سِدرة مُنتهى

البارت "الإثنا عشر"

البــــــــــارت "الإثنا عشر"

رواية :سِـدرة مُنتهى
بقلم :استبرق الكردي

(( قبل ان تقرأون البارت لاتنسون التصويت والتعليق
على الفقرات،، هذااا الشيء يحفزني
ومااتأخر)))
**'********************************

((نضحك ونكول تهون،، شوو لسه ماهانت؟؟؟))

رافعه كُتبي على ساعد ايدي ومتوجهه بأتجاه قسمي،، تتقدم خطواتي برهاوه طبيعة مشيتي،رافعه راسي ورجعه ظهري لوره..

هواي اشخاص بالجامعه يشوفوني مغروره،، لان كلامي دائماً قليل وماعندي اختلاط كبير مع زملائي..
غير سلام الصباح والسؤال عن الدوام ماعندي ابداً،، اسلوبي هادئه ومااحب اكثر،، اختصرر وامشي الوضع...

بس الحمد لله اشوف احترام كبيررر من اساتذتي وطلاب قسمي لان هم يعرفوني من ٣سنوات..
ان كلامي قليل ومااكثر ابداً..
اما اذا احد احتاج مُساعدتي مااتررد لحضه بمساعدته...

بس دائما من اساعد شخص احاول اكون متحذره ونبهةَ
لكل تصرف راح يتصرفه المُقابل، مثل ماكال جعفرر اتوقعي الخيانه والنكران بأي وقت وكوني حذرة..
خصوصاً ان جامعتنا بيهاا نفاق يشيب الدماغ مايخلي بي حيل..

دخلت للقسم كان الاستاذ هستوه داخل،، استاذ جديد اجانه قبل اسبوع تقريباً...

دكيت الباب ودخلت،، هوو كان يطلع باوراقة.......

رفع راسه شافني احط كُتبي على مقعدي،، رفع تك حاجب واردف :-انتِ حضرتج الي متأخره!!!

رفعت راسي وحجيت :-وياي استاذ؟؟

هز راسه :- اي نعمـ.....

-استاذ اسمي سِـدرة سلام..

رفع حواجبه وفتح عيونه بتعجب وكال :- منو سمحلج بالدخول!؟؟

-بس طرقت الباب...

-بس مآ أذنـت الج بالدخول صح لو غلط..؟؟؟

وحجها وباوع للطلاب بمعنى أذنـت الها او لا!!!
محد جاوب...

باوعلي واردف :- منااا وجااي لماا تجين متأخرة تاخذين اذن استاذج قبل الدخول مفهمووم ســت ااااا سِدرة...

باوعتله وسكتت كال :- يلا بلا امرر عليج اخذي غراضج واطلعي خارج القاعة عدنا محاضرة مهمة اليوم..

باوعتله مستغربة ،،، رفع تك حاجب وكال :- اطلعي براا رجاءً... !!!!

ابتسمت بوجهه وشلت غراضي وطلعت،،، اباوع صارر ناررر...
وانيي روحي شاطت فشلني كدام الطلاب،،، اني غبية هذاا جديد مااعرفه شكوو دخلت يووووو تفشلت..

رحت دخلت للنادي اخذت نسكافيه واخذت صور اليه والله طالعه حلوه. اليوم حرامات ترزلت اخخخ..