بين صراعات الطوائف
وضهور قوة سلاح العشائر
يتخلى المرء عن عواطفه
يصبح بلا ضمير ،
فصدمة الواقع تجعلنا لانستطيع الاختيار ومجبرين على التقبل بحياة يختارونها لنا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أبنتي ولكن بقلمي،،،، زهراء الشمري،،،،، البارت الثاني عشر
توصل #مرحلة بـ الليل مرات.. ماتدري الـ بـ صدرك شنهو الـ يدگ..
#گلب؟
#مگبرة ؟
لو جام #مكسور ؟
يگلولك گلب بس ما تصدگ..
ورة الـ ماشين تصبح بس الـ خيال..
و مامش زيج حتى بـ زهگك تشگ .. .............. .............. اخذت تلفون ملاك وكتبت رقم احمد جنت حيل مشتاقه اسمع صوته قررت اكون قويه وما اخلي اخواني يدمرون حياتي ويجبروني على شي ما اريد مره ثانيه انقبل بالظلم خسرته مره ماراح اخسره مره ثانيه گعدنه وبدينه نسولف انه وملاك حيل تأذيت من سمعت بي شلون عاقب نفسه بسببي ونقهرت اكثر من سمعت بي حارگ زنده علمود يوخر الوشم مال اسمي وره ساعه اكثر رجع عمر جابلي تلفون انطيت رقمي لملاك وهي خطيه تخاف من عمر من شافته لبست عباتهه وراحت ملاك_من رجعت من رحاب بين الفرحانه الهه الله خلصهه من ضلم وضيم رجال قاسي وسكير ومايخاف الله وبين الموت مابي شماته رحت لغرفة هداوي سولفتلهه فرحت لأحمد وانه اصلآ ناسيه احمد وشنو راح تكون ردة فعله يفرح ماله شغل مايهتم يجوز نساهه لليل واجو الولد من الشغل تعبانين سويتلهم عشه تعشو وسويتلهم جاي جانو گاعدين يسمعون اخبار على قناة العربيه لان كثرة الأنفجارات ابغداد ومجازر جاي تصير وهاي الشباب جاي تروح بلا ذنب من نسمع الاخبار ننمرد من القهر احمد جان يلعب بتلفونه وعلي وهداوي مسوين كيك وجاي مال تعلوله وبدينه نسولف تعمدت ارفع صوتي علمود اسمع احمد _بويه رحاب صاحبتي بت ام تحسين خطيه ردت لأهلهه هنا احمد رفع راسه ومثل الفز من جبت طرواهه
_ياساتر ليش بويه شبيهه خير ان شاء اللة _والله بويه رجلهه نكتل مشكلة عشاير ونكتل بس هي فرحانه _لا حول الله بويه مايصير الموت مابي شماته _صح بويه بس هو مو خوش ادمي وسكير وكل يوميه يظربهه حتى هسه من مات مزورگاتهه خطيه حمواتهه ومبهذلاتهه جدام الوادم يگللهه من وره دعاويج عافنه وگام احمد طلع للطرمه يدخن گمت طلعت وراه _ها يبعد عيون اخيتك فرحت رجعتلك روحك _بعديش يابعد اخوچ هسه هي خربطت كل حساباتي وعقلي گام مايشتغل انه گلبي بابه سديته من يوم راحت وخلتني ادري هي مالهه ذنب ومو بيدهه بس گلبي يوجعني من اسمع بطرواهه بروح امي بعد لاتجيبين طاريهه جدامي وعلي تذبحيني _عميه عيني عليك جا انه حسبالي تفرح وترجعلك الروح _خب خويه ياروح هي الروح دفنتهه وي رضا _عفته وطبيت جوه للدوانيه جنت متابعه مسلسل تركي اسمهه الحلم الظائع انه وهداوي نباوعهه اباوع وافكر بأحمد لعد شگد مجروح وبداخلك هموم ومن سمعت اخبار رحاب مافرحت وهاي رحاب الي تمشي وي دمك خلصت المسلسل فرشت لأبوي وفرشت لأحمد بالدوانيه انتظر تصير ب١٢علمود اخابر مصطفى من كله تنام صارت ب١٢ وطلعت اتأكد دخلت للهول وشفت احمد جايب فراشه وجاي بالهول _ها خويه اليوم هنا لو گايلي انه فر شتلك هنا _لا بس تلفوني كل شويه يدگ وابوي خطيه نايم _أگلج ملاك رقمي انطيتي لأحد _لا ليش _لا هيج روحي نامي بعد اخوج _حسيت بي يقصد رحاب الي افتهمته جاي ترمش علي لو متصله ردت بس يصبح الصبح وأروحلهه ماأريد گلب اخوي ينكسر مره ثانيه رجعت لغرفتي وهو طلع يدخن بالطارمه رحاب_ثلاث مرات ادگ علي وما احجي من اسمع صوته كلشي بيه يسكت ويجمد شعور غريب جنت من اسمع صوته اضل اغرد مثل البلبل وياه لزمت تلفوني وكل نيتي احجي وياه ترن ترن ترن مافتح خط يجوز ضاج دگيت مره ثانيه فتح خط الو الو عود هاي شيسموهه اذا متحجون شكو ادگون عالعالم بنصاص الليالي عيب تره _ذبيت حسره _ها راح نخلصهه حسرات انتي مبين عليج مراهقه لان هاي سوالف وحده مراهقه هسه تحجين لو اسد الخط _خايفه حيل من ردت فعله اريد اجاوبه واشكيله همومي واسولفله على الي صار بيه من بعده _دروحي انتي تردين تلعبين وانه مالي خلگج ولي يله واذا دگيتي بعد اوزع رقمج بالمنطقه _لا لا على كيفك اعصابك _منو _ليش هلگد مظيعني وماعرفت صوتي _ما مظيعج ماكو واحد يظيع روحه وانتي جنتي روحي من ريحتج اعرفج ~ليش وهسه جنت رويحتك يعني هسه اني ما اسوه عندك _انتي مره الج حياتج واختاريتي طريقج _اولآ انه هسه حره وثانيآ صاير گلبك حجر انته تعرف انه مااختاريت انه انجبرت وخوفآ عليك وافقت لاتصير انته والوكت عليه ولك وحگ علي ماناسيتك لحظه وحده بكلشي عايش وياي حتى رجلي جنت الا اتخيلك يالله اقنع واخلي يجي صوبي احمد انه شفت الذل والمر يااختيار التحجي عنه أحمد_هسه المطلوب شنو _لا ماكو شي بس حبيت اسلم عليك واسمع صوتك واسفه خاف ضوجك اتصالي يله باي _حيل كرهت نفسي لأن كسرت خاطرهه خرب هبل شسوه بيه صوتهه ذبحني رجعني ليوره اجت بوكت استوني مظمد جروحي ورجعت فتحتهن طلعت للطرمه اشرب جگاره صارت ساعه ٣بالليل واسمع صوت بجي وره البيت بالترك بينه وبين ام تحسين من ازوجت رحاب بعد ما وصلت وره البيت لان ذكرياتي كلهه هناك حتى الطابوگه ماشلتهه بمكانهه جنه نخلي جواهه رسايلنه الورقيه رحت وشافنهه عيوني لازمه الطابوگه وتشمشم بيهه وبلا وعي ولا فكرت ولا خفت ولا حسبت احساب احد شيصير خل يصير اروحلهه وبعد ما اظيعهه مره ثانيه وصلت يمهه سحبتهه من ايدهه وخليتهه على صدري رحاب_سديته ورحت اركض وره البيت للترك كل ذكرياتي وياه هناك اريد اريح گلبي لان حچيه جان يوجع اذاني حسيته نساني وبعد ميريدني حتى اجاني احساس هو يكرهني
