سِدرة مُنتهى

الـحـلقه"الأول"

البـــارت"الأول "

رواية :سِـدرة مُنتهى
بقلم :استبرق الكردي

(( قبل لا تقرأون البارت لاتنسون التصويت والتعليق
على الفقرات،، هذااا الشيء يحفزن
ومااتأخر)))
**'********************************

احد نواحي محافظة (الديوانيه)
في تمام الساعة :4:00 عصراً ..

الجوو حار والشمس تصكع بيه صكع نهجم بيتها...
طالعه هيه وفروخها علينه...

شايله بايدي صينيه صارت تنورر وبدت تجويني،، لابسه تنوره وامي ظافرتلي ثنين ظفاير..

وخرت الخاولي الي حاطته امي فوك لصينيه
وحطيتها بجعب الصينيه وشلتها...

دخلت بشارع الي يبعد عن بيتنا فرعين...

-ايييي يالله راح اوصل...

جاي امشي وجان يطلع كبالي ولد مبين خطيه محتاج كال:-يبنيه ماتطيني من هذا الكعك جوعان..

اني تعبانه والنعال (تكرمون) صار يزلك واصابيعي طالعات لكدام وكله تراب..

شمرت ظفيرتي لوره وكتله :-لااااا ماعندي ماما كالت هذا تودي لبيت خاله ام مُنتهى

هز راسه وسكت راد يروح..
تذكرت كلام جدو من يكلي اذا اجه احد راد منج شي لو مهما كان صغير لا تبخلين عليه وانطي انتي من راح تنطي وتفرحي الله راح يفرحج...

جريت نفس بضجر وصحته :يولد يوووووليد...

التفت الي،، مشيت يمه من وصلت كتله :-هاك اخذ.

-لا اني ماريد

اخذت وحده من الجركات (جرك) وانطيتها اله
كال :-جااا غير انتي ماتقبلين

-لا ولك مو ماقبل بس اخذ واسكت...

اباوعله ضحك، ضحكت ويااا

وكملت دربي الي ماعرف يمته اوصل لبيت خاله ام مُنتهى

كلت :-هسه اني لو مواكفه جان وصلت..

رفعت راسي وصار كبالي بيتهم :اييييي

لزمت الصينيه زين وركضت نوب خفت لا يوكعن الجركات وكفت وغطيتهن وطكيتها ركضه

وكفت كبال بيت ورفعت ايدي ادك الجرس بس مالوح...

حطيت الصينيه بلكاع،، وكمزت وصلت اطراف اصابعي بس مالحت ..

جنت اكدر ادك الباب بس اريد ادك الجرس...
سمعت صوت بنيه اعرفها ويانه بلمدرسه بصف الرابع بس ماحبها تتكشخ...

كالت :-شبيج مخبله الجرس مالتهم عطلان

-معليج انتي!!

صفكت اديهاا وغمتني:-اوووووهمداج..

باوعت على صفحتي ادور على طابوكه... شلتها وشمرتها بيها وكعت برجلها..

صرخت تبجي ضحكت :-هي هي بجت بجت راحت لمها وشتكت... بجت بجت بجت راحت لمها وشتكت...