سِدرة مُنتهى

البارت "الثامن"

البــــــــــارت السابع..
رواية :سِـدرة مُنتهى
بقلم :استبرق الكردي

(( قبل لا تقرأون البارت لاتنسون التصويت والتعليق
على الفقرات،، هذااا الشيء يحفزن
ومااتأخر)))
**'********************************

((كُل ماانظر اليه يزيدني شوقاً، حباً وشغفاً على قُربهِ الي))

اتقرب بأتجاهي وهوو الابتسامه ظاهري على كُل ملامحه ابتسمت بخجل ضد التوتر الكبيرررر الي بداخلي..
بعمري ماوكفت كدام رجال بهذا المظهر حيل متوتره وخايفه ماعرف، احس خطوة زواجي خطوة مو سهله...

الي حولنا كلها تهلهل وتركص هو اجه وكف يمي وبدون اي سابق انذار لف ايده على خصري وقرب لاذني وهمس...

[هذا اللون عليك يجنن يشبه لون عيونك....]

باس متني واني وي كل حركه منه يقشعر بدني بس عاجبني
دخوله وحركاته المُفاجئه وجرئِةَ سببتلي احتباس بأنفاسي ماريد اطلع الهوا
خاف يحس لان كلش قريب وواكف يمي باس راسي وكال :- الف مبروك يااميرةَ روحي،، بس هدي نَفَسج مو علالي روحي ووترني..
زفرت وباوعتله بخجل ابتسم واندار لامه واخواته اجو يباركوله..

سلمن عليه وكالت أمه :- الف مبروك بنيتي منا وجاي انتي بنيتي الثالثه يارب زواج الدهرر والذريه الصالحه...

ابتسمت وبوستها :- تسلمين خاله..
-مو هسه كتلج بنيتي الثالثه شنو خاله..
خجلت وتوترت من نظراته اكلني اكل،، هزيت راسي ودنكت..
سدرة شغلت اغنيه لكعدلج عالدرب... اغنية كاظم الساهر..
واجت جرتنه ثنيناتنه وتباوع لاخوها وتضحك..
اما اني اخجل اباوعله لان احس عيونه محاوطتني..
وكفت هي وامها واختها يركصن وياا وهو يضحك ولازم ايدي من جه واخته من جه واني ابتسم واركص بهدوء وياهم...

بصراحه من شفت هيج روحهم حلوه وطيبين اطمئنيت...
لماا انخطبت ماوافقت وكلت لاخويه اني ماموافقه ماريد اتزوج واتورط..
بس كان رد اخوي :- فيد لا تتهورين الحياة فرص ومو كل مره تجيج هيج فرصه اذا ضاعت منج مراح ترجع بعد اني داكولج والله لوو اشوف بي عيب لو بكد الذره من يمي اتعذر واكله ماعدنا مره..
بس علي صاحبي من سنين ووكفاته وياي وويه العائله ما معقوله ماتعرفيها اهله ناس اهل خير وطيب وسمعتهم بسوك واصله..
علي صاحبي واخوي الي ماجابته امي،،. امي ماجابتلي اخووو بس الدنيا انطتني اخو اشد بي ظهري..
هو اخوي وصاحبي وانتي اختي بت امي وابوي شنووو قرارج اني قابل بي خيري واستخيري واجيج الاسبوع الجاي اخذ القرار...

سولفت الامي على كلامه وكالت صدك امُي علي ورده طيب واخلاق وبعد بكيفج بنيتي...
حرت حيره بس الله يعرفها بهذاك الوقت وره يومين اجوو بيت خالتي وهم ماما سولفت لخالتي على الموضوع.

كالت بنت خالتي، ماعندج صوره اله
-لا منين اجيبها،، بس سالم دوم يصور ويااا بالجامعه صور ورقيه
-روحي جيبيها خنشوف..
رحت ركض دورت على صورته وي صور اخوي لكيتها..
باوعتله ملامحه حاده وبارد بنفس الوقت،،، حنطي البشره.. عيونه كباررر وصفر،، شعره اشهب،، طويل.. ملامحه حلوه ومتناسقه ويه وجه