سِدرة مُنتهى

البارت "الثالثَ عَشر"

البــــــــــارت "الثالثَ عَشر"

رواية :سِـدرة مُنتهى
بقلم :استبرق الكردي

(( قبل ان تقرأون البارت لاتنسون التصويت والتعليق
على الفقرات،، هذااا الشيء يحفزني ومااتأخر)))
**'*******************************
((حَياةٌ مُبهجةٌ بأفراحٍ وأفواهٌ ضاحگةٌ لــِحَـياةٌ لانعلم ما نُهاياتُها))

حَـسيت وكأنو صوت شخص خلفي ينادي باسمي، التفتت وصار كدامي منظر الولد الي قبل شويه عبرنه..

يتقدم بخطواته بأتجاهنه كمت على حيلي وعلى ملامحي تعبير علامات الاستفهام..

اخذت نَـفس وباوعت عليه تقرب وكف قريب منه مبتسم وكال :- سلام عليكم..

عكدت حواجي هذاا الصوت سامعته والله سامعته..
زفرت وردينه:- وعليكم السلام

ابتسم ابتسامه كبيره،،، من ابتسم باوعت لـفطم وبدأ الشك بدماغي..

كال :- احم عرفتوني؟؟؟

-بلا صغراً بيك لا والله بس كأنو اعرفك..

ابتسم وكال :- تعالن وراي.

باوعت لفطم وخزرتها ،،تقربت مني :- اكلج خنروح نشوف الحلووو .

-انجبي ادبسززز بله هسه زوانه بفد زويه ودك الناقصه بينه يبوووو..

-بس بطليلي اكشن وخلنمشي شني هي...

بلعت ريكي ومشيت وراه وكف كدام مكتب احد الاساتذه فتح الباب ودخل كعد على الكرسي الي خلف المكتب..

وكال :- دَحكلي على الاسم عرفتوني!؟؟

باوعت للاسم "الدكتور غَــثي عبد الصمد" فتحت عيوني على وسعهن ووجهت نظري لفطم المصدومه وتباوع اله بتعجب...

ابتسمت وهوو ضحك :- حدرن (تقربن) بويه ،، شلونجن بناتي.. وينهم جماعتكم بعد جواد وروان باسم شلونو.....

كعدنه واحنه الصدمه مسيطره علينه :- استاذ غااااثي..

ابتسم :- غَــثي وليس غاثي... شلونجن يولي هسه انتن مرحله رابعه مو؟؟

-اي
-انشاء الله تخلصون هاي السنه والسنه التجي انتم متخرجين وتداومون بمدارسكم..

ضحكت :- بس دكتور حيل متغير ماعرفناك والله!!!

-ايي والله كبل تقريباً قبل ست أشهر تخربطت حالتي الصحيه واضطريت اسوي عمليه تكميم المعدة (قص المعده)

-بس هاي العمليه صعبه..

-اي والله جثير صعبه وسويتها بايران والحمد لله النتيجه افضل من المُتوقع..