سِدرة مُنتهى

البارت "التاسع"

البــــــــــارت" التاسع"

رواية :سِـدرة مُنتهى
بقلم :استبرق الكردي

     ((  قبل لا تقرأون البارت لاتنسون التصويت والتعليق
                على الفقرات،، هذااا الشيء يحفزن
                                ومااتأخر)))
            **'********************************

( جَميلةٌ تَتّالئلئ وكـــأنها زهرةٌ الارجوان المُذهله في مَوسمها)

كانت الايام الماضيه ايام جميله جداً بالنسبه الي...

من خطوبة وفرحة اخويه الي كل يوم اشوفها بعينه وقبولي في كليه القانون...
وفرحة البيت كان الكل فرحان،،، وعلي جاب مثل المسجل جبير يسمو (ديجي)
وهاي دوم يشغله من ابويه يطلع لان شوي ميقبل بس باوقات المناسبات يسكت
يشغله ونركص فرحانين باخونه حتى جعفر دوم ويانه يهوس
فَــ علي شغل الديجي واحنه نركص على اغنيه ساجده عبيد ( يمين،يسار)

اجه احمد وبايده السطل مال المي وكال :- طفي ولك طفي شنو هلمنكر هذااا، ،، هاي جبتلك هذاا الاصيل ابن الاصيله ابن لعراق

دك دكتين على السطل وجعفر يباوعله ويضحك كال :- ااااي ويام احسين جينااا نفرح ويها...
ومتعلمين كلحنه على ملكاها ويأم حسين...
ويام حسين جيناا نفرح ويهااا،، متعلمين كلحنه على ملكها..

كلها تطفر وتركص ويااا وهو يدك حيل..، نوب سكت وكال :- اكلكم احنه عدنا حسين؟؟ جاا هذا منين جبته انييي... يلا يلا مدام عرس عليوي الاعمص سمعلي هاي..

دك وكال :- وامك يعليووي بيش اجازيها، ،امك يعليوي بيش اجازيها..
امي تضحك وتهوس وياهم...

جان غدير تكول :- يمه عليج الله هاي الهوسات مال الفلاح والجندي وهذني عليج الله سويها..

ضحكت امي :- هديني ولج

ضلينه نحرمص الها وهي  تضحك،، كوه قبلت وكالت :- هدني يلولد هدني..
وامي اطتني الفلاح، نعلت روح ابو لفلاح
كل مايزعل الفلاح بلمنجل يهددني..
هدني يلولد هدني

هلا هلا هلا
هدني يالولد هدني ليش مجلب بردني...
احنه نهوس ونصفك ويها وهي تحجي وتهوس
.....
هدني يالولد هدني ليش مجلب بردني
وامي انطتني للسماج، نعلت روح ابو السماج
كل مايزعل السماج بالسمجه يهددني

هدني يالولد هدني..ها ها..
ليش مجلب بردني
وامي اطتني للجندي، نعلت روح ابو الجندي
كل مايزعل الجندي بلبريه يهددني..

اباوع لجعفر صار احمر من الضحك وكالهاا :- هااااا يمه بالبريه ابوي يهددج بله شيسويلج..

ضحكت وغدير كالت الها :- كمللي عليج الله..

هدني يالولد هدني
وامي انطتني للسايق، نعلت روح ابو السايق
كل مايزعل السايق ابكيره يهددني
هدني يالولد هدني
وامي انطتني للضابط، نعلت روح ابو الضابط
كل مايزعل الضابط بالنجمه يهددني