أبنتي ولكن

البارت الثالث عشر

مساء الحب والسعاده على عيونكم الحلوه الجميله ياأحلى وارقى متابعات كيكاياتي الجميلات
هذا البارت هديه للي رادو تغشوشه صغيرونه

أبنتي ولكن
بقلمي،،،،
زهراء الشمري،،،،،
البارت الثالث عشر

الله عوضني ولگيتك  ياحبي
يل ضحكتك تسوه دنيا بحالها
يل خذتني وصرت غيرك مااشوف
روحي من مريت هل هلالها
روحي بس من نلتقي تحس بالامان
ومن اعوفك تنسى راحة بالها
شلون اعوفك وانت كل الدنيا هاي
اللحظة يمك چم سنة تسوالها
ولأن انت بعيني ساكن ..صرت اغار
وعلى عيوني شكد كلت هنيالها
               ...................   ....................
ولج شبيج يمعزايه ليش هيج املخه روحج
هسه عفتج تخابرين اهلج
هدى_خيه مصيبه وجابته سهير النه شهرتنه بين
الوادم
_يا خايبه شني شمسويه المدهوره
_عافت جهالهه ونهبت واحد(شردت وي عشيقهه)
_يمه اصخام الصخم وجهه وفلك صابهه
جا هي مو خذت رجل
_اي والله ياخيه عبالنه من تاخذ رجل تنعدل
بس ذيل الجلب ماينعدل
_وهسه شراح يسون
_ما ادري علي صاير نار شرار  خابرني يصيح
حقه انه صرت عار علي اكيد هسه يگوم يشك بيه
_على بختج هداوي خيه جا انتي شعليج بيهه
هي وحده گح............ مو ادميه
لاتفكرين هيج گومي لبسي عباتج خل نروح
وي ابوي لهلج خطيه هسه امج وابوج الله اعلم
شصاير بيهم
_اي والله خيه اشتهرنه وتخزينه بالولايه
ملاك_رحنه لبيت عمي مگلوبه الدنيا عدهم
لان رجل سهير اجه هد على بيت عمي عبالهم
ظاميهه علي
اول مره اشوف مرة عمي هيج مكسوره وذليله
اللهم لا شماته بس هاي حوبتي انه وامي بيهن
حشاه رب العالمين يعوف حوبة احد لازم يشور
بالظالم
سوينه جاي للعالم اجو عمامنه شبابنه طلعو يدورون عليهه
ناس دگول مخطوفه ناس دگول شارده وي عشيگهه
ومحد يعرف سالفتهه بس امهه
كتلهه عمي يالله حجت
ام حمزه_هي من زعلت جانت مصاحبه واحد
من عشيرة............. بيت فلان يسموهم
بعد ما اعرف
ملاك_انجمعو عمامي والشباب وراحو هداده على بيت هذا الولد
وطلع هو هم مختفي من البارحه عرفو هما شاردين سوه واحد من الولايه شايفهم صاعدين تكسي سوه
رجعو عمامي منزلين عگلهم لان نفظحو
وماينغسل عارهم ال يكتلوهم اثنينهم
لليل ورجعنه انه واخوتي وابوي هداوي ماقبلت
ترجع ضايجه من روحهه وتفكر علاوي يكرهه وگام
يظوج منهه عفناهه على راحتهه وهم تبقى يم امهه
ساعه ب١٢اجه حسن من البصره وصله الخبر جاب
مرته واجه
حسن_بويه جا الجماعه باجر يجون شلون
ابو حسن_بويه هسه احنه بيا حال خابر الولد
وگله صار عدنه ظرف خل نأجلهه
مصطفى_من خابرني حسن وأجل الخطوبه انسدة الدنيا بعيني كلما اتقدم خطوه يصير شي
وارجع عشر خطوات
ثاني يوم اخذت ابوي وسيد ورحت بعد ما اتحمل
وصلنه ب١الظهر علمود متواجدين الظهر
دگينه الباب فتحلنه احمد سلمت علي ودخلنه جوه
كلهم گاعدين بالدوانيه شيوخ معگله يردون يطلعون
طبينه سلمنه كلهم اتفاجئو بجيتنه حتى ملاك ما گلتلهه
گعدنه جابولنه چاي وبده ابويه يسولف وي الشيوخ
ابو مصطفى_الله بالخير
_الله بالخير والعافيه اغاتي
_طبعآ اني جدآ اعتذر  اجيتكم بدون موعد بس للظروره احكام واحنه موظوعنه طول ومو حلوه لا بحقكم ولا بحقنه ابو حسن اخويه اذا متردون تنطونه
مره لاتستحي وگولنه واذا عدكم شي ثاني گولولنه
احنه من اتصل علينه الله يحفظه اوليدي حسن
بالله الكريم مانايم الليل وياما اليجيب باجر واجيك
افتهم السالفه
ولا يهونون الشيوخ
عمي احنه رايدين مره من هذا الزلمه الخير وهو
انطانه وكلما انريد نعقدلهم على سنة الله ورسوله
يأجلوها
شيخ العشيره_خويه الله بالخير عليك
انته حگك بس گبل كلشي لازم تعرف علمود مادگول غشوني
مصطفى من بده ااشيخ يحجي كلهم دنگو استغربت وعمي ابو حسن صفگ ايده وخلاهه على گصته
_بويه هذا الزلمه خير وما اخيره عليكم والبارحه صارت سالفه وي بتهم
_خير شصاير شيخ
_بويه بتهم سوت العيبه وشردت وي ابن حرام وهسه احنه ورجلهه ندور عليهه نريد نغسل عارنه
بس ابو حسن مستحي يگلكم السبب
ابو مصطفى_وگفت على حيلي
وسفه ابو حسن انته رجال محترم وسمعتك سابقتك واني من دگيت بابك اعرف انتو شنو
وهذا ماراح يأثر تبقى ملاك بنتنه واحنه نريدهه اليوم قبل باجر ما اگلك هوسه نسوي اني حتى ام مصطفى والبنات ماجبتهن الي اريده بس يعقد
على البنيه سيد علمود كلشي يصير حلال اذا
البنيه قابله
صح شيخنه لو كلامي بي غلط
_لا والله اي غلط مابي حاشاك
بويه حسن روح شوف اخيتك اذا قابله خل توكلك
وخل نعقدلهم ورانه گعده العالم منتظرتنه ولا يهون
ابو مصطفى عيب نرده خالي
ملاك_گاعده ابدل ملابسي علمود نروح لبيت عمي مسوين عزيمه وگعده للشيوخ وندگ باب غرفتي حسن يصيحني
ملاك ملوكه خويه
_هله خويه امرني
_ما يأمر عليج ظالم
خويه ابو مصطفى ومصطفى والسيد هنا اذا قابله
انطيني وكاله بس گليلي وكلتك امري انت وكيلي
_فتحت عيوني وحلگي نصكيت ها شنوه شكو
_شبيج خويه فكيتي حلگج الولد يريد يعقد
وابو مارضه يأجل تقبلين يو لا
_ها ما ادري وابوي شيگول انه بكيفكم
_جا گليلي وكلتك امري انت وكيلي وهاي هي
_مصدومه ما مصدگه معقوله هاي الكلمتين راح تخليني حلاله وكلت حسن وانه طايره من الفرح رحت اركض على اخلاص شبگتهه من الفرحه
گلتلهه گامت تكمز وياي وتهلهل على كيف
مصطفى_من فرحتي ما اعرف شسوي
حسيت نفسي ملك مالك الدنيا كله حسيت
اريد اعترف للشيوخ شگد اني متعلق بيهه وشگد اعشقهه وشگد راح اهتم بيهه وراح ادللهه
اتفقو ابوي وعمي على الحاظر والغايب ٥ب٥
عقدنه گمت بوست الشيوخ حتى الجهال من فرحتي بوستهم
گامو وگفو ابوي جر عمي على صفحه ما اعرف شگله
طلعو الشيوخ واحمد وعلي وبقه عمي وحسن
سولفو وابوي طمنهم وگلهم يمته ماتردون ناخذهه
احنه مستعدين
عمي ابو حسن گال
_خويه انته على عيني وراسي احنه هسه جدامك شفت عمامنه ولو مو همه انه ما اخلي البت تعقد
اذا على العرس الا نغسل عارنه يالله ازفهه بيدي
العار بت اخوي يعني خليصي تلوحني كلش
وانه اريد بتي تدخل لبيتك معززه مكرمه ما اريد
اي لذگه بثوبهه خل نغسل الذگه الي لذگتنه بيهه
بت الحرام وبيك خير وتدلل
ابو مصطفى_خويه انتم تاج راس وسمعتكم طيبه
وكلمن يعمل بأصله هي اذا البطون اجيب اشكال
ملاك شعليهه الله يبعدهه عن هذا الرس عود بت عمهه والله شاهد خاف ابالك فد يوم نعيرهه
انه حتى للمره والبنات ماراح اسولفلهم هذا الموظوع
_ونعم منك ومن اصلك
_احنه هسه نترخص وراكم ناس منتظره واعذرني
مره ثانيه
بس عندي طلب يمك اريد رقم ابنيتي علمود
خالتهه تخابرهه البنات يباركلهه
وهم خطيبهه يحجي وياهه يشوف احتياجاتهه
مصطفى_اني مدنك جنت حيل استحي من عمي
اصير  احمر من اوگف گباله حتى ما احجي
وما بينت عندي رقمهه لان اذا حسو يذبحوني ويذبحوهه وخاصه هسه صايرين نار اصبعهم على الزناد قبل لا نطلع عمي صاح ملاك
ابو حسن_ملاك بويه تعاي سلمي على عمج وزلمتج
ملاك_جنت لابسه صايه وشال وخاله باودر التاج
وشويه احمر خدود وكحله صاحني ابوي
رحت خطواتي گوه اخطيهن شعور ممزوج فرح
على خوف على شوگ حسيت الدنيا ما لامتني
وصلت يمهم سلمت على عمي وباسني من راسي
دنگت على ايده وبستهه
ابو حسن_بويه ملاك مصطفى صار حلالج يعني يخابرج يجي يشوفج حگه لاتستحين منه بعد ابوج
هذا راح يصونج من بعدي
_عمرك طويل بويه
مصطفى_والله ياعمي اخليهه بعيوني وان شاء الله
ترتاح وياي و ويه اهلي
ابو مصطفى_ابو حسن خويه احنه نترخص اذا
تظل مصطفى ماينقلع منا اليوم ههههههه
ابو حسن_هههههههه حگه بويه بس يعذرني لو ما ملتزم وي الوادم جان ماخليتكم تطلعون
واكيف وتفرحوني اذا ترحون وياي لبيت اخوي مسوين عشه للوادم انتم صرتو منعدنه وبينه
ابو مصطفى_والله ياخويه البيت فارغ ومايصير اثنينه نعوف البيت
ابو حسن خويه يصير باجر يجي مصطفى وامه وخواته يجيبون ذهب وكم شغله لملوكه
ملاك_عمي يسولف وانه ومصطفى واحد صافن بالثاني اسولف وياه بعيوني ومبتسمه
معقوله اني مو بحلم معقوله صرت مريتك
سلمو علينه وراحو
رحنه انه واخلاص وي ابوي وحسن لبيت عمي
وابوي وصانه منجيب طاري گدام مرت عمي
من وصلت وبدينه نشتغل فرحانه والظحكه شاگه حلگي حبيت اشارك فرحتي وي هداوي
سولفتلهه كلش فرحتلي
هدى_اگلج خيه والوادم خما عرفو بسالفة المصيوبه والعار الجابته النه
_اي خيه الشيخ گايللهم وعمي ابو مصطفى گايللهم
انه مشتريكم ومشترين ملوكه معلينه ابنت عمهه
وعقدولي سيد لان الشيوخ مارضو اظل معلگه
هدى_اووووف سوده عليه ياخيه هسه لو ما سالفة سهير جان سوينالج خطوبه وحفله
بس شنگول ماتخاف من الله مافكرت بجهالهه
خطيه متبهذلين ساعه يمنه ساعه يم ابوهم
الله لا ينطيه وهاي اذا لزموهه يگطعوهه وصل
بلكي الله طالعه للخارج لان اذا لزموهه مايرحموهه
وتصير دموم
ملاك_والله ياخيه حقج ومحد يلومچ مهما يكون هاي اختج حتى لو سوايتهه مو خوش
الله ينطيكم الصبر ويبرد گلبكم
_خيه يا يبرد حمزه مخبل لا يگعد ولا يهيد حتى لبغداد راح يدور وما لگاهه
عايف مرته وجهاله ويدور گام يستحي يطلع بالشارع
واذا طلع مدنگ
من غير ابوي مكسور كسره بس الله يدري بيهه
من اشوفه ينكسر گلبي علي
وهاي امي مثل المخبله لان ياهو يجي يلومهه
من دلالهه ومطيتهه مجال وشتريد بلي هي خربتهه
بس تبجي وكل ساع هوسه هي وابوي حتى ضرب
يضربهه بسبب سهير
ما ادري ما فكرت بأمي بأبوي بسمعتهم بجهالهه
ملاك_حيل ظجت من سمعت حجيهه خطيه
نذلو ونفظحو صح هي تلوحنه الفظيحه بس همه
كلش اشتهرو بالگرنه كل ثنين يسولفون بسالفة
سهير كملنه شغل ورجعت للبيت
دخلت للغرفه وحايره شلبس باجر
على اساس حسن واخلاص يرحون بس علمودي
بقو
حظرت ملابسي عندي فستان اشتريته بالعيد
وشحاطه بيضه دگ تلفوني
الو
الو
هله برويحتي هله بمريتي واخيرآ
_يبعد افادي اروحلك فدوه اي واخيرآ الله فرجهه
بس تدري صدمتني من اجه حسن يگلي ظليت فاكه حلگي ماعرفت شجاوب
_هههههههه صدك
_والنبي ما مصدگه اصلأ انه لهسه ما مصدگه
احجي وياك براحتي ياربي شگد مشتاقتلك
احبك والحسين اموت عليك
_ماظل شي ناذر نذر اشبگج شبگه مال سنين
گلبي صاير مثل الجگاره مورث عليج تورث
افيششششش ياريحتهم
اموت على ريحتج اهيم بشعرج مره شفته بس سحرني صرت ما انام الليل اذا ما اتخيله
وداعت امي اموت عليج
حبيبتي والله لدللچ دلال اخليج تملين مني
_يا گالاب وشيگلاب انه امل منك انه امل الناس كلهه وما امل منك انته روحي من الدنيا
_زين عصفورتي شگد تحبيني
_اممممممممممم بگد الدنيا ومابيهه هههههه
وانته شگد تحبني
_افففففف خرب هبل بگد رحمة الله الواسعه
ولج غير ركظتيني وي خيول الحمزه
لو تدرين من طلعت اتعالج ما افكر بصوابي
ولا هامني الوجع مع العلم الوجع المطي مايتحمله
_حشاك ياروحي
_اي والله بس كل تفكيري بيج وشلون واكيد هسه
كرهتيني وخاف اذا نشليت بعد اهلج ماينطوج لواحد مريض
وانوب من گلي مايصير عندك اطفال فقدت الامل
كلش گلت هاي هي فقررت انسحب علمود ما احرجج وياي وتنغصبين عليه
_بس تدري شگد اذيتني من هيج سويت خليتني الليل ما انامه اوووف سد الموظوع خلينه فرحانين
_فديتج ياعمري
_اموت عليك اسمعي راح اسمعج اغنيه
_شغلي اغنية شيجيب باجر واصبر شلون
اسمعهه احس گلبي يريد يوگف من الفرح اول مره بحياتي هيج افرح من كل گلبي
احس الليل مايمشي الساعه واگفه كلشي واگف العالم بس انه وياه موجودين بي
_حبيبتي باجر الصبح اخذ امي والبنات نشتريلج
ذهب وشمحتاجه بعد
_سلامتك كلشي ما اريد انه اريدك انته واشبع شوف منك
_عصفورتي ما اريدچ تستحين مني شتحتاجين گولي مادام البنات وياي واذا تستحين مني
خابري ملاذ لو ايه وگليلهم
جا حبيبي روح نام وراك باجر فرة سوگ وانوب تجي للگرنه لا تتعب
_اروح فدوه لمريتي تخاف عليه اتعب
والله من اسمع صوتج واحس بيج فرحانه ارتاح
ويروح كل التعب مني
_سولفنه هواي خلصنه الليل كله غزل صارت ب٢
وسدينه انه اخابر ورحاب تخابر عليه خطيه
احمد گايللهه سديته من مصطفى ورجعت خابرتهه
رحاب_والله فرحتلج من كل گلبي تدرين عود مقررين ما نتخابر انه واحمد بس مانگدر كتله
بس اسمع صوتك وسده بس خطيه ما صبر وگلي على خطوبتج الف مبروك بيهه الخير خيتي
_بعد عمري اعذريني والعباس صارت بسرعه
وماصار مجال اجيج لو اخابرج تعرفين بسالفة بيت عمي ماخذه كل وكتنه نطلع من الصبح لليل مانرجع لبيتنه
_خطيه الله يفرج عليهم وهاي الشريفه ما لگيتو خبر عليهه
_لا والله ماكو كل خبر ضاله الزلم ادور
اگلج رحوبه باجر نلبس الحلقات تگدرين تجين
_حتى لو ما اگدر اجيج خيه اجي من وره الحايط وادخل للغرفه بس كون اخوتج ماكو تعرفين العده
_اي خيه جا شلون همه بس علي واحمد وحسن
احمد بالشغل وعلي وحسن ابيت عمي يروح لان خطار
حمزه بالمحافظات يدور على سهير وماعدهم احد
بس ابوي وهم شويه ويروح يمهم لا تخافين
ومن يجي مصطفى لبسي بوشي بعد اختج
علمود تمكيجيني
_اي خيه جا شلون تدللين
كلش فرحت لملوكه هم تعبت وشافت الضيم
والويل خطيه جابتهه ضيم بضيم
وهسه الله فرجهه عليه ربي يوم الألي وتفرجهه
عليه وتجمعني بي بالحلال
ملاك_واجه الصبح من احلى الليالي الي نمتهه
من عمري يوم لهذا عمري مرتاحه فرحانه
وما مصدگه لحد هاي اللحظه معقوله اليوم البس
حلقة الغالي بأيدي اوووووف عمت عين اختك رضاوي خويه وينك تجي تفرح وي اخيتك عزيزتك
خطيه اخلاص ما خلتني كلشي اسوي
اجتني رحاب من العشره الصبح حفت جسمي
و وجهي تغدت يمنه ابنهه ساعه يم بيبيته وساعه يمنه نعس خطيه حيل نومته وخليته بغرفة هداوي
وبدت تمكيج بيه كوت شعري بالأوتي لان شعري طويل حيل
طلعتني حيل حلوه واول مره احف وجهي
طلعت شكل ثاني لبست فستان لونه مشمشي
تعلاگه ودلع كلش نازك وحلو رتبن الدوانيه
وخلن بخور بيهه علمود تصير ريحتهه طييه
خطيه هداوي جانت شاطره بالكيك والكليجه
مسويتلي كيكه ودزتهه بيد علاوي
كلش فرحت بيهه صارت ساعه بالوحده ودگ عليه
مصطفى كتبت على رقمه (أبن گلبي)
الو
الو
هايروحي متحظره
_اي يعمري منتظريكم
_فدوه اروح للينتظروني
_اوووي حبيبي والله استحي شبيك
_يابويه اموت عليج وعلى مستحاج
ساعه بس الطريق وانه يمج واخلي الحلقه تلمع
بأيدج واطبع شفتي على خدودج الي مخبلاتني
_روح تره عرگت من المستحه وگلبي راح يوگف يله
مو تتأخر
_ساعه والله بس الطريق
سديته من عنده واني ماواسعتني الدنيا من الفرحه
عيني على الباب منتظرته اتخيله لابس قاط وخال
العطر الي من اشمه انفصل عن العالم عطره يمشي وراه يخلي كله من الغالي القوي يسحرني بي
صارت الساعه عبرت الثانيه وصارت ساعه ب٤وماكو
ظليت بقلق اتصل علي وميجاوب..... يتبع