سِدرة مُنتهى

الـحـلقه "الثاني"

البــــــارت "الثاني....

رواية :سِـدرة مُنتهى
بقلم :استبرق الكردي

(( قبل لا تقرأون البارت لاتنسون التصويت والتعليق
على الفقرات،، هذااا الشيء يحفزن
ومااتأخر)))
**'********************************

شيء واحد اخجل من ذكره بحياتي الي هو،، مُنتهى
اخجل من ربي ومنه صرت من اشوفه اضل ساكته وبس اباوعله وهو يضحك ويسولف وياي...

اهلي وكُل الي من حولي دوم يكلولي انتِ اكبر من عمرج...
حتى اذا واحد يشوفني ميصدك اني هيج عمري يتوقعون اكبر

ورثت جسم عماتي خشنات بس حلوات وطويلات...
بس كلشش اتنرفز
من تفاصيل جسمي بارزه جداً حتى ماحب اطلع هواي لان راح اقابل نظرات العالم لجسمي
حتى نسوان وهلشي كلش ينرفزني

اخر شي قررت ان البس لبسس عريض ماحب احد يركز بملامحي..

مُنتهى السنه سادس علمي،،، الوضع بالعراق جداً متأزم على الحكومه

لكن احنه بالديوانيه ماعندنا شي بس نفاق ومشاكل اما بغداد يكول عمري مُعمر الدنيا عالكه

صحيت على صوت فتحت باب السطح،، رفعت راسي..

شفت بابا حبيبي يمشي برهاوه بتجاهي ومبتسم..
بادلته الابتسامة

سِــدرة:- هلاوو بابا

كعد كبالي على السكملي (كرسي) الحديد :- هلا يعزيزة ابوج

ابتسمت وكمت :- كوم بابا اكعد على هذا السكملي احسن هذا خاف يعورك

اشرلي وكال :-اكعدي بويه اتعور انه ولا انتي

كمت وبسته بخده :-احبـــــــــك باباااا

-يروح ابوج

كعدت بمكاني ونسولف اني وبابا وهو يعلمني وينصحني..

اخذ مني كتاب التاريخ
سلام :- شنو جاي تدرسين تاريخ؟؟

ابتسمت :-اي بابا تاريخ ومن الصبُح ليهسه ماكملت وباجر عدناا امتحان شهري بلوراق

-وين وصلتي،،، هذا كله قاريته؟؟

-اي بابا قاريته

ابتسم :- جاا مابقالج شي،،، راح اسئلج وانتي جاوبيني خوش،، وبعدين ارجعي كملي قرائة الباقي

هزيت راسي بحماس رجع الكتاب للصفحه الاولى وبدأ يسئلني واني اجاوبه

تقريباً خلصنه نص الكتاب واذن اذان الظهر جان الجو شتاء حلو ويه الشمس..

كام بابا وكال :-بنيتي هاي كملنه التاريخ عفيه الشاطره حافظه

ابتسمت :-احبك بابا

-يعيون ابوج

عافني ونزل حطيت كتبي واقلامي على السكملي الحديد وكمت
شلت غراضي ودخلت السكملي الي جنت كاعده عليه بلبيتونه ورجعت اخذت اقلامي