أبنتي ولكن

البارت الثاني

أبنتي ولكن
بقلمي.،،
زهراء الشمري،،،
يا وينك ..
يمامش بخت للصدفه بدرابينك

لا نِشد هز الشوگ
لا رف جفن عينك وأستحت عينك .. ولك وينك
                ...................    ..................

مصطفى_يابا شو امي ماكو
امي بيهه شي
ابو مصطفى_لا بابا مابيهه شي بس شويه مريضه
ونايمه
مصطفى_خل اروحلهه يالله شگد مشتاق لريحتهه
ابو مصطفى_لا بابا خلي امك نايمه هسه
مصطفى_من كلام ابويه حسيتهم ميردوني اشوف امي دخلت عليهه للغرفه اروح فدوه لنومتج يا امي
لزمت ايدهه وخليت راسي يم راسهه ونمت
فزيت ع صوت غريب صوت امي متغير
فتحت عيوني
وعساهن عمه ولا نفتحن واشوف امي بهاي الحاله
امي حلگهه معوج ومقعده
من صدمة البيت نظربت جلطه ونشلت
صعب تشوف امك بهيج وظع ومتگدر تسويلهه شي بسبب الوظع ابغداد
بهاي الأيام الحياة متوقفه لا شغل لا دوائر
دوام ماكو اني جنت اشتغل وي ابويه
بمحل مال ذهب بالمنصور
بس بسبب الوظع ابويه حول الذهب افلوس وحولهن للخارج بالبنك
عنده رصيد بالأردن وبسبب وظع امي الصحي
جانت رافضه تطلع خارج العراق
بده الوظع من سيء للأسوء بغداد
مرت ايام واشهر والوظع يسوء
خالي قرر يهاجر خارج العراق حاول يقنع امي
ما اقتنعت رافضه الفكره لان صحتهه مو تمام
وكل تفكيرهه تريد تندفن بالعراق
باع البيت وصفه املاكه خالي
واظطرينه نطلع من البيت انطانه مهله المشتري شهر
گعدت وي ابوي سولفتله على الناس الي بالگرنه
الي دخلوني بيتهم وضافوني
وعلى طيبة اهل الجنوب وناسهم شلون طيبه
علمود اقنعه ننتقل للجنوب

لان بغداد خطره وماينعاش بيهه بعد
قررنه اني وابوي نروح للبصره نسكن بحكم البصره
محافظه منفتحه نوعآ ما
وقررت الصبح اطلع للبصره ادور بيت شقه
المهم سكن مؤقتآ لحد ما الوظع يتحسن
لو امي تتحسن ونطلع للخارج
لان العيشه بالعراق بعد ماتفيد
الذبح گام يصير على الهويه والوظع مخيف
صبح الصبح ركبت بسيارات البصره
وصلنه قريب للگرنه هنا اكو شي تحرك بداخلي
گلبي وعقلي وتفكيري اخذني لملاك
هاي البنيه كحيله ونگعت بگلبي وصلت للگرنه
ولساني بدون وعي نطق نازل نازل
نزلت بالگرنه واني اسولف وي نفسي اني رايح للبصره شأسوي نزلت هنا شبيك مصطفى تخبلت
هسه العالم من تروحلهم شدگللهم
اجرت تكسي وتفكيري بملاك اشتاقيت لحجاياتهه
لطولهه
وصلت لمنطقتهم لگيت احمد براس الشارع واگف نزلت
خطيه شبگني وبوسني سلمت علي
احمد_ها خويه خيرك خو مابيك شي
مصطفى_والله خويه رايد منكم خدمه
احمد_ابشر خويه وصلت دتعال اغديك احلى غده من اخيتك ملوكه والحجي هم هسه يفرح بشوفتك
من رحت بس يسولف بيك
مصطفى_مشينه والطريق كله نسولف واني تفكيري
بغير بمكان
وصلت لبابهم هذا الباب الي صادفت بي عيوني
احلى ملاك
اسمهه عليهه ملاك وهي ملاك نازل من السمه
احمد_طريق ملوكه وياي خطار عزيز
ملاك_هله بيك خويه وبخطارك عين غطه وعين فراش
احمد_حظري غداج خويه جاي من سفر
الخطار ونريد اعزوبيتج بعد اخوج
مصطفى_افيش ياريحتهم فدوه اروح لصوتج
اول مره احس هيج احساس شگد اشوف بنات
وشگد متعامل وي ينات ويخبلن بس مثل هاي البنيه شغلت كل تفكيري خلتني اتيه طريقي
اني رايح للبصره وبسبب تفكيري بيهه نزلت بالگرنه
حسن_السلام عليكم ياهلا وكل الهلا
مصطفى_فدوه اروحلك خويه اعذروني طبيت عليكم
فجأه
ملاك_فز گلبي وعقلي من مكانه ياربي هذا صوت الجندي لو يتخايلي
شبيج خايبه تسودنتي
ابو حسن_ياهلا وجثير الهلا بوليدي طمني عنك بويه
اهلك شلونهم
مصطفى_دار حديث بيني وبينهم وطلبت منهم يساعدوني وياخذوني للبصره اندور بيت
واني اسولف سمعت صوتهه
ملاك_شلونك خويه الحمد الله على السلامة
كل الهله بيك
مصطفى_رحمه الله والديج اعذريني ظايقتكم
ملاك_اخذتلي صفنه اسولف وياه بعيوني
اسمع صوته واصنط علي من يسولف وي اخواني