INHNUAIPA

*INHNUAIPA*CHAPTER20

CHAPTER20
INHNUAIPA
BY SAWMI RALTE

[I hman tawh em]
[Ka insiam mek]
[In in ka rawn thleng chiah]
[OK]
Ka lukhum ka var ka la chhuak a,sitting room lam ka pan a,alo nui nasa vur vur khawp a,a present tur chu ka bag ah ka dah a.

Kan thlen chuan a ṭhiante pawh an lo tam tawh hle a,ka zak ru ve deuh a,chu chu hriain min kuah chawt reng a,a ṭhianten'thlah ve tawh la'an tih pawn min thlah duh reng reng lo.

"Hei i duh em"a tih chuan ka lu ka thing mat mat a,ka tlangnel ve deuh tawh a ti niang chu bathroomah min kalsan a.

"Ṭhiannu hei lo in ve la"mipa pakhat chuan ka hma ah apple juice niin ka hria a rawn hung a.

"Aw pawilo"ka ti ve mai bawk a.
Ka in chiah erawh ka inchhir nghal.

Ka rui deuh nghal ka pum chhung te chu a sa bulh bulh a,inchhir tak ka ni ringawt.

"Enge in intir ,Sukpui i harh em"a tih chuan ka lu a hai vek,"Sukpui ka haw pui ang che"tih pah chuan min pawm kang nawlh a,ka zawi vek.

In ah min thlah tur chuan min chhuahpui a,bike ah min hlang a,min tlanpui nghal par par.

"Naktukah inhmu ang aw......"
A tih chuan a hmui ka hup beh sak a,a nui suk.

A hmui hnuai chu ka fawp zauh a,ka beng bulah"Rui reng la ka ti"a rawn ti sep a.

A hmui ah tak chuan ka fawhsak nghal a,min lo kuah ve nghal vutin a nghawng ah ka kut ka suih bet ṭung a,ka duhthawh lutuk chu mak ka inti .

Bangah chuan min nawr bet a,min fawhna thlah miah siloin min khawih kual dun dun a,keilah chuan chhing meuhin ka fawp ve mial mial.

A samah chuan ka ṭham tawkah ka dul zawn vel a tuai reng bawk a.

Kan inthlah meuh chuan ka thawk a chham lek lek,ka hmui chu ka tuai vut a.

Ani erawh chuan min chhuk en ngur reng a,sawi tur ka haihchham takzet.

Ka bag a a present tur ka dah chu ka la chhuak a"William kha i ta tur"tih pah chuan inchhungah ka tlan lut nghal daih a,min vuan bethman lo hrim hrim,ka rang em ani.

"Dawngzeli a awm em"a rawn ti dut dut a,khuma ka mu chu ka ṭang nghal ṭu.

"Aw,a tlai tawh sia,i va rawn leng har ve a"ka Ni Zarin a tih chuan ka lo ner sawk.

"Thil pek ka duh a"a tih chu khum aṭang chuan ka chhuk thla tharh a,Sitting room lam chu ka pan a.

"Enge min pek duh chu"abula ṭhut thlak pah chuan ka ti a,ka lu a la hai deuh chiai chiai reng bawk a.

"Ka ti vel mai mai nih kha"tiin a rawn phun ser ser a,ka nuih a za takzet ,ka Pi te hriat tham loh chuan"Ka la rui chak"ka ti sep a.

"Ngailo,a ṭullo"ati hmuk a,ka melh nghal rawm rawm a.

"Thinrim suh,i ruih laia i awmdan te kha ,mipa dang bulah te ilo ti reu reu ang e"a tih chuan ka nuih a za lutuk.

"Nangmah inih vanga kiss mai che ka nih kha,thil hi la kawi nghal vak ṭhin suh"ka ti a,ka kut a rawn hum nghal vak bawk a..

Ka Pi te mitmei ka veng ve bawk sia,phih thlak sak tur chuan ka tal deuh aih aih a,a vuan nghet leh zual sauh a,ka che vel chuan ka nuih a ti za bawk si,ka thinrim deuh bawk si.

•
•
•
•
A tukah chuan leng tur bawk chuan min rawn sawm leh a,a bana a sana bun pawh chu ka hmu a,ka mood a on nghal der.

"Thanks sana min pek avangin "
"Hmmm"tih pah chuan ka lawn nghal vut a,a kawngah chuan ka vuan bet ve ṭai a.