بين صراعات الطوائف
وضهور قوة سلاح العشائر
يتخلى المرء عن عواطفه
يصبح بلا ضمير ،
فصدمة الواقع تجعلنا لانستطيع الاختيار ومجبرين على التقبل بحياة يختارونها لنا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مساء الحب والسعاده على عيون احلى كيكايات متابعاتي الرقيقات لاتنسون تقدرون تعبي تعليق حلو من اديچ الناعمات +تصويت علمود قصتكم تصعد بزودكم
أبنتي ولكن بقلمي،، زهراء الشمري،،، البارت التاسع عشر أنه الما محجي بحلوگ #الشماته ولا ماشه الوگت #ومعثراته أنه الساكت #خجل والوادم تعيل ضل وحداني من گد #مستحاته الليل شكد سواده يغث #العيون بس شوف الگمر لونه #شحلاته انه البايعهه بيضه #وناسنه تريد واحد ينفض وياهم #عباته .................... ................... لهنا وكافي خاله انه هم بشر عندي احساس تره انه مو حجر انتي من تحچين عليه هو هذا الشي بيدي لو بيد الله ام مصطفى_والنعم بالله بس هاي صارلكم سنه واني بس مصطفى عندي هم اعذريني اريد اشوف جهاله _بس احنه ميصير عدنه جهال راجعت الطبيبه وگالتلي ميصير عندچ جهال يعني انه عاجر ما اخلف هسه ارتاحيتو علمود بعد ما اجيبين طاري ملاذ_من سمعتهه تحچي والعبره كاسره گلبهه والخنگه ابلعومهه حيل تأذيت عليهه وحسيت نفسي چنت غثيثه وياهه وهي ماتستاهل راحت تبچي لغرفتهه _يوم ميصير هيچ خطيه البنيه هذا الشي مو بأيدهه وكلشي بأيد الله حيل قهرتيهه مصطفى ظل يصيح على امي اول مره يرفع صوته على اهلي عافنه والدمعه بعينه وطلع رحت لغرفة ملاك دگيت الباب ما جاوبتني فتحته ودخلت عليهه لگيتهه تناشغ من البچي حسيت شگد گلبهه محروگ من عدنه _ها ملاذ شتردين تردين هم تعيريني مثل امچ _لا والنبي اني جاي اگولچ لاتهتمين لأحد اهم شي مصطفى يحبچ ومايبدلچ بكنوز الدنيا وامي من گد ماتحب مصطفى والله تره هي تحبچ _ادري بيهه خيه وحقهه بس هذا الشي مو بيدي بيد الله هو ميريد يصير عدنه جهال شسوي _حقچ علينه اني هم چنت بايخه وياج قبل كم يوم اعذريني والله من القهر البگلبي اني نظحك عليه وانتي اجيتي حاچيتيني بوقت چنت حيل ظايجه بستهه من خدهه واعتذرت منهه اسفه واعتذر حبيبي والله ان شاء الله يرزقكم وتره اكو ناس عشره وعشرين سنه والله رزقهم واذا على امي تعرفينه شويه وتتندم بديت اغير الموظوع علمود اوخر الظوجه منهه سولفتلهه على حبي الضاع چنت احب ابن خالي من عمري ١٥سنه وعلاقتنه قويه بس من نجحنه من السادس همه طلعو للخارج واحنه شلنه للبصره هو تغير مو مثل قبل يخابرني تجي ايام ولا يسأل لحد قبل اسبوع بالصدفه عرفت من بنات خالي مسوي علاقه وي بنت عمه الي هي تصير بنت خالي الثاني والي قاهرني اكثر هي چانت تعرف بعلاقتنه وهي چانت حلقة وصل بينه وهسه اتصل علي وميجاوب ملاك_وانتي اصلآ شكو تتصلين الميريدچ لا تردي اهم شي المره كرامتهه لا ترخصين نفسج ميستاهلج يولي ولا تقهرين نفسج هو ما هامه وانتي تاكلين بروحج من القهر حاولي تنسينه لا تفكرين بي صفحه وگلبيهه خيبه شبيج المايريدني اذب وراه سبع احجارات _ولچ صدگ تحچين شنسه عمري كوله خلصته وياه لعبنه سوه مراهقتنه سوه شبابنه سوه وهسه بسهوله اطلعه من حياتي بس دشوفي الا اخلي يعض اصابيعه عشرتهن لان غدر بيه وظحك عليه دا نسولف واطب امي علينه شبگت ملاك وگالتلهه _خاله اعذريني حبيبه اني ام ومن حرگة گلبي على ابني اريد اشوف اطفاله _چا خاله انه شني ذنبي هو بيدي لو بيد الله _والله صح وحقج احسبيهه عليه اني اخذچ لأرقى دكتوره بالعراق اطلع بيچ للخارج ولا تهتمين _لا خاله اصلآ مصطفى گال نطلع لو لأيران لو تركيا يگولون بيهه اطباء زينين والله كريم _اي لعد اني اروح وياچ ما اعوفچ _ردت بس اسكتهه وماتفتح موظوع انوب لصتهه على روحي تريد تروح وياي هو انه هيچ جذبت گلتلهه اروح انه ومصطفى ظليت خايفه ومحتاره خاف صدگ تاخذني للدكتوره ويكشفون من مصطفى السبب وانه اموت ولا اشوفه مقهور انتظرته لليل اتأخر اتصل علي ميجاوب صارت ساعه ١ بالليل نفتح باب الغرفه ركضت علي شبگته شميته من رگبته _وين چنت ضل بالي عليك ليش ماجاوبني شگد دگيت عليك مليت وجزعت وانته مترد عليه _اسف حبيبتي بس جنت مخنوگ وانتي صدمتيني وخجلتيني شلون اوفيچ حقچ انتي مجرد رضيتي تزوجيني هذا بالنسبه اليه تظحيه منچ انوب زدتي فوگ الحمل حمل كسرتي ظهري بحچايتچ وي امي شلون تحملين نفسچ ذنب ليش گلتيلهم منچ السبب انتي ما الچ ذنب _كملت حچي هسه _اي _هذا حچيك كله هيچ المصيبه امگ دگلي اخذج للخارج اعالجج وانه زدت الطين بله ردت اخلص منهه گلتلهه مصطفى راح ياخذني انوب چلبت اروح وياكم شوفلك حل هاي امك ما ترتاح اذا ماتاخذني طبيبه _اووووووف اني جبتهه النفسي ورطتچ وياي اني صوجي شكو ازوجتچ وظلمتچ وياي لو باقي بالخارج وماراجع احسن يجوز هسه انتي ناسيتني ومزوجه وعندج اطفال _مصطفى شبيك شنو هذا الحچي كافي عاد هذا امر الله وانه راضيه _لعد حظري نفسچ هذا الاسبوع نروح لأيران نومني على ايده فتح شعري ظل يمسح على راسي ويبوس بشعري ويشمشم بي بس احس بالحسره والخنگه البداخله بس مايگدر يحچي گعدنه الصبح اباوع على ملاك نايمه مثل الطفله شكلهه يختلف عن عمرهه ناعمه عبالك طفله گعدتهه رحنه نتريگ انطيت خبر لأهلي هذا الاسبوع احجز اروح لأيران ام مصطفى_يمه احسب احسابي اروح وياكم _المن رايحه يا امي اروح احتار بيج لازم وحده من البنات هم وياچ ماكو داعي اني وملاك نروح للطبيب ونرجع بس خل اشوفلي واسطه اطلعلهه جواز لان ماعدهه _ملوكه راح امر على عمي اخذ منه مستمسكات خاف احتاجهن بهذا الوقت رحت الدائرة الجوازات ولگيت واسطه انطيت فلوس وخلال ٣ ايام طلعولياه حجزت على يوم الأحد بعد خمس ايام نسافر مثل الواحد چذب الچذبه وصدگهه قبل السفر بيوم اخذت ملاك تسلم على اهلهه وهنا سألو بيت عمي شعدكم رايحين ماعرفت اجاوب باوعتلي بنظره كلهه حنيه وحب رفعت راسهه گلتلهم بكل ثقه _والله راجعت طبيبات بالبصره وكلهن يگللي ما يصير عدچ جهال وخطيه مصطفى گال اخذج لأيران خوش اطباء هناك ابو حسن_يابويه لاتظوجين وخلي ايمانچ بالله قوي كلشي بيد ربچ اذا يريد يرزقكم بين ليله ويوم وگبل لا ترحون للطبيبه دخلي على مولاي الرضا مايقصر _گامت ملاك باسته من راسهه وهو شبگهه حسيت شگد علاقتهم قويه حيل متعلقه بأبوهه وطبعآ اخوتهه من سمعو كلهم طلعولهه فلوس بس اني مارضيت اخذ ولا فلس ورحنه لأيران وعلمود ما اخليهه تتأمل يوم من الأيام يصير عدنه طفل قررت اروح للطبيب رحت لاخر مره لطبيب مشهور بالعجز الرجالي اخذت كل تقاريري وخليتهه تدخل وياي وتسمع اول مره اروح اراجع طبيب ومعنوياتي عاليه الطبيب يحچي وهي ابد ما فلتت ايدهه من ايدي حسيت تنطيني قوه بمسكة ايدهه من طلعنه من الدكتور گلتلي جمله لحد هاي اللحظه ما ناسيهه گالت (ولاتهتم يبعد افادي اذا على الجهال احسبني انه جاهل واصير بنيتك حتى لو تعاملني مثل الجاهل عادي المهم ماتظوج يبعد عيوني انه اهم شي انته شسوي بالجهال _من گد ما چانت بسيطه وفطيره ماتعرف شلون توصل الفكره والمشاعر البداخلهه بس اني چنت افتهم هي شنو تقصد وشتريد توصلي اخذتهه لأماكن خليتهه تنسى العالم اول مره بحياتهه تطلع هيج مكان ابوع بعيونهه كانما دگلي انه اسعد انسانه وياك قررت اعوضهه اسويلهه كل الي تتمناه اشترينه غراض وكملنه مر عشر ايام بأيران حجزت ورجعنه للعراق چان ابويه حيل فخور ومصدوم بتظحية ملاك حملت نفسهه شي هي مالهه علاقه بي وهذا الشي زاد حبي وتعلقي بيهه مرت الايام والاشهر وبيوم امي رادت تروح لبغداد لخوالي لأن خطبة ابن خالي عثمان حظرو نفسهم بالليل وطلعنه الفجر ملاذ_چان قرار صعب بالنسبه اليه من اروح بخطبته واباوع بعيونه وهو يلبس صديقتي الحلقه الي المفروض اني البسهه بس تعمدت اروح علمود اشوفهم همه شگد شايلين نذاله واشوفهم حقدي الطريق كله نار تاكل بگلبي صار ٣سنوات ماشايفته شلون راح يكون لقائي بي وصلنه لبيت خالي عثمان بس چان حازم ما موجود يم الحلاق دخلنه تلكنه بنات خالي اول مره يشوفن ملاك حيل حبوهه خوالي كلهم نجمعو ابيت خالي عثمان على العشه لان هو الچبير المغرب ويجي حازم وبكل حقاره سلم على الكل واني عبرني هذا الموقف زادني اصرار اخذ حقي منه وارجع كرامتي گدام نفسي اذن الأذان والكل گام يصلي والكل يباوع على ملاك باستغراب تصلي على ورقه مال نبات وما مكتفه اديهه ما چانو يعرفون هي شيعيه جان يگلهه خالي _بابا صلاتج غلط لازم تكتفين اديچ ماگطعت صلاتهه وكملت هذا الشي خله خالي يعصب منهه سحب الورقه مال النبات راد يخرب صلاتهه بس شخصيتهه چانت قويه اباوع عليهه استمرت على صلاتهه وصلت على اطراف اصابيعهه چانت حيل متمسكه بعقيدتهه وطائفتهه والي صدم خوالي اكثر راحو يشكون لمصطفى لگو هو هم يصلي مثلهه خلصت ملاك صلاه جاوبته _عمو انه هذا ديني وعقيدتي انه شيعيه وما اگدر اصلي بلا تربه انه من اخذت مصطفى ادري بي سني وادري بي يچتف اديه بالصلاه بس ابد ما گلتله هذا غلط صلاتك هاي عقيدته محد اله دخل _والله ياعمو ما اعرف شگولچ الله يهديچ للطريق الصحيح بس تره التربه بدعه _لا عمو مو بدعه بالعكس هي وسيله نوصل بيهه لرب العالمين هيچ ابوي علمني مصطفى_عمو رجائآ هذا الموظوع لحد يدخل بي عيسى بدينه وموسى بدينى ملاذ_گعدنه شباب وبنات ظحك وسوالف حسسته اني ما مهتمه وكل شويه اسوي نفسي اختل واخابر لحد ما اجه وحاچاني ماتحمل حازم_شنو يعني تبينين ما مهتمه _وليش اهتم شكو انته اختاريت حياتك واني اختاريت حياتي _اي ادري بيچ انتي من زمان اختاريتي حياتج _شنو قصدك _لا ماكو شي بس هو انتي هذا مستواچ رائد وامثاله _چان حجيه غريب رائد اخو شهد الي راح يخطبهه مافهمت من كلامه ولا شي طلع بره يشرب جگاير ورجع گعدنه واني الظحكه شاگه حلگي خليته يحترگ بنار الحرگني بيهه چانن نسوان خوالي شويه عدهن حقاره امي سولفتلهن عن وظع ملاك وهنه لگنهه من الله فرصه واجتهن كل شويه وفتحن موظوع الاطفال والخلفه والاطباء وشلون ذيچ ازوج عليهه لان مجيب اطفال وذيچ طلگهه لان اهله يردون ونيس بالبيت اباوع على ملاك وجهه ينطي الوان خطيه الدمعه تلمع بعينهه لحد ماصحت عليهن بصوت عالي _دكافي غيرن الموظوع متشبعن من الخلفه عووووع هذا كول طموحكم الاطفال الناس تفكر بمستقبلهه بدراستهه شلون اطور نفسهه هسه منو يفكر بالأطفال تره مو كلشي اطفال خل يتونسون يطلعون يسافرون تره الحياة حلوه گامت ملاك طلعت لمصطفى چان گاعد وي خوالي ميحب يگعد وي ولد خوالي يحسهم خفاف وملگلگين رحت ركضت وراهه اني وايه لان حسينه بيهه ظاجت ونقهرت دغدغناهه من وره صرخت كمزت فز مصطفى من مكانه عباله بيهه شي اجاهه يركض _شبيچ ياروحي _مابيه كمزني البنات هههههههه حبيبي طلعنه شويه بالسياره اني والبنات مصطفى_حسيت بملاك ظايجه ومخنوكه بس تكابر طلعتهه ابغداد اول مره تجي ونستهه ونسه من العمر اجه ثاني يوم ورحنه للخطوبه _لبست فستان وكويت شعري چان متوسط مو طويل حيل رفعت گذلتي بف وخليت مكياج خفيف ورحنه اول مطبينه سلمت على العروس الف الف مبروك حياتي الطيور على اشكالهه تقع لايگين واحد للثاني _تسلمين يوم الألج _وانتي موجوده دخل حازم لبسهه حلقه وعينه مانزلت مني حسيت بي شگد مقهور وحسيت بي بعده يحبني تعمدت احرگ گلبه بالزايد رگصت بخطوبته عبالك خطوبة اخوي ذبيت لحم من قهري وحرگة گلبي شگد حاولت ما انهار وتنزل دمعتي بس غلبتني ونزلت وفظحتني باوعتله وذبيت حسره عفتهم وگعدت بالأخير العب بتلفوني عقدو ولبسو حلقات ورجعنه لبيتهم بس هو ماحسيت بي فرحان حسيت اكو شي اني ما اعرفه ثاني يوم رجعنه للبصره ورجعنه الحياتنه الروتين والمناگر مال امي وملاك تظوجهه وترجع تبوسهه هي تحبهه بس مدري ليش تظوجهه وترجع تتندم ملاك گامت كلشي تاخذه بظحك ماتهتم لان عرفت امي وطبيعتهه _مرت الأشهر والسنين صار على زواجنه ٤سنوات نفس الحياة ساعه حلوه ساعه مشاكل حياة طبيعيه بس بده الملل يدخل بحياتي فراغ كلش چبير بحياتي مصطفى يروح للمذخر مايرجع هو وعمي لليل والليل كله حب وغزل وشقه ما مقصر بس فراغ الطفل بداخلي چبير حيل بس ما أگدر اشكي لواحد لان مصطفى ينقهر ومن اجيب طاري الجهال يحس بنقص رحاب صار عدهه بنيه واخلاص صارن ٣بنات وثنين ولد وهداوي ثنين ولد وبنيه بس ابنهه الجبير خطيه طلع عنده جلطه ولاديه بدماغ واهل البيت والامام علي من اخذناه بيتناه بحظرته شگف عنه هسه بس ايده ورجله اليسره اعصابهن راخيه يعاني منهن وبيوم حيل مخنوگه قررت اروح لأهلي ابقالي يومين من ازوجت لليوم ما بايته يم اهلي ميخليني يخليني من الصبح لليل وبس المهم انام على صدره وبيوم گلتله اريد ابات ماقبل حچايه منه حچايه مني صارت مشكله وصار عصبي عليه اول مره يصيح بوجهي ويمنعني من شي وانه هم عاندته خليت ملابسي بعلاگه طلعت لعمي _عمي وديني لأهلي مصطفى مايقبل يوديني _صدگ جذب شعجب مصطفى بابا ليش متودي ملوكه _اجه صاير عصبي نار ماتطلع من هذا الباب واذا طلعت بعد ماترجع اول مره هيچ احچي وياهه بلحظتهه تندمت طلعت اخذتلي جگاره والندم ماكلني رجعت لگيتهه گاعد بالگاع خاله راسهه بحظنهه وتناشغ من البجي كسرت گلبي _بويه امداني عصفورتي تبچي لزمت ايدهه وظليت اظرب بوجهي راشديات وهي تسحب بأيدهه ماينطيهه گلبهه تظربني ظربيني صيحي عليه بس لاتبچين طاح حظي اني ابچيج عساني بالموت ولا تنزل دمعه منچ _اسم الله عليك حبيبي لا تحچي هيچ _يابويه اروحلچ فدوه حتى من زعلانه مني ماترضين ادعي على روحي اوووف وانه اطلع حرگتي بيج مابيه خير هو اني مابيه خي... ما كملت الجمله خلت ايدهه على حلگي _انته زلمتي وتاج راسي كل الخير بيك لا تحچي هيج _والله اعذريني مو قصدي اظوجج وابچيج يله گومي اوديج لأهلج وشگد ماتبقين ابقي _ها تريد تخلص مني _اهووووووو هسه والله احتاريت اگلج ابقي دگليلي اخلص منج ماتباتين حابسني وما تخليني حيرتيني _شبيك اشاقه خليهه باجر وديني هسه عيوني مورمه وخاف ابوي ينقهر من يشوفني باچيه طلعنه يم بيت عمي كلهم ظلو يحچون على مصطفى لان زعلني صار الصبح واخذني لبيت اهلي من اشوف ابوي نفسيتي ترتاح وكل همومي تزيل حجاياته وسوالف گبل يخبلن من يسولفهن اباوع علي جهال اخوتي داير مدايره يوم الجمعه ينجمعون ابيت اهلي اخوتي كلهم سوو غده سمچ شوي بالتنور وخبز حار وتمر ولبن وبصل وتمن ومرگ فاصوليا اباوع على جهال اخوتي يلعبون بالطرمه واتحسر على ريحة جاهل چنت ما اهتم للجهال بس بمرور الوقت صار فراغ بحياتي احتاج طفل يونسني الهي روحي بي كملنه غده وسوينه چاي وابوي يسولف ويصدمني بأقتراح يقترحه على اخوتي وجناينه ابو حسن_بويه احمد صيح مرتك من المطبخ وانته بويه علي اذا مرتك بتهه نامت خل تجي عدي سالفه تخص اخيتكم ولازم انتم ونسوانكم تسمعون اجن البنات وبده ابوي يسولف واني مذهوله ما مصدگه ومستحيل وحده تقبل بهيچ اقتراح حتى لو يحبني وحاسباتني مثل اختهن بس صعبه _بويه انه كبرت وصحتي مو مثل گبل وهاي اخيتكم كاسره ظهري ليل نهار افكر بيهه باچر عگبه اذا انه متت ادري بيكم ماتقصرون بس بويه مو مثل الظنه وانتم عدكم خير من الله خلفه عندي الكم حچايه اذا تقبلون الله يجعلهه بميزان حسناتكم انتم ونسوانكم واذا لا احسبوني ما حاچي وحده من نسوانكم تحبل وشيرزقهه من رجليهه لحظن ملاك _الكل نذهل وسكت وحده تباوع بوجه الثانيه احمد_بويه انته تدري انه روحي انطيهه لملاك بس انه ماشبعان من الجهال هي بس هل البنيه وهم اريدلي اوليد اجذب عليك اگلك من كل گلبي _حگك بويه انه حجايه حچيتهه رحاب_عمي واني والحسين مستعده احبل وانطيهه بس مو هسه لان تعرف اني نفسي بعد بجهال وخاف احبل وانطيهه امل وبعدين گلبي ماينطيني وينكسر خاطرهه _على راحتچن بويه هي الشغله مو جبر وانتي بويه اخلاص اكيد هم ماتگدرين مبينه حسن_بويه صدگ جذب هو هذا حچي هاي ملوكه تستاهل ماي العين بس هي السالفه مو هينه.... يتبع
