INHNUAIPA

*INHNUAIPA*CHAPTER2

CHAPTER 2
INHNUAIPA
BY SAWMI RALTE



A sam chauh ka hmuh theih avang chuan ka dingdihlip ve da da a,ka hmuh chiah chuan min hmu ve tih hriat tak hian min lo nuih ver ver a.

"Kan inhmu leh ang ka ti kha"tih pah chuan min siau zauh a,ka nui ve hak ringawt.

"Min la hria maw"keimah inkawk pah chuan ka ti a.

"Hria ang chu,i hmel kha hriat reng a har tih mai loh chu"a tih chuan Sangi te ṭhian ho chuan ngeiawm zet hian an nui der kual a.

"I sual thiam reuh mange"ka tih chuan Hrangin min lo sik zeuh zeuh reng a.

Class lak leh vat angaih avangin Hrangi ṭang ṭu pawh chu ka pawt dawr dawr a.

Kan kal lai mek chu tawp chatin"Khawnge in kal dawn"a rawn au ring phian a.

"Class kan la dawn"bung nghut in ka chhang a.

"Min lo nghak ru..."a tih pah chuan a bula hmeichhia hualtu te chu a vai kiang a.

Ka kalsan lui tlat a,Hrangi erawh chuan min pawh ding tumin ka banah min lo vuan ve ṭai reng a.

"Min lo nghak rawh ka tih kha,duhawm reuh lutuk"tih pah chuan ka biangah a piai zauh a,min piai na chu ka tuai vut vut a.

Hrangin a khat tawka min rawn singnal reng avang chuan ka thaw halh a,ka aw ka thian kharh a.

"Ih........Ṭhianpa......ka ṭhiannu hian a star lutuk che"a nuih sen sen a.

"Min bemtute hi an tam reuh lutuk a,ka hriat ngai anni bawk silo,nang tih loh chu,tuma kawp pawh ka duh lo,ka duh vek thei bik silo a,a buaithlak anih hi,khiuriu hmangaihna phei chu hlan ka duhlo hrim hrim ,hrethiam em?"a tih chuan ka lo ner sawk a,min ngaih pawimawh loh hmel tak chuan hmalam a en leh vut a.

Class kan neih chhung zawng chuan kan inbe tawh lo hrim hrim a,min hria ang pawn a awm lo hrim hrim ,class kan lak lai pawh chu a ngaihtuah pawn ka hrelo ,a rilru a kawm char char ti ila a dik ber ang.

"Enge i hming"class a kan chhuah chuan min rawn zui ve dat dat a.

"Amelia...."ka ti sup a,a nui deuh suk a,ka melh rum ngang mai,ka hming ka sawi chiah a an nui vel chu ka huat tawk a tling viau.

"Cool"mit min siai keuh a,zahzelah lei ka chhuah ve ringawt pekah,hepa hian min ti lai tlat.

"I hmai a sen vek ania"a tih chuan ka hmai chu ka tuai thuak a,a sa hat hat.

"Good girl"ka sam a tuai zeuh pah chuan a kalsawn vut a,Hrangi nen chuan kan ding khawng reng ringawt,a chetdan vel kha mak kan ti kher mai.

Class hnuhnung ber ka lak pawn ka hmu leh tawh lo reng reng a,vawiina kan inbiak dan vel kha ka ngaihtuah veng veng reng a,keima tawkin ka lo nui leh suk ṭhin a.

...

...

Taxi chu ka chang leh ran tawh a,Taxi ka chan hian kha pa Williama kha ka ngaihtuah chhuak leh thut a,Taxi driver ani ngawt kha mak ka ti.

Ka phar din rual chuan ka lut vat a,a hmel ka hmu chiah erawh ka thaw chhuak hak a,min nuih suk avang chuan ka nuih let a,ka hmu leh erawh nuam ka ti viau.

"Pol.sc class kan lak zawh khan ka hmu leh tawh miah lo che"ka tih chuan min chhang miah lo,min dahna hmun tur ka hrilh ah chuan kan thleng der,Kan in hi building lian lutuk ani lo a,inhnuai mi kan luah tir bawk ṭhin,inhnuai luah man erawh ka kut ani thung.