INHNUAIPA

*INHNUAIPA*CHAPTER7

CHAPTER-7
INHNUAIPA
By:Sawmi Ralte


Ka mutthilh theih mai loh avang chuan ka phone message vibrate a rawn ri chu ka en vat a,Mesakan min call na leh message hi alo awm tuara,[min chhang teh]
[Ka call kha chhang rawh]
[Chhan na min pe vat rawh]
[Min hnawl em ni?]a tam ngang mai,missed call vawi li zet a awm bawk a,vawiina Williama nen kan chhuah dun avang khan ani kha chu ka theihnghilh ṭhak,ka ngaihtuah lo hrim hrim bawk a.

Mipa ngaihsak vak chi ka nilo bawk a,hmangaihna awmzia tak tak pawh ka hrelo,inngaizawng inkara inngaih ngawih ngawihna te hi ka chungah a la thleng velo,vei bur pawh ka nei ngailo,bialpa te pawh nei ve mah ila,kan inkai a,kan inkuah a,a tur ve rengah ka ngai tawp,chakna hran ka pai ngai hran lo,min kuah leh ka kuah a,chutiang bak chuan mipa min hiptu pawh ka la tawng lo.

Mahse Williama hi chu ani lo,min kuah a,a taksa lumna ngah tak mai a min han kuah chuan ka hahdam sawng sawng ṭhin ,min fawh pawh ka kham khawp lo ṭhin ,min fawp leh se tih ringawt ka ngaihtuah ṭhin,min hipna nasat lutuk avang hian a laka awm hran hi ka hreh phah,chu chu zanin a thil thlengah pawh hian a chiang hle ang,nizan lawka inngaizawng kha,tunah khum khatah ka mu dun nghal ania,a lua lutuk em aw!!!!tiang hian inngaizawng dangte hi an awm ang em?ughhhhh
....ngaihtuah tawh lo phawt ang.

Ka phone rawn rik ta avang chuan call chu ka chhang vat a,Mesaka "Hello"
"Tinge ka call i chhan theih loh,message ka rawn thawn nasa lutuk che,i inah ka rawn kal a,i awm bawk silo" a rawn ti vin hluk hluk a,huh!!!!ka inah te a rawn kal amaw!"Chhana ka duh tawh ania,nizanah kan inhmuh na tur kan sawi vek sia,tinge...........?"ka ngawi reng a,ka bulah Williama a mu bawk si chu ka ṭawng ri ah a harh hlauin ka tho chhuak a,tukverh lam ka pan a,khua a dur deuh bawk"Mesak,,ihhh,ka tihpalh aw,ka...ih,ughhh bialpa ka nei"ka ṭawng ṭha hlei thei lo,a hrehawm ve em ani"Bialpa i neilo,min hnawl tuma dawt sawi kher angai lo ve,a ṭha a lawm,"a ti bul hmuk a,chutah ṭawng leh ka tum chu ka hnung aṭang Williama chuan ka kawngah a kut a rawn rawlh lut a,ka thaw hak,a taksa lum nuam zetin min ur sa leh hat tawh.

Williama chuan ka phone chu min laksak a,"Ka bialnu hi rawn tibuai tawh suh"a ti thum bula,ka lo nuih suk,'ka bialnu hi lo tibuai tawh suh'awi ka awih thei lo ,min ti hlim veng veng.

An inbiak zui zel dan pawh ka hrelo,ka ngaihtuah miau lo,Williama ngawt ka rilru ah a awm a,min tihlim em reng ani.

"Kha pa kha i biak leh ka hriat chuan ka awm mai mai tawh lo ang"a mitmeng thip ram chuan min melh a,a mitah en reng chung chuan ka bu ve nghat a.

"Ka tiharh che em ni"amah chu ka la en reng"Kha pa kha eng thil nge ilo sawipuia"ka zawhna chu a chhang lo kher mai"Ihhh.........vawiinah ka chhuah daih avang khan min lo call atum char char a...........chuan chinah khan a rawn call a,kan inbia"
"Enge i sawipui ka tia lawm......"thinrim zet hian a ti a.

"Chhana a duh thu min rawn zawt a"min en kiau a,min vawn ngheh em avang chuan ka tal phat phat a,mahse min thlah duh hauh lo,"Chuan"
"Ka hnawl"a hmel landan pawh a zia ve deuh ta a,a thik ani ngei ang chu ka bialpa ania,mipa dang a thik chu mak ka ti takzet ,ata chauh ka ni tawh a,engvanga mipa dang ka bia chu thinrim phah nana a hman ni.

"A ṭha anih chu,i duh lo tiraw,"
"Duh nang,a hma ka tleirawl chhuah tirh chuan ka duh ve ṭhin"ka tih chuan a rum chhuak nghulh a,a hma a hmel bawk kha min hmuh leh,ka thilsawi kha thinrim pui lehpek tawh aniang chu.

"Tunah pawh ila duh a....."min en ha chung chuan a ti a,ka lu ka lo thing nasa kher mai"Ka bulah hian mipa dang hi sawi tawh hlek suh abikin
Mesaka"a tih chuan ka lo bu nghat a,ka sam ah chuan a rawn tuai nghal vat a,ka nuih ver ver .