ဗယ်လင်တိုင်းသို့ ၇ ရက်အလို (ဘာသာပြန်)-[Completed]

[U] နိဂုံး

ဖေဖော်ဝါရီလ ၁၄ ရက်နေ့...။

တခြားသူတွေအတွက် ချစ်သူများနေ့ဖြစ်ပြီး...ကျွန်တော့်အတွက်တော့ သာမာန် စိတ်ကြည်လင်နေတဲ့နေ့တစ်နေ့သာ ဖြစ်သည်...။

ကျွန်တော် ဝက်တ် ရဲ့ ကော်ဖီဆိုင်မှာ ကော်ဖီသောက်မနေခဲ့ပါ...။ အင်းလေ... သူ့ဆိုင်က ခပ်ချဉ်ချဉ်ကော်ဖီစေ့ကို ကျွန်တော် ကြိုက်မှမကြိုက်တာ...။ ကျွန်တော် မကြိုက်တဲ့အရာကို ကြိတ်မှိတ်သည်းခံနေစရာမှ မလိုတော့တာဘဲ...။ ကျွန်တော်ရဲ့ ပုံမှန်သောက်နေကြကော်ဖီဆိုင်လေးထဲမှာပဲ ကျွန်တော်ထိုင်နေခဲ့ပြီး.... ဖတ်လက်စ လူးဗစ်ဘုရင်ရဲ့မေတ္တာစာများ (#LoveLettersFromKingLudwig) စာအုပ်ကို ဆက်ဖတ်နေခဲ့၏...။

(T/N : လူးဗစ် II (Ludwig II) (1845-86) က ဘာဗာရီယားဘုရင့်နိုင်ငံ (Kingdom of Bavaria) ရဲ့ ၄ ဆက်မြောက်ဘုရင်ပါ...။ ဘာဗာရီးယားဆိုတာ ၁၈၀၅ ခုနှစ်မှာ ပြန်လည်ထူထောင်ခဲ့ပြီး ၁၉၁၈ မှာ ပျက်သုန်းသွားပြီးဖြစ်တဲ့ ဂျာမဏီ အရှေ့တောင်ပိုင်းက ဘုရင့်နိုင်ငံတစ်ခုပါတဲ့....။ လူးဗစ် ရဲ့ သူ့သူငယ်ချင်း ပြဇာတ်သမား ဝက္ဂနာ (Wagner) ကို ပေးခဲ့တဲ့ မေတ္တာစာတွေဟာ ဂေးစာပေသမိုင်းမှာတော့ အတော်ထင်ရှားပါတယ်တဲ့....။ အဲ့ဒီခေတ်အဲ့ဒီအချိန်က သူတို့နှစ်ယောက်ရဲ့ ဆက်ဆံရေးက သူငယ်ချင်းဆိုတဲ့ ခေါင်းစဉ်အောက်က ဖြစ်ခဲ့ပေမယ့် ..လူးဗစ်က ဘုရင်တစ်ပါးဖြစ်တာတောင်မှ သေတဲ့အထိ လုံးဝကို အိမ်ထောင်မပြုခဲ့ဘူးတဲ့...။ မူရင်းစာရေးသူက Love Letters From King Ludwig လို့ခွဲမရေးဘဲ Promote လုပ်ချင်တဲ့သဘောနဲ့ #tag နဲ့ကို ရေးထားတာပါ...။ သူ့ twitter မှာလည်း စာအုပ်ကို promote လုပ်တာမျိုးတွေ့မိပါတယ်....။)

တခြားကော်ဖီသောက်သူ အနည်းငယ်လောက်ဝင်လာကြပြီး ကျွန်တော့စားပွဲနဲ့ အနီးနားမှာ ထိုင်လိုက်ကြတာမို့ သူတို့စကားပြောသံတွေကို ကျွန်တော်နားစွန်နားဖျားကြားနေရသည်...။

"မင်းအဖေသတင်းကြားရတာစိတ်မကောင်းလိုက်တာ..."

"အင်း...ကျေးဇူး...။ ကျွန်တော် အခုအဆင်ပြေနေပါပြီ..."

"ဆိုတော့ မင်းအိမ်ကို ပြန်ပြောင်းနေမှာလား...?"

"ဟင့်အင်း..မပြောင်းဖြစ်လောက်ဘူး...။ ကျွန်တော်တစ်ယောက်တည်းပဲဆိုတော့...အိမ်အသေးလေးတစ်လုံး လောက်ရှာတာပဲပိုကောင်းမလားလို့...."