ဖေဖော်ဝါရီလ ၁၃ ရက်။
ည ၁၁နာရီ ၅၉ မိနစ်။
"ဒီနေ့ရဲ့ နောက်ဆုံးမိနစ်...၊ ပြီးတော့ နောက်ဆုံးအခွင့်အရေး...၊ ဆိုတော့ မင်းရွေး..၊ ပြီးရင်ပြော...။ ဘယ်သူ့ကို 'ဖျက်'ပစ်ချင်လဲ...? သေချာတော့ရွေးနော်...၊ ဘာလို့လဲဆိုတော့ ဒါက မင်းရဲ့ နောက်ဆုံး တောင်းဆိုခွင့်မို့လို့ပဲ...။ သူ မင်းဆီကို ပြန်လာမယ်မလာဘူးက မင်းဘာတောင်းဆိုလည်း ဆိုတဲ့အပေါ် မူတည်သွားပြီ...။"
စကားအဆုံးတွင် သေမင်းတမန်ဖူးစာရေးနတ် (Cupid of Death) ဆိုက်သူးပစ် (Scythupid) က ကျွန်တော့် ကုတင်ခြေရင်းမှာရှိတဲ့ ဆုံလည် ကုလား ထိုင်ပေါ်ကနေ ခြေထောက်တွေကို စိတ်ကျေနပ်စွာ လှုပ်ရမ်းကစားနေရင်း ကျွန်တော့်ဆီက အဖြေကိုစောင့်နေလေ သည်..။ ကျွန်တော်ကတော့ ဒီလ ၇ ရက်နေ့ ညသန်းခေါင်ကနေ အခုအချိန်ထိအောင် ပြီးခဲ့တဲ့ ၆ ညတာကာလ ရဲ့ မှတ်ဉာဏ် တွေကို အခုဖြစ်နေသလို ထင်ထင်ရှားရှားပေါ်လာအောင် ပြန်လည် အသက်သွင်းနေမိ၏..။ ၁၃ ရက် နေ့ကုန်ဆုံး ဖို့ နီးကပ်လာနေပြီး နောက်ထပ်တစ်မိနစ်ဆို ပြက္ခဒိန်က ဗယ်လင်တိုင်းဒေးကို ကူးပြောင်းတော့မည်..။
ပြီးခဲ့တဲ့ ၆ ညတာ အတွင်း လူ ၆ ယောက် ကို 'ဖျက်'ပစ်ဖို့ ဆိုက်သူးပစ် ထံ ကျွန်တော် နေ့စဉ် ဆုတောင်းခဲ့သည်..။ ခင်ဗျားတို့သိနိုင်ပါ့မလား..။ သူ့ကို ပြန်ရဖို့ အတွက် ကျွန်တော့ရဲ့ သွေးရူးသွေးတမ်းကြိုးပမ်းအားထုတ်မှုတွေ ကိုလေ..။ ဆုတောင်းတယ်လို့ ပြောလို့ရမရတော့ ကျွန်တော်လည်းသေချာမသိပါ..။ လူတစ်ယောက်ကို ဒီကမ္ဘာ ကြီးပေါ်ကနေ 'ဖျက်' ပေးဖို့ မိစ္ဆာနတ်ဆိုး တစ်ပါးထံ တောင်းဆိုတာကို ဆုတောင်းတယ်လို့ ပြောဖို့က အတော်တော့ ရက်စက်ရာကျနိုင်ပါသည်...။
ဒါပေမဲ့ အဲ့ဒါကို ဘယ်လို အမည် တပ်ပေးရမလဲတော့ ကျွန်တော်မစဉ်းစားတတ်ပါ..။
နာရီထဲက စက္ကန့်လေးတွေကို ညွှန်ပြတဲ့ လက်တံလေးက နာရီမျက်နှာပြင်ပေါ်က ကိန်းဂဏန်း ၆ ကို ညွှန်ပြလျက် ရှိနေသည်..။ စက္ကန့်သုံးဆယ် ကုန်လွန်သွားခဲ့ပြီ..။ မှော်ဆန်တဲ့ အခိုက်အတန့်လေးမကုန်ဆုံးခင် မိနစ်ဝက်သာကျန် တော့၏..။
STAI LEGGENDO
ဗယ်လင်တိုင်းသို့ ၇ ရက်အလို (ဘာသာပြန်)-[Completed]
Fantasy[Completed] သေမင်းတမန်ဖူးစာရေးနတ် (Cupid of Death)ရဲ့ အကူအညီနဲ့ လမ်းခွဲသွားတဲ့ချစ်သူကို ပြန်ရဖို့ ကြိုးစားတဲ့သူတစ်ယောက်အကြောင်းပါ..။ ေသမင္းတမန္ဖူးစာေရးနတ္ (Cupid of Death)ရဲ႕ အကူအညီနဲ႔ လမ္းခြဲသြားတဲ့ခ်စ္သူကို ျပန္ရဖို႔ ႀကိဳးစားတဲ့သူတစ္ေယာထေက္အေၾကာင္...
![ဗယ်လင်တိုင်းသို့ ၇ ရက်အလို (ဘာသာပြန်)-[Completed]](https://img.wattpad.com/cover/289541767-64-k25490.jpg)