أبنتي ولكن

البارت السابع

أبنتي ولكن
بقلمي،،
زهراء الشمري،،
البارت السابع،،،،،،

................... ....................
ام حمزه_وينج ولج مليكه اليوم احرگ البيت عليكم
طبختيهه انتي وابوج وقشمرتو البت
والله لخلي الدم للرجاب ولج اذا ماخليتج عانس طول عمرج اطلع مو بت ابوي
ملاك_على كيفج عمه اعصابج لاتنجلطين احنه
شعلينه عمي وهدى مارادوج تعرفين والبنيه قبلت
تعقد بدون علمج
سهير_هم طلعلج السان وصرتي تحجين ام حلك
الأعوج
_أگلجن شو ابيتن وتغلطن شني انتن ما الجن رداد
ماتستحن عمي كفنه شرجن وذاك ابوي واخوي
واذا بيجن خير خربنهه
طلعن ورگعن الباب رگعه قويه اخلاص صافنه
عليهن ماتتدخل بس تباوع لان تخاف منهن
_خيه گعدي ارتاحي انه اسوي غده اليوم
_اي والله لان بعد مابيه اوگف على حيلي الله
لاينطيهن فرفحني من الصباحيات صباح الأگشر عليهن
سمعت صوت فرح خطيه فزت من الصياح
رحت خليتهه بحظني اريدهه تسكت ماكو
حللت أگماطها بلكي تسكت ماسكتت الطفله على بجيت الوحده شلتهه واخذتهه لأمهه
_اخلاص بنتج ماتقبل تسكت مدري شبيهه
_والله ياخيه من البارحه بتي مدري شبيهه حتى من ارضعهه ترجع الحليب
_ولج خاف ممتونه جيبيهه لفيلياهه خل اخذهه لخالتي ام تحسين تعرف للمتن
لفتهه شلون ما كان وبعدهه تصرخ الطفله
اخذتهه لأم تحسين جارتنه
فتحتهه ودهنت ظهرهه وطلعت ممتونه لان رجل اطول من رجل عرفتهه ممتونه من رجليهه
بدت تسوي بمتنهه كملتهه وگمطتهه وسكتت فرح ونامت نومه عميقه اتشكرت منهه
وردت اگوم وتدخل رحاب تبجي اجت زعلانه
شبگتني وتبجي من كل گلبهه ايدهه مكسوره
وحال الظيم حالهه
ام تحسين_ها يمه شبيج وياهو جابج
_بعبره متكسره بصدري ولج يمه بعد ما أگدر اعيش
وياهم يعاملوني مثل الحيوان وهذا رجلي يشرب ويجي يشبعني كتل وحسره عليه اللگمه
ولج يمه اظل جوعانه لان يقفلون الثلاجه بقفل وانه حامل اجوع انام جوعانه
ملاك_خاله انه اترخص
_لاتعوفيني فدوه تعاليلي ملوكه اريد اطگ اريد اسولف وي احد ساجنيني بسجن شسولفلجن يشيب راسجن
_عفتهه وطلعت رجعت للبيت لگيت اخلاص امكمله الغده خطيه ومسويه زلاطه وخابزه لان العجين اختمر وانه اتأخرت عليهه
_هاج خيه بتج خليهه بفراشهه البت ممتونه
ورجعتله المتن ام تحسين ودگول دربالجن مادام انمتنت تره تتعود على المتن بس تنمتن بعد مره
اخلاص_ان شاء الله خيه هاي كله من حسن من يجي يشيلهه وهي محلله گماطهه وهل متنهه اليه
بس اگلج انتي شبيج شو ظايجه احسج
_اسكتي غير رحاب اجت لأهلهه زعلانه
_يا خطيه ليش
_والله خيه ما افتهمت السالفه بس هذا رجلهه سگط يشرب ويظرب بيهه
وانه جاي اسولف لأخلاص دخل احمد
احمد_منيه هاي يظربهه رجلهه بس المو رجال يمد ايده على مره
_هنا انه گمت اتلعثم بالحجي ما اعرف شجاوبه عاد اخلاص دارت الموقف وگلتله صاحبتي
_عفيه عليج والله هذا يتخبل اذا سمع بيهه مظروبه
وهو الجان يبجي من تتمرض
العصر كلش اخوتي بالمحل وابوي مرات يروح يگعد يمهم واخلاص هي وبتهه بالغرفه لبست عبايتي ورحت لرحاب اريد افتهم سالفتهه
خطيه حيل فرحت بشوفتي وجيتي عليهه عبالهه
گطعت علاقتي بيهم من ازوجت
وبدت تسولف رحاب مصايب يشيب الراس منهه
رحاب_اووووف يا ملاك ياخيه شسولفلج
الاحلام الورديه الجنت ما انام اذا ما احلم بيهه
حرموني منهه
وسوو عيشتي سوده مصخمه ولج اكو عروس بليلة عرسهه
تسگط من الكتل علمود ينام وياهه وهو سكران
ريحت الشرب تكتل والله يا خيه من يطب
للغرفه احس عزرائيل يطب عليه من غير يسمع
حجي امه وخواته
ولج شايفتلج ثلاجه تنقفل بقفل ومفتاح بعد
بس عايزه يسلسلوهه وياريت بيهه شي
ولو كلهه نعمة الله هنه طماطات وبيت انجان
من غير لازم من ٦الصبح أگعد وانتظرهن يگعدن يالله انضف واكمل شغلي گلتلهن يابه خلني
انام ومن دگعدن اگعد وانضف لو ساعة السوده الحجيت بيهه
وهاي اخته المزوجه جيرانه ادگلي
_ اي تردين امي واختي يخدمنج
هاي خو عبالك عايشه ويانه تگعد من الصبح اطلع رجلهه لباب الله وتجي لليل يالله تروح
اووووف شحجيلج اشكال شفت منهم
ملاك_حسيت روحي طلعت من سمعت حجيهه
شنو من عيشه عايشتهه شلون شمره شمرهه اخوهه حمدت الله وشكرته على حنية اخواني
_خيه رحاب خلي عينج بعين الله شسوين هاي
قسمتج وقدرج
_لا ملاك هاي مو قسمتي بس گولي قدري المجبره
علي الله لا ينطي اخوي كسرني
وانه الفطيره عبالي خايف على شرفه وعلى اخته
خيبه طلع يحب حماتي الصغيره ورجلي الشفيه
گايله زوجني رحاب وانطيكياهه
وهل انخه الله يكسر گلبه مثل ما كسر گلبي
هسه عوفينه ما سأل عليه ما حس انه موجوده
ملاك_لا والله ما گلتله تردين الصراحه اريده ينساج
احمد جاي يتعذب
_زين اسوين خيه وانه هل ارد اگلج زوجي بلكي ينساني ويلتهي بحياته
_خيه يازواج شگد ردنه منه ما يرظه يگول ما ازوج
_زين اگلج وانتي شخبارج وي هذا الجندي بعدكم
_اووووف ياخيه جا غير حمزه نهى عليه وبعد مايگدر
يخطبني بس بيناتنه بس مخابرات هل ظالين بس على التلفون وهو كل فتره تعاي نشرد
_خيه اخذيهه مني دربالج تزوجين غير الهواه گلبج
تره تعظين اصابيعج ظلي ابيت ابوج ولا تزوجين
غير حبيبج
لاتصيرين مثلي مرات افكر أگول ليش ما شردت وياه هاي بعد يومين ثلاثه يرجعني ورجليه فوگ راسي(غصبن عليه)
_يله خيه انه اروح هم امرلج خاف هسه يردون الولد
لبست عباتي وطلعت وگفنه بالباب انه وياهه
اتذكرنه سالفه ويفوت احمد ويشوفهه
لحظة انجماد لحظة خذلان لحظة حزن كسره
شافهه وصفن بعيونهه والدمعه نزلت من عينهه