أبنتي ولكن

بارت قصير مفاجئ

آبنتي ولكن
بقلمي،،
زهراء الشمري،،،،

حين نكتـب شيـئاً من اوجاعنا
فنحن لا نرتجي شفقة من احد! بل هو فيض قلم وفضفضة روح

               .....................   ......................
من راحت ملوذه وأمي حيل ظجنه على فراگهه
ولحيت على ملوكه تروح بس ماقبلت مينطيهه
گلبهه تروح وتخليني مصخن
چان يوم منحوس فزيت من كابوس خنگني
اول ما گعدت الصبح صح الصخونه خفت بس گلبي مقبوض تريكنه وابويه طلع للشغل وهم عنده شغل
خارج المذخر يريد يروح يفيز يريد يطلع للخارج
لأن قرر يفتح محل ذهب فرع ابغداد وحازم يگعد
يشتغل بي يروح يسوگ
واني بقيت يم ملوكه لأن مابيه حيل اروح للشغل
هي تشتغل واني واموله نلعب صار عمر اموله
٦سنوات اول سنه الهه بالمدرسه چان يوم جمعه
طلعنه القرائه  نقره درس ادعوك يا اللهي
فرحانين بيهه وهي هم مكيفه درستهه وچنت حيل
فخور بيهه لأن مثل امهه تحب الدراسه
اثنينهن يقرن سوه ملاك للخارجي واموله اول
چنت حيل فرحان بيهن بناتي وحبيباتي اثنينهن
يدرسن وراح يرفعن راسي
كملت تنضيف ملاك وبدت تسوي الغده سوت
برياني ودجاج شوي
بهاي الساعه المشؤومه الي غيرت حياتي جذريآ
خلتني اخسر كلشي
صاحتني ملاك حسيتهه تو دعني
_حبيبي ابو اموله ياروحي
_ها ياروح الروح
_اروحلك فدوه يبعد الطوايف كلهه محتاجه روبه
للغده هاي بتك ما تاكل اذا مو روبه
_مو يدلل الحلو
ردت اطلع واموله بچت ورايه رادت تروح ويايه
اول مره تبچي ورايه يجوز القدر هيچ يريد
اخذتهه وياي چان ابو الأسواق وره بيتنه اشتريت
روبه وحلويات لأموله ورجعت من وصلت قريب على الباب سمعت صوت انفجار  ما توقعت من بيتنه
الناس طلعت بره الجيران القريبه يردون يعرفون شكو اباوع على بيتي يطلع منه دخان
رحت اركض لگيت ملاك الرقيقه الناعمه الدافيه
حب حياتي وعمري النار مشتعله بيهه طاگ الطباخ
عليهه
من الصدمه ماعرفت شسوي چانت دبه مال مي ارو
رفعتهه ورشيتهه عليهه ركضت سحبت بطانيه
ولفيتهه
ابشع يوم وأسوء لحظه عشتهه بحياتي ما انساهه
صعبه من حب حياتك تشوفه يتعذب گدامك
وماتگدر كلشي تسويله صعبه من تشوف حبيبتك وجهه وجسمهه كوله مشوه صعبه من حبيبتك
تطلب منك ادربالك على بنتهه هاي كلهن مريت
بيهن
بين ليله ويوم تغيرت حياتي تحطمت واني اشوف
حبيبتي وسندي بالحياة تتعذب نفسيآ وجسديآ واني
عاجز ما بيدي شيء اسوي
خابرت على امي وگلتلهه
ملاذ_چان خبر مثل الصاعقه صدمنه وحطمنه
ملاك البريئه الجميله الناعمه تحترگ وتشوه
كل فرحتي بالزواج ماتت حتى احلامي وتخطيطاتي
راحن ستوني چنت طابه لبيتي وفرحانه بي بس
بلحظه الفرح يتحول حزن منعرف الله شكاتب النه
بلحظه يغير كل حياتنه كلشي بيد رب العالمين
امي من سمعت الخبر من شدة حبهه لملاك
ماتحملت الخبر صعد ظغطهه فول صارت عدهه
رعشه  نقلناهه للمستشفى بسرعه خفنه لا تصير
عدهه جلطه ثانيه
من استقر وظعهه ثاني يوم طلعنه للبصره حتى خالو
عثمان راح ويانه لگينه المستشفى مگلوبه
خوانهه وعمامهه حتى نسوان اخوتهه
اخلاص من اجت حاولت تاخذ اموله يمهه بس
امل چانت من الله تكره اخلاص حيل لأن عصبيه
وتصيح هوايه وتعاقب اطفالهه
هداوي ورحاب ابد ما عافنهه