سِدرة مُنتهى

الـحـلقه "السادسه"

البــــــــــارت "" السادس""

رواية :سِـدرة مُنتهى
بقلم :استبرق الكردي

     ((  قبل لا تقرأون البارت لاتنسون التصويت والتعليق
                على الفقرات،، هذااا الشيء يحفزن
                                ومااتأخر)))
            **'********************************

البيت هوسه وكاض من أعمامي واقاربنه اجو يستقبلون اخويه..
صعدتني امي حتى ارتب غرفة اخويه لان من يجي تعبان وهم يريد يرتاح..
احس الوقت مايخلص واحسس شطولــه ،، فرحتي برجعة اخويه ماتوصف...

جاي اتخيل شكله من بعد فراق 7سنوات ونص شلون صارر شكله..

احسس كلش فرحانه وفخوره عندي اخويه طبيب تعب على نفسه وسافر يدرس

ورجع للعراق...
فتحت بابا غرفته الي مقفوله من سنوات وبس ماما تدخل الها... بين فتره وفتره تنظفها..

رتبت الملابس الي ماما جايبتهم جدد اله بلكنتور..
وبدلت الفرشات لملمت الغرفه وكنسته رغم نظيفه
لهناك كملت كلشي،،، قفلت الغرفه ونزلت.. صار بوجهي عمي سامر ..

ابتسمت وسلمت عليه وهو رد السلام وباسني بين عيوني..

كلش احب هاي الحركه الي عنده مميزه.. بطبعه يبوس بناته بين عيونهن
وبأعتبار احنه بنات اخو يحسبنه مثل بناته اله معزه خاصه بنسبه اليه...

سامر :-شلوون عموو شنو هلجمال شوو حليانه.. بس افاااا ليشش هيج ضعفانه عظمة ركبتج مبينه..

-هههه عمووو هوو السادس يهد الحيل..

-افااااا مايصعب عليج اريدج صيرين دكتوره ونفتخر بيج مثل ماهسه مفتخرين بأخوج...

-بعد كلبي عموو بس مو دكتوره ماحب التعب..

-كمي هي طايح بيدج وتتمننين..

ضحكت وهو صاحو وطلع،،، رحت للمطبخ واني اضحك...

بنات عمي وعماتي وكلهاا هناا يحضرون غده..
رحت لكيت ماما واكفه على التشريب سالتها :-ماما شنوو مو تأخر يمته يجي..

-والله ياحبيبه مادري من مساع كالو بمطار النجف،، خاف تأخروا بلمطار ،، شوو طلعي شوفي ابوج مامخابره!!!

-خوش.
-حطي شي على راسج ولد عمج تارسين الكراج...

هزيت راسي وجريت حجابي من راس إسراء كامت تحجي بس غلست....

اسراء اختي تزوجت قبل تقريبا 3 سنوات وهسه عدها ولد عمره سنتين ماينجرع ابو لكلوكه...
وبطنهاا لخشمها..
فتحت باب المدخل ومديت راسي خاف باب الحوش مفتوح تالي لن اشوف شكددد ولد والله حتى ماعرفهم..

ردت اطب جوه كلت فشله ناس غرب..
ليش مانداريت ويفززني صوت بابا وهو يكول :- رُما بابا تعاي سلمي على عمامج ليش تطبين..