سِدرة مُنتهى

الـحـلقه"الرابعه"

البــــــــارت الرابع ..

رواية :سِـدرة مُنتهى
بقلم :استبرق الكردي

(( قبل لا تقرأون البارت لاتنسون التصويت والتعليق
على الفقرات،، هذااا الشيء يحفزن
ومااتأخر)))
**'********************************
(بعد مرور 6 سنوات........).

قلمي بأيدي وأشر على النقط المهمه في كتاب الإسلامية لصف السادس...

الجوو بارد ورطب والدنيا عصر،، بالشتاء بسرعه يصيرر الليل...
متدثره ببطانيتي واكتب وادرس بتركيز واهتمام لمستقبلي...

ابتسمت واني اسمع صوت المطر بغزاره.....

كمت من مكاني واني البس ترواكتي واتلفلف بيهاا وكتابي بأيدي...

وخرت البرده واباوع لبيتنه وللشارع ويه المطرر....
جَـذب نظري منظر جروو (كلب صغير) وهو يضم بنفسه تحت شجره جيرانه...
كلبي منطاني اعوفه برااا والجو هيج بارد هو حيوان حرام..

سحبت حجاب ونزلت..
لكيت ماما وبابا وكانت بيبي وجدو يمنه..
كاعدين يم الصوبه ويسولفون.
وكدامهم صينيه تمر وراشي.. وبيبي يمها جدر شلغم..

الجوو حلو ويونس وعلي ممد وراسه بحضن بيبي ويشاقيها..

العائله كلها مجتمعه..

كالت ماما :-هاا سوره ماما شلونج كملتي دروسج..

ابتسمت :-لااا بعدني...

سلام :-شنو بابا وين رايحه...

-لا بابا مارايحه يس هناا هسه اجي..

الجده :-ولج بيبي الدنيا تمطر وين تطلعين ولج لا تتمرضين...

-لا والله بيبي هنا اروح واجي...

انداريت وامي تصيح وراي فتحت باب المطبخ وطلعت فتحت باب الحوش..

اباوع الشارع طين وماكو ولا نفر بس انيي والدنيا تزخ..
وقطرات المطر الي توكع عليه بارده،،. بس ريحه التراب الي تطك بلخشم تمووووت...

رحت شلته وهو كام يعوي بصوت ناصي ميكدر يصيح يرجف بأيدي
حطيته جوه ترواكتي وطفرت بي لداخل البيت اركض ركض وهو يرجف واني بردت اكثر منه...

دخلت للبيت وسديت الباب مال المطبخ ودخلت يمهم البيت دافي يخبل...

اخذت الجرو ورحت بي يم الصوبه...

شافته بيبي وكالت :-يععععععععع شني هذا ولج نجس شكوو جايبته تنجسين البيت...

-يااا بيبي حيوان خطيه خماا اعوفه هيج باعي شصغراته..

كلهاا ضلت تحجي وتأيد كلام بيبي على ابو نكس وشنو تجيبي

ماسمعت لاحد وخليته يم الصوبه وامسح على ظهره بحنان..
احسه ارتاح الي صار هادئ وكاعد بحضني واني طول الوقت امسح على ظهره بحنان...