LAST CHAPTER
INHNUAIPA
BY SAWMI RALTE
Ka inrin loh laiin cake in min rawn tat thut a,melh rawm pah chuan tah let ve ka tuma,chuerawh a theihloh,an tho nghal vutin a,min chhaih tih tih a.
Nui tet chungin ka um a,a tlan kual zak zak lehnghal a.
"Zairemtluang,over suh aw"tih leh tlan ka rual a,kan nui ring dun bawk a,mi mit kan lamah a fu vek a.
"Ka over mi"ding thutin ka lam a rawn pan phei a,ka ding vung vung.
Min rawn kuah vutin"Ka nupui"a ti sep a,ner deuh sawkin"Palai ka rawn tir ang"a ti leh mauh mai,chuerawh ka hnial hran lem lo.
"Min chawm zo dawn em mawni le?"dak vah pah chuanin ka ti a,min chhuk en ngurin"Umm"tiin a bu nghauh a,ka nui seih reuh a.
"Nih,ka chau,roomah phei rih ang"ka ti a,min kuah reng chungin room chu min panpui a.
Ka kawrchung chu ka phelh thawl a,thlasik lai mah nise vawiin hi chu a lum hret ani.
"Tah hian lo mu rawh"khum chu a tifai mawlh mawlh a,khum lam chu panin ka mu tawm kek a,min lo nuih suk leh nghal a.
"Min ṭhen miah suh"amah en kar pah chuan ka ti a.
Ka mutna piahah chuan rawn mu thla vein a khabe a tuai neuh neuh a,min chhang lem lo chuan inneih thlalak ho chu a en kual a.
Ka mutthilh a chhuak lova,ka chau em em lawi si.
Chimawm chhuah ve deuhin"Ka awmdan hi nau ka chhiat....."sawi zawh har fe hian ka ti a,tho hluaiin "Engemaw,nau chhiat a"ka pum tuai pah chuan a ti a.
Na tih hmel fe hian ka rum nghat nghat a,a mangang em em lenghal a,midang pun tura chhuah a tum chu ka ko ding a"I awi ami,ka tider tih i hria em?"ka ti a,khumah rawn ṭhu thla thlawpin a nui ve suk a.
"Mu ang"ka bulah chuan a rawn inrawlh ve leh a,ruah a rawn sur tak ser ser avangin chuan a nuam reuh phian.
A ke lian zet mai chuan min khan a,ka nui ri suk,ka biangah min rawn piai zauh a,min en ngur chung hian a hmui a liak hnawm zauh a.
"Ka hmangaih che"a ti a,tawlh sawn hretin a hrawk bawk lai ka en daih a,ka lai ru ve deuh.
A lamah min pawt hnaiin ka sam a chul heuh heuh a,dan ka tum tawh lemlo.
"Tinge,hmanah khan min kalsan daih"ka ti a,rawn che deuh salhin a awmah min bei tir a.
"I chau viau ang a"a ti daih a"William,pawn lamah sawn an lo buai viau ange,keini.............."ka sawi zawh hma chuan ka hmui a rawn fawp zauh a,ka thilsawi lai pawh ka tawp chiang kher mai.
Nui sukin chunglam a en daih a,amah ngawt chu ka en ngur a,nun a tihlim takzet.
Puan lum chuan min khuh ṭha salh salh a,a lum nuam takzet.
•
•
•
•
A karlehah chuan palai chu a rawn tir ta a,ka Pa pawn a lo be ṭha phian a,an haw hnu chuan"Bawihi inṭhen leh tivel kha ka remti dawn hauh lo,tuna i hmangaih thei tak tak dawnlo anih chuan i sawi thei reng ania,inneih hnuah tlan leh a remlo ania"a ti ban chat chat a,ka lo buk khum ve lap,ka Pa thusawi lai mek pawh ngaihthlak duh viau mahila Zairemtluanan min rawn call ve sek bawk a.
"Ummmmm"ka ti fan raih a,phone lemlama mi chu a rawn thaw halh a,khum lam chu ka pan ve mek bawk a.
"Kan inneih zan chu"tiin bul a rawn ṭan nghal pek a,"I che practical dawn lo reng reng,ka inserh hrang dawn"ka lo ti ve nghal vat a,a rawn nui nasa mai.
YOU ARE READING
INHNUAIPA
RomanceMi hausa fanu(Amelia) leh an inhnuai luah tu taxi driver tlangval hmelṭha(William) zet nena an ingaihzawn dan chanchin hi lo chhiar ve ta che,an inneih hun thlenga tarlan kan tum ang. *INHNUAIPA* *Ka bialpa Willia...
