سِدرة مُنتهى

البارت"الرابعَ عَشر"

البــــــــــارت ""الرابعَ عَشر ""

رواية :سِـدرة مُنتهى
بقلم :استبرق الكردي

(( قبل ان تقرأون البارت لاتنسون التصويت والتعليق
على الفقرات،، هذااا الشيء يحفزني
ومااتأخر)))
**'********************************
{تُرفرفُ فراشات الأمل بِــداخلي عند النظر الى عينيها}

فزيت وانصدمت من امي طكتهاا هلهوله وهي تكول :- ايي ربي فرحني بويلادي،،، بقى بس حميدان..

ضحكت على سوالف امي وفرحتها ربي لايحرمني من هاي الفرحه..

كمت بدلت وغسلت اذن الظهر صليت وتغدينه للعصر اجه جعفر ساعه ب4:30
بعد السلام اندارلي :- بعد اخوج بس صبيلي غده تعبان..

ابتهال :- شنيي يمه لسه مامتغدي

-اي والله يالحبيبه نهد حيلي..

-اسم الله على حيلك يمه. يلا ولج روحي صبي غده لاخوج..

هزيت راسي ورحت صبيت غده وحطيته كباله واني اكُله :- اكلك جعفر اريد اروح باجر للمحكمه..

-اي روحي بس شكوو؟؟

-اريد اشوف شلون الشغل واشوف الموضفين وشنو يشتغلون وهاي السوالف..

-ماكو داعي ترحين اول وتالي راح تداوم بالمحكمه وتشوفين الوضع وتعرفين شلون تشتغلين بس لا تتحمسين زياده عن اللزوم وبعدين تتندمين..

هزيت راسي وسكتت،، كعد يتغده بهدوء،، كسرت حاجز الصمت امي واردفت :- اكلك يوم يمته نروح لبيت عمك!؟؟

-انتم كلتولهم جاييكم؟؟

-لا والله كلت نروح الهم فجأه شنوو قابل احنه غرب..

-جاا هاهيه بس انام واكعد نروح الهم قبل صلاة المغرب هم نتعشه يمهم مرت عمي طبخها طيب وهم نخطب الي..

حجها وابتسم اردفت امي :- شنوو ولك طبخي مو طيب

-هوو ابويه يقشمر عليج ويكلج طبخج طيب..

-نعم الله عليك سويتني قَشمر!!؟؟

تقرب منها ومد ايده لبطنهاا يشاقيها :- بوياااا اروح فدوه لهلكرش مليانه شحم ههههههه..

-نجب ولك هههه وخر ولك هههههه ولك بطني،،،ولكك جعيفرر ادبسززز..

هوو يضحك بصوت واحنه نضحك على امي الي تغارر كلش يعني بس احد يكركرها تفحط من الضحك..
وهو يكلها :- والحمزه ماتونس غيرر بس يمج ولجج ابتهال شسويتي بينه،،
صغر عيونه وكال :- شمسويتلنه،، فلك بس لا مسويتلنه سحرر عد ام عبيس...