INHNUAIPA

*INHNUAIPA*CHAPTER6

CHAPTER-6
INHNUAIPA
BY:Sawmi Ralte



Kan thlen chuan Williama ṭhiante pawh an lo tam tawh kher mai,kan hmuh apiang te hnenah min in hmelhriat tir zel a,"Ka bialnu anih hi"a tih lai te chuan ka lo zak lutuk hi Hrangi khan dawithiam se,min lo dawi bo leh zawk se ka ti,ka hmai te hi a sen chhuah vek ka ring

A ṭhianpa pakhat in 'I bialnu kha a infeng chhing ropui sia,a nuam awm,'a tih phei chuan inthlak leh chak tak ka ni.

Chutah Williama chu a thinrim ka rinloh teh reng ,a kut an humruh nghal ringawt a,zawi te in"A ho lutuk,engatan mah ngai suh,i thinrim chuan a nuam lo ka ti zawk ania"ka tih chuan ,rawn ṭawng chhuakin"I bialnu kha infen chhing tir ve la,i ngam lo ami??"ngeiawm zet hian ati a,"I thei tawh hial lo maw?"chupa pek chuan a rawn ti leh zauh chu,a hmai tak ah chuan Williaman a hnek nghal chawrh a,keilah ka mangang ka au vak vak a,William lah chuan tawp mai a tum lo tih chu hai rual anilo,"William a tawk"ka ti pawh chu engatan mah a tilo,a ṭhianpa lah chu ana ti lutuk a au ṭhawt ṭhawt bawk a"William.........."
"William a tawk,a tawk ka tih chu"ka insum zo tawhlo,a thinrim in sum zo lo lutuk chu ka ngaithei tawh ṭhak lo.

Ka au ring bawk a,a rawn hawi chhuak a,ka mittui tla pur a hmuh chuan a rawn ding chhuak a,ka kut rawn vawn atum chuan ka kat dawr a,"A tawk ka tih kha,i hre miah lo em ni,"ka tih chuan a min en ngur ngur ringawt a,thaw halh chung hian"Ngaihdam dil rawh" ka ti a,a hmelah chuan a thinrim tih chu hre tho mah ila,a thiltih sualah chuan ngaihdam dil se ka duh.

"I dil dawn loh chuan min rawn khawih pawh tum suh,".

A ṭhianpa a en chuan a ner sawk a"A sawichhiat dan che kha ka duhlo "a ti leh dat a"Ngaihdam dil la,ka lawm ani mai"ka tih chuan "Amelia"min en pah chhuan a thaw halh a"Ngaihdam dil chu a har viau em ni?"ka ṭap pur a.

"Ṭhianpa tihpalh,ka lo insum zo lo anih kha,mahse Amelia hi ngaihdam i dil ve tur ani"a tih chhur chhur a,"William ,a ngai kher lo"tih pah chuan a banah ka vuan a,Chutah"Ngaihdam dil vat rawh"a au ring kher mai.

"Tihpalh Amelia,tihpalh Sorry please"a tih chuan ka lu ka lo bu nghat a,chutah Williama chuan "Ka ṭhiante bulah hian ka hruai leh tawh lo ang che"tih pahin min chhuahpui nghal a,ala thinrim.reng emaw ni dawn ni,engtin nge kan hnem ang,mipa han hnem dan hi ka thiamloh zawng tak,ka pa ka hnem ang a hnem dawn lahin Williama ani bawk si,Williama hi ka la hre chiang lutuk bawk silo,hnem dan tur chu ka ngaihtuah reuh reuh reng a.

"William haw tawh mai ila"a mita en chung chuan ka nuih seih a,min nuih let ve nghal.

"I thinrim chuan a nuam lo ania"ka ti leh a"Kha tia a ṭawng khum kha ka ngaitheih zawng ani lo"tih pahin bike lam panin min kai phei a,min tih dan dan chuan awm tawp chu ka tum ta ber,a thin ala rim hmel si a,lo biak buai reng pawh chu ka inthlahrung.

Aizawl khaw pawn lamah chuan min hruai daih mai a,ka hlau ve deuh hlek a,thlahrang an tam ka ring tlat,min hran khum chuan ka thihdan hial ka ring ,a thim.bawk si,William a lah chu a ngawi run reng bawk si.

Hmun romantic deuhah te min hruai ve tur ania,thla lah chu a bial kulh a,ka lung a ti leng kher mai.

Bike chu a ti tawp dat a,chhuk tura min tih avang chuan hlau chungin chungin ka chhuk thla a,"William ka hlau ania"ka ti khur dar dar a,min chhang duh hauh lo,a bike chu dah rual remin,kan vei lam thing tam lutuk lo lamah chuan min kai phei dawr dawr a,a hmun kan thlen chuan streetlight pakhat hi a ding a,a bulah ṭhutna pawh a awm,pangpar pawh a tam kher mai,Williama chu ka melh chho ha a,"Ṭhu ila,nge i la hlau reng zawk "ka lu chu ka lo thing ve vat a,a hmel erawh a thim deuh avangin ka hmu chiang thei lo ,a nui hmel erawh a hriat theih.