesaka chuan Mawimawii nena Scooty a kan inawr lai chu min rawn pawt chat a.

"Nia,ni a sa si,tunah hi chuan inchiah daih ka mamawh ber,a lum takzet"Mawimawii chuan a thlan hruk hul pah chuan a ti a.

Ka ti hah dun khawpa keimaha la khalh thiam hek lo,min nawr dun char char a,hma lah chu sawn lo tak ka ni .

A hmun kan thlen khan dar10 ania tunah 11 leh a chanve ari tawh a,kan chau ngang mai,thingbuk hlim hnuaiah chuan ṭhut hahdam pahin cold drinks kan in a.