سِدرة مُنتهى

الـحـلقه"السابعه"

البــــــــــارت السابع..

رواية :سِـدرة مُنتهى
بقلم :استبرق الكردي

(( قبل لا تقرأون البارت لاتنسون التصويت والتعليق
على الفقرات،، هذااا الشيء يحفزن
ومااتأخر)))
**'********************************

(( ايامً تملئُنى بالأمل وايامً تُصيبنا بالمرض حتى القضاء على شرارات الأمل الصغيره...))

دخلنا احنه دانتمشى والتفت اباوع علي ماكوو... انهبطت واني اشوف علي لازمي شرطه
وهو يحجي وياهم رحت اله ركض جان ابن غدير كايد بايدي خطيه لولد على كد مامشي سريع نسحل بالكاع
طلعت ولزمت بأيد علي واباوع للشرطي
واكله :-شنوو عموو ليش متخلي يدخل؟؟؟

-عموو هاي مدينة العاب للعوائل فقط مايدخلون شباب بيها..
-بس عمو احنه عائله وهو اخويه!!!
-هاهيه بويه عبالي وحده جاي

دخلنه اني وعلي وابن غدير، هو يحجي ومبتسم :-شبيج بابا اني طفل؟؟ غير رجال شكدني ردت ارجع اروح للكورنيش..

-وتروح الكورنيش بدون ماتكللنه
-شنو يحتاج اخذ اذن حضرتج مثلاً؟؟
انداريت عليه ضربته على صدره:-يوووو شوو كافي كلش سخيف صاير.

ضحك وكال :-اوي اوي سدوره العوره صايره تخاف عليه افااااا
-ادبسززز شنو تكلي عوره
-انتي ادبسزز شنو تكليلي ادبسزز

رامي :-بطتنه طبت بطن بطتكم، بت بطتكم طبت بطن بت بطتنه،......
ضربه علي علابي :- ادبسززز شنو بالع مسجل..

رامي :-لا خالي بس انت تكل لخالتي ادبسزز ليش تكليلي ادبسزز شنو هاي.. ؟؟
-هاي الشني هاي تعلمتها من خوالك موو بعدين انتم عليمن طالعين لسانكم اطول منكم..

-امي تكول على خالك علي
ابتسمت واني اشوف جعفر جاي بتجاهنه ويمشي برهاوه ومكتف اديه لوره
وهو جسمهَ طاغي بُنية جسمة كلهاا تغيرت لما دخل كُليه عسكريه والتدريب وغير هو دوم يلعب رياضه
أحياناً اخاف احجي عنه كدام احد خاف ينصاب بالعين

لان هو طيب، قوي، وشجاع..
باوعلنه وابتسم :- هااا شنوو و ين جنتوا.؟؟
-ما خلوو علي يدخل عبالهم جاي وحده..
-يلا مو مشكله
حجاها ومد ايده لرامي :- تعال خالو تريد تلعب؟؟؟
. - ايي خالوو
علي :-بله شتريد تلعب..

رامي :- اريد اصعد بديلاب الهوا
علي :- شتسوي بدولاب الهوا هذا يركبوا ثنين مخطوبين وجايه ام البت وياهم
يصعدون بي شاردين من امها

ضحكت وجعفر ضحك وكاله:- تعال العبك سيارات تصادم..
رحناا كلناا وي جعفر ورامي، لكينه ايهم وغدير كاعدين على المسطمبه..
كاموا ويانه وكلنا رحناا جبنه كارتات ورحنه لسيارات التصادم...
صعد جعفر ويمه رامي، وادهم وي ايهم، واني وعلي وغدير كل واحد وحده..