سِدرة مُنتهى

الـحـلقه"الثالث"

البــــــــارت الثالث ..

رواية :سِـدرة مُنتهى
بقلم :استبرق الكردي

(( قبل لا تقرأون البارت لاتنسون التصويت والتعليق
على الفقرات،، هذااا الشيء يحفزن
ومااتأخر)))
**'********************************

رجعنه للبيت واحنه مطمئنين بابا ويانه، وشنو يصير خيصير اهم شي احنه بخيرر...

طول الطريق مكمشه بأيد بابا وابوسها وهو يضحك ويشاقيني...

ردينه اني وماما واخواني.. اختي غدير ضلت ببيت عمي عود ترجع ويه زوجها...

بس جعفر يمشي وباله مو يمنه وحتى جكارته بايده وماخاف من بابا ولا ابد..

وبابا هم ساكت اتوقع يعرف بوضع صديقه...

وصلنه لبيتنه طلع احمد المفتاح وراح يفتحه..

دخلناا واحنه نباوع على الحيطان مال البيت شلون مهروسه هرس من الطلق..

الجام مال البيت مكسرر،،،

-يااااا ماما باعيي البيت شلون محفرر باعي الكاع..

ابتهال :-الحمد الله على كل شيء...

سلام :- بويه لحمد لله اهم شي محد من عدنا تأذه.

جعفر :- يابه اني بعد ماكدر اريد اروح وره صاحبي اشيعه ماكدرر هذا اخوي وحزام ظهري

سلام :-هوه يمته يطلعون بي؟

-وره صلاة الفجر...

-انتظر انام لي ساعه واطلع وياك!!!

-لا يابه فدوه لاسمك كوه واكف على رجليه..

طبطب بابا على كتفه وكالَ:-روح وليدي وانتبه على نفسك الله وياك...

ابتهال :-ياااا سلام تحجي صدك،،، يمه وليدي بعد امك ترااا كلبي مايحمل بعدك...

جعفر :-يمه ترااا اني جنت منتظر رجعت ابوي حتى اني اروح مو هم تعرضيلي فدوه اروحلج...

ضلت ماما تحجي وتحاول وياه بس هو ماسمع وابويه يكول لماما :-ابتهال لا تعرضين للولد...

سكتت ماما بس وهيه خايفه..

اجه جعفر باس راسهاا وطلع راح لبيت صاحبه...

ضلت ماما تلوم ببابا على ابوو ليش خليته يروح اني ابني اخاف عليه..

وبابا يردهاا :-لا تخافين ابتهال العمر بيد ربج وحده وهو الحنَين الأحن من الام على ضنها..
هاي اني كبالج طلعتت من حلك الموت لوو بس متاخر دقيقه وحده جان متت بلقصف كلششششي بأرادة الله سبحانه وتعالى وهاي اجيت كلشي مابيه...
كولي لحمد الله وتوكلي على الله وروحي نامي بفراشج رغد...

اندارلي :-يلااا سدورة يلا بابا روحي نامي يلاا بنيتي

كمت ورحت توضيت وقريت دعاء الفرج ونمت...