سِدرة مُنتهى

البارت "العاشر"

البــــــــــارت "العاشر"

رواية :سِـدرة مُنتهى
بقلم :استبرق الكردي

     ((  قبل لا تقرأون البارت لاتنسون التصويت والتعليق
                على الفقرات،، هذااا الشيء يحفزني
                             ومااتأخر)))
           **'********************************
                    (كُلَ ما أُطيل النظر إليكَ..
                      أشعر وكأني لم اكتفِ..)

دخلت للغرفه وسديت الباب وراي باوعت لكيتها كاعده وتباوع وصينيه العشه يم الميز  ...
ابتسمت وتقربت وكفت يمها، ،لزمتها من اكتافها ووكفتها واني اباوع بوجه عبالك لعابه..

باوعتلي وابتسمت لزمت ايدها الي ترجف،، هدئتها ورفعتهن الي وبستهن
:- ليش ايدج باردات؟؟ شبيج ترجفين

باوعتلي ورمشت بعيونها اكثر من مره وتغير اتجاه نظرها  :- مادري!!!!

-خايفه!؟
هزت راسها :- من شنو؟؟
سكتت حجيت :- يلاا لا تخافين ماكوو شي ولا انا اجبرج على اي شي براحتج حبيبي هسه خلينه نصلي ونتعشه..

ابتسمت بطرف شفايفها :- اي..

بست راسها،، ورحت للكنتور طلعت الي تراك ونداريت لكيتها شايله البدله

-هاااا؟؟
-شنوو،، اريد ابدل لا تباوع
ضحكت وانداريت الحايط وبَدلت، حجيت :- خلصتي!.؟؟

-اصبر هسه بس شويه..
-على راحتج يابه. ،،، شويه وحجيت :- راحح ادور اريد اتعشى راح اموت من الجوع..

- ياااا علي شبيك كملت كملت..
انداريت صارت كبالي قطعه بيضه وشعرر اسود بس،، واكفه ومبتسمه بطرف شفتها بخجل.

ابتسمت أطمنها احسها متوتره واني اصلاً متوتر..
:- شسمه راح اروح اتوضه تجين تتوضين حتى نصلي؟؟
هزت راسها وراحت فتحت الكنتور وتدور سألتها :- شتدورين؟؟

-على صايه، عبايه البسها..
- هاي هناا بلباب الثاني من رتبن البنات غراضج اني جنت وياهن هنا...
حجيتها واني اطلع الها جُبه،، لبستها فوك ملابسها وحجاب وطلعت وياي،، وكفت توضت وراحت للغرفه.

توضيت اني وداثبت طلع جعفر من غرفته، شافني ضحك :- هااا شلونك،،، حجها وغمز..
عضيت شفتي وهزيت جف ايدي :- تَوتر متوتر..

ضحك ضحكه شكت اذني :- افاااا هذا انت النجر،،، يلااا يلااا امشي امشي ابو التوتر..
سديت الحنفيه،، وهو نزل يضحك ويدردم :- كتل روحه على العرس هسه يكول توتر خيفيدك..
-اخوي الجبير ماكدر أتجاوز.

دخلت للغرفه لكيتها كاعده تاكل ،، ابتسمت :-هااا؟؟
-هلا تعال تعشى
-صليتي!؟
-لااا مو ماعرف القبله وسمعتك تحجي ويه اخوك كلت خلي على راحته..

هزيت راسي وصرفنت وكعدت ويها،، جانو جايبين دجاج شوي، معلاك ومقبلات، وقوطيتين ببسي..
:- الف الف عافيه فَيدي