CHAPTER16
INHNUAIPA
BY SAWMI RALTE
Amelia Malsawmdawngzeli pov.
"Ka mu rei viau em?"mit nuai nawk nawk chuan ka zawt a.
"Mutduh nu"zawi sup hian a ti a,nui let var pah chuan ka tho vut a,ni tla tur chu a eng sen phut mai a,a thlasik boruak rui tawh a,a hahdam thlak riau.
"I mal a kham ngawt ang ,darkar hnih dawn ka muhil bawk sia"
"Ka thawhsan daih che"nuih insum zet hian a ti a.
"Eng i sawi awmzia"a bulah chuan ka ṭhu thla a.
"Girl leh,vawi khat bak sawi khapsak ka ni"ka kut chu a rawn hum lum thar thar a.
"Vela che"tih hlak pah chuan a kut min vawnna chu ka sik hlawk a.'Ana'a la ti tuar zui.
"Nep dei dui lutuk ,'Ana' tih duai pawh kha angai lo"ka sawi zawh rual rualin ka kut chu a rawn hum leh hmiah.
"Ka dang peih vel tawh lo che,"tih hlak pah chuan ka ṭhu ṭha sawk sawk a.
Anui ri ve hak bawk,aw a thian deuh khurh a,sawi tur nei ni awm tak in a awm a,sawi leh lo chuan a nui leh ringawt zel a.
"Khawnge Mawimawii"inchhung a hawi kual ruai pah chuan ka ti a.
"Hriatpuia nen an chhuak zawk"tih pah chuan a kekawr ipte a zen rul ruk a,rice cake pakhat hi a rawn la chhuak a,kei erawh ka nui chhuak hak.
"Ei rawh,i ril a ṭam ang"tih pah chuan a kawr a phelh a,ka hmui zawna a rawn lek kang avangin ka ei ve mai bawk a.
"Duhawm reuh lutuk "tih pah chuan ka hmui a tuai a.
"A tlai tawh hle mai,Hotela chaw ei leh mai angai ang,ka Ni a awm bawk silo,eirawng ka bawl bawk silo"thaw halh pah chuan ka ti a.
"Hotel ei angailo,Mawimawii chaw a chhum tawh a,eirawng ka lo bawl ang"a tih chuan ka nui ro hak a,mit tizim sunin min en ve bawk a.
•
•
•
•
"U Williama hi lo tawng hmasa zawk ila"Mawimawii chuan chaw ei dawhkan hmaa rawn ṭhut pah chuan a ti a,kei lah chuan ka lo melh rum khawpa(h).
"LalMawi"rum tawka melh pah chuan ka lo ti ve vat.
"U Williama hi ka star e......eirawng bawl thlengin a thiam a"a tih chuan ka ngei takzet.
"Mawisatintur(kan koh fiam dan ṭhin ani)i bialpa ah khan lungawi rawh"dawhkan bet dawt pah chuan ka ti vin hlar a.
"U Williama hi chu pasal atan ka duh"tak tak deuh a.
Ka chhang leh tur chu Williaman min ṭawng khalh a.
"Nangpawh nupui atan ka duh che"nui ruh ruh pah chuan min en ve vut bawk a.
Lu bu nghatin ka tho vut a,kut hruk hul mawlh mawlh pahin Hrangi ka call daih a,Williama leh Mawimawii te chu ka hriat turin an ṭawng lang lang reng a.
'U fakfami hi chu a thinchhia'
U fakfami hi chu a tau hma'
'Ka duhna lai tak lawm'
'Ka bialnu hi chu a duhawm reuh ania'
tih vel mai mai te an sawi dun a,ka huattawk a tling viau.
•
•
•
•
"Hrangi,kan haw tawh mai ang aw,i dam tawh chu a lawmawm khawp mai.
Lu bu ve nghat chuan kan chhuahsan a,Williama lah chuan min kai det det reng a,chupawh Mesaka a awm ve vang ani tih ka hria.
"Amelia,naktukah kan inhmu dawn nia"Mesaka.
YOU ARE READING
INHNUAIPA
RomanceMi hausa fanu(Amelia) leh an inhnuai luah tu taxi driver tlangval hmelṭha(William) zet nena an ingaihzawn dan chanchin hi lo chhiar ve ta che,an inneih hun thlenga tarlan kan tum ang. *INHNUAIPA* *Ka bialpa Willia...
