أبنتي ولكن

البارت الثامن

أبنتي ولكن
بقلمي،،،
زهراء الشمري،،،
البارت الثامن،

انت لو شفت السواد الجوه عيني°°
ما مشيت
لو دريت شگالت الوادم عَلَي من فارگتني°°
چا بچيت
شگد گلتلك انه لو ما انت اضيع
وچي گلتلك هل عفتني
شگد بقيت مچلب بمگفاك حد ما °°
ضَل قميصك بين اديه وما ردتني
آنه ذنبي تعوّديت وانت ذنبك تَيَّهتني °°

                 ...................     ....................
احمد_ها بويه بشر شقرر حمزه شسويت
ابو حسن _ اطيني مجال يا بويه خليني أگعد
هسه افهمكم
ملاك بويه اخذي بنيت عمج لغرفتهه خل ترتب هدومهه علي وين
احمد_بويه اجه رضا واخذه للحلاق اليوم نسويله حفله بيناتنه وصينيه نحني بيهه
ابو حسن_زين تسوي بويه خلي الفرحه فرحتين
فرحة اختك ملاك وفرحة علاوي
احمد_يعني شغلة ملاك نحلت بويه
_اي بويه نحلت وخلصنه من حمزه
من رحت شرطت على مرة عمك يفكون النهوه
يالله اخليهن يتممن الخطبه على خير
ومرة عمك من سمعت تخبلت راحت الحمزه
وگلتله هسه تفك النهوه وهو بالبدايه يصيح ويغلط
وصارو من الروس وبعدين قبل على اعصابه
ومن اتفقنه يوم الاثنين خطبة سهير
وطلعو الناس اخذت حمزه ورحت للشيخ وفك النهوى
وباجر الخبر ينتشر خل تشوف دربهه وهم اريد
افرح بيه والله يابويه مكسور ظهري عليهه
واحمد بويه باجر عدنه جلسه لعمك بالولايه
_والله يابويه فرحتني جان هم على گلبي
من اشوف اختي مكسورة خاطر ينكسر گلبي عليهه
وعلي مقرر هذا الاسبوع اذا ماسويتو حل
اخلي طلقه براسه ونخلص منه ابن امه
خل اروح ابشر ملاك
ملاك_اخذت هداوي لغرفتهن جنت مرتبتهه
بس ملابسهه تسفطهن بس اني بالي مو وياهه
كل تفكيري يم ابوي وشقرر حمزه وامه مصيري بيدهم دخل عليه احمد وانه صفنه اجيبني وصفنه توديني وادعي الله واهل البيت يفرجهه عليه
_ابشرج خويه فرجت صرتي حره وراح نفرح بيج
يبعد اخوج وعيونه خلصنه من حمزه وخيسة حمزه
_انه من الفرحه ما اعرف شسوي خليت ايدي على صدري وجريت حسره قويه
اوووووووف الف الحمد الله
من فرحتي اخذت هداوي جانت يمنه بنيه تعدل العرايس ابيتهه لبستهه فستان اجرتلهه من المره
ومكيجته وتسريحه بسيطه برمت شعرهه ورفعته
من گدام
ودزيت احمد يجيب حلويات سويتلهه صينيه الهه وصينيه للولد وعزمت جيرانه وحبايبنه
وسوينالهه حفله صغيره وانه من فرحتي رگصت رگص من كل گلبي
اجه علي من شاف هداوي مرتبه ولابسه فستان حيل فرح وكيف باسني من راسي
اجه حسن واخلاص واجت مرة عمي وسهير
كل شويه يذبن حجايه يغثن هداوي بيهه
گمت وگومتهه وياي ترگص لان شفتهه ظايجه
انجمعن الحبايب هوسنه ورگصنه
بت عمنه واختنه تصير جنتنه
هاي الرادهه وهاي التمناها بنت الشيخ لأبن الشيخ
جبناه كلللللللللللللللللللللللللوش
زفو علاوي على هداوي ودخلناهم للغرفه
وعمي خطيه دمعته بعينه حسيت بگلبه حجي
مرته وبنته سهير حتى ما كلفن نفسهن يسألن علي
گمنه انه واخلاص انظف البيت
كلمن لزمت صفحه لان صار هوسه البيت نظفته
واخلاص سوت جاي للولد وگعدت العب وي فروحه
كلش احب الجهال حيل افرح من اشوف جاهل
احب اعضعض بي والعب وياه
من اجت فروحه غيرت هواي اشياء بينه دخلت الظحكه لبيتنه بهذا اليوم جانت عندي طاقه
من الفرح مكبوته بداخلي طلعتهه وي فرح
حاولت احصل فرصه اخابر مصطفى وابشره بالخبر
لان ادري راح يفرح اكثر مني قررت ما ادزله رساله
لان اريد اشاركه الفرحه واشوف ردت فعله
بس ماحصلت فرصه اتصل
عادي مثل كل يوم نتراسل
تعلمت اطگ صور بموبايلي ترست صور لفرح
وخليت صورتهه خلفيه للجهاز
صورتلهه فيديوات
مرت يومين على عرس علي ومرت عمي ابو حمزه
ماكو ما اجت بصباحية هداوي
اخذو عمي للسيد قره عليه وانطاه مي يشرب منه مرتين باليوم ساعه ٦المغرب
ويوميه نقراله سورة البقره وسواله حرز مينزعه ابد
وره ٣ايام اندك الباب
_ياهو ياهو بالباب
_انه انه عمتج ام حمزه
_فتحت الباب واحجي بگلبي اگله لا هله بهل صباح
ذاكرتنه اليوم جايبه وياهه سهير وجايبات هدايا
لهدى مال عرسهه
هله عمه تفضلي دخلت وظلت تتمسكن لهداوي
بس هدى تعرفهن ذبتلهه دمعتين مال تماسيح
_اه اه اه والله يا يمه اعذريني ملتهيه بأخيتج
وحدي افتر لا اخوج ولا مرته يساعدوني
وما ظل على خطبتهه يومين واليوم يالله فرغت
هدى_حظنتني امي اول مره تحظني ابد ما محسستني بحنانهه دائمآ يجيني احساس هي مو امي من گد ماتفرق بيني وبين سهير
ولا رف گلبي ولا جني عفتهه بالعكس فرحانه
لان لگيت عد ملاك حنان الام وعد علي وعمي عطف الاب و ولد عمي شفت عدهم غيرت الاخ على اخته
الي بحياتي ماحاسه بيهه
گعدن بالغرفه وبدن يطلعن ١٠٠عيب بالغرفه
وغراضهه سهير تتعمد تكسر خاطري
سهير_شني جا شمالج حتى بهاي راضيه غرفه
مستعمله يحظي شني منهوبه لو ماخذينج فصليه
جا انتي اظلين السانج مبلوع
ام حمزه_أگلج يمه مو تصيرين خدامه لملاك واخوتهه معليج بالشغل بس رجلج اخدمي
ومو تصيرين ثوله وكلشي اي وبلي وحاظر
خيصير السانج شوي طويل
وشيصير بينج وبين رجلج گليلي مو تظمين عليه
_انه اسمع من اذن واطلع من اذن لان حجيهن
مو صحيح وانه ادري بيهن ميريدن الخير اليه
ولان يكرهن بيت عمي ميردنهم يرتاحون يردن
كون كله مشاكل
_حاظر يمه الله كريم
_عفيه بنيتي وابوج الشفيه شلونه
_والله يمه عمي ما مقصر كل جمعه ياخذه للسيد
وجاي يتحسن هلبت الله يرجع مثل قبل
_الله لا يرده
ملاك_خليتهن وحدهن بالغرفه وي هدى علمود
ياخذن راحتهن بالسوالف رحت يم عمي وابوي
بالدوانيه جاي نسولف
وابوي سولفلي سالفه
ابو حسن_بويه ملاك اليوم اجاني ابو جعفر جارنه
يردون يجون عليج خطابه شدگولين
انه گلتلهم خل اشوف البت يالله تجون ليش يجون ونتفاشل
_ها بويه لا بويه مو هسه بعد وكت خل مرة علي تتعود وتاخذ عالبيت بعدين افكر بالزواج
_بكيفج بويه انه گلت ليش اتفاشل وي العالم
اگلج اول لان العالم بعد سمعت بالنهوه نفكت
وهل حاجاني الزلمه لو ما يدرون بينه حموله مايخطبونج بويه جندوب اظلين
_الله كريم بويه
قررت اگل لهدى عن علاقتي بمصطفى علمود اخابره وافهمه لان صار اسبوع وما جاي احصل فرصه
استفرد بيهه واگدر اخابر وبالليل ابوي هليام ينام وياي بالغرفه
قررت اسولفلهه وفعلآ سولفتلهه وفرحتلي حيل
لان تريدني اخلص من شر اخوهه وامهه
دخلت بغرفتهه واتصلت علي
ترن ترن ترن ترن
الو
الو
بصوت ناصي هافت
هلو حبيبي شلونك
هلو يابعد صماصيم گلبي
فدوه لگلبك ياروحي
_انتي اخبارج بالي يمج اسبوع عبالك سنه ماسامع صوتج بنيتي لاتخليني هيج ودگطعين عليه الهوى
_شبيدي ياعمري والله ما حصلت فرصه
_لعد شلون خابرتيني هسه يمعوده دربالج
هل مره ابن عمج يجرج بعبايتج
_هو انه اريد اسولفلك عن ابن عمي
اظطريت اسولف لهداوي عن عشگنه علمود تساعدني اخابرك
_خير ياروحي گولي قلقتيني
_حمزه فك النهوى يعني ماكو نهوى
_انتي تشاقين ناصبه عليه هي وكت شقه خليني
اشبع من اخبارج ياروحي
_والحسين صدگ سالفه طويله
_فزيت من مكاني حسيت مالك الدنيا فرحة عمري
وحلم حياتي واخيرآ راح احصل ثمرت تعبي
وعشگي الي بنيته
ملوكتي صدگ تحجين يعني الله فرجهه هيج وتصيرين اليه وحلالي وملكي ومملكتي
هيج اگعد الصبح الگاج نايمه على ايدي
هيج وانام واغفه بشمة عطرج يرادلهه حظ وبخت
_اي فرجة بس اكو شي ثاني
_ياستار انتو العشاير تخوفون
_الناس من سمعت بحمزه فك نهوته گامت تتخطبني وانه كل يوميه عذر
_هاي سهله حبي هل يومين جايج جايب اهلي
وجايكم يله روحي خل اروح اظبط اموري وي اهلي
احبج احبج احبج
_جان اسعد خبر سمعته بحياتي واخيرآ راح انجمع
بالبنيه الي صارلي سنتين احلم تصير حلالي
ملكي ومن ظمن ممتلكاتي احسهه
شغلت السياره ومن گد الفرحه ما اعرف شگد امشي اريد اوصل لأمي واخواتي لان مثلي منتظرات
هاي الفرحه وصلت وسولفت لأمي والهلاهل وصلت
لسابع جار وخواتي ظلن يرگصن ويكمزن لان حيل جانن يحبن ملاك
ابويه جان مسافر اتصلت علي ومن سمع الخبر فرح
وعلى اول طياره حجز
ثاني يوم ابوي وصل بالليل بعد ما گعد وارتاح
تناقشنه وقررنه باجر نروح لأهل ملاك نخطبهه
بس ما انطيتهه خبر علمود اسويلهه مفاجئه
وافرحهه
طلعنه وره الظهر والطريق كله مشغلين اغاني
والبنات يرگصن وامي تهلهل خطيه بعدهه مقعده
بس الحمد الله رجعت تحجي طبيعي
الطريق كله افكر بموقف ملاك من تشوفني جاي اخطبهه
اني قبل يوم انطيت اجازه لرضا گتله باجر مانفتح
المذخر
وصلنه لبيتهم دگينه الجرس طلع رضا استغرب
من جيتنه لان ما گتله راح نجيكم
_هلا وكل الهلا بعمي ابو مصطفى
_بالمهلي عمي رضاوي الوالد موجود
_اي عمي تفضلو يالله طريق يالله
_طبينه دخلنه للهول صار هواي مجايهم مرممين
وبانين هول استغربت ليش مادخلونه للدوانيه
ابو حسن_ياهله وجثير الهله ومرحب بالغالين
زارتنه البركه هله بالحجي والحجيه ولا يهون وليدي
رضا_ابوع على ايه ماكو هيج جمال وهيج هدوء اوووووف هاي البنيه ناگعه بگلبي
گمت اصيح ملاك تسلم وتاخذ البنات يمهن
ملاك خويه
_هله خويه شني ياهو اجانه
_خويه ذوله بيت ابو مصطفى خلي شي على راسج
وتعاي سلمي واخذي البنات يمجن
_يامصطفى
_شبيج الولد الجندي الاشتغل يمهم
_انصدمت هذا مخبل صدگ سواهه من الفرحه
اريد اشبگ رضاوي على هذا الخبر
غسلت وجهي لبست شال وصايه(عبايه اسلاميه)
ودخلت عليهم سلمت باستني خاله ام مصطفى
سويتلهم جاي قدمته الهم
ابو مصطفى_عمو ملاك اخذي البنات يردن يسلمن
على عروستكم
_حسيته يريد يطلعني علمود يفتح موظوع وي ابوي
اخذت البنات ورحنه بغرفة هداوي مكيفات وفرحانات
ابو مصطفى_ابو حسن خويه بالخير وبالعافيه
على زواج علاوي الله شاهد حاسبهم مثل مصطفى واعذرني ما اجينه بعرسه لان استحينه سمعنه
العرس مسوينه بيناتكم اتحرجنه نجي
ابو حسن_والله ياخويه جيتكم على راسي ماتقصرون بس هو العرس صار بسرعه واعذرني
والله العلي العظيم ما عازم ملتهي بأخوي شوي مريض وخالينه بالدوانيه انداري بي
_مابي بس العافيه
حجي انه جايك بسالفه واذا جان ردك لا نبقى اهل
واذا الله قسم وحصلنه موافقه راح نتقرب منكم اكثر
والله ياحجي يزيدني شرف تصير بنيتكم ابيتي
وتصير بنتي ال٣ انتو عائله هنياله وعنده بخت اليناسبكم شرف وغيره وسمعه طيبه
ابو حسن_والله يا خويه اليه الشرف بس انه مو بيدي بيد الأبنيه اذا قبلت يصير خير بس انطيني
مهله اگعد وياهه و احجي وي اخوتهه وسهله
وهذا الاسبوع شويه ضرف عندي ان شاء الله اسبوع واردلك خبر والبي خير يصير اذا الله قاسمهه تصير
ابو مصطفى_بس حجي قبل كلشي اكو شي لازم تعرفه خاف دگول ماگلتونه تره احنه سنه مو شيعه
بس الله شاهد نزور  كربله والنجف بس موتانه
مو بالنجف بس والله العظيم امن نخليهه بعيونه هسه حتى البنات فرحانات من سمعن اخوهن اختار ملاك زوجه اله
ملاذ_تدرين اهلي عليمن جاين
_شكو غير يتباركون لعلي ومرته
_لا عيني مو بس هيج اجو يخطبونج لصوفي
_صرت حمره من الخجل والفرحه بطني گامت توجعني عيوني دمعت واخيرآ الله فرجهه وراح
اصير حلالك ظليت ادعي اللهم يسر ولا تعسر
شويه واجه علي راح رضا صاحه يسلم على الناس
وره شويه اجه رضا صاح ايه امهه تريدهه
ايه_مشيت ورضا يمشي وياي دگات گلبي تزيد
من اشوفه ما اعرف اعجاب حب
يوم الألج
_ها
_شبيج يوم الألج
_شكرآ وانته حاظر
_ان شاء الله اني اول الحظور
ابتسمت ودنگت طبيت للهول رادتني امي ادفعهه
بالعربانه تريد تنطي واجب لمرة علي
اخذته اول ماشافت ملاك شبگتهه
_افيش ياريحة الغالي تدرين خاله احبج على محبة
الوالي يگعد ياكل ينام يسولف بيج ما اطيحين من السانه معلگه وي روحه
_خجلت حيل من حجيهه خدودي صارن حمر وحلگي يبس سلمت على هداوي وباركتلهه وانطتهه
ظرف
بقينه نص ساعه نسولف وصاحو على النسوان
الزلم طلعو بره وصلتهن للباب بس ما گدرت المح
شكله لصوفي لان اخوتي موجودين ما أگدر امد راسي مشتاقتله جنت حيل تمنيت اشوفه
ظلت حسره بگلبي صارلي هواي مشايفتهه
سلمت عليهن وراحن رحت ركضت لهداوي اشاقه
وياهه من الفرحه گلتلهه
_هداوي شگد مابي الظرف انه وياج بالنص
دخل علي يظحك ها ولج ملوكه تردين تقشمريهه
دخل انشوف شگد مطيتهه يجوز خمسه وعشرين
لان الله مكنهم رازقهم الله يزيد خيرهم
_من فتحت الظرف كلنه نصدمنه حتى ابوي خاليله
١٠٠الف جانت ال ميه تحجي ب٢٠٠٦
فظلهم علينه تعده حدوده جنت منتظره ابوي يصيحني يحجي وياي ياخذ رايي انتظرت لليل ماكو
ماصاحني ظجت وخفت خاف ابوي ماراضي لان سنه
خابرتني اخلاص بالعشره
الو
الو
_هلو ملوكه شلونج
_هلو يروحي الحمد الله انتي شلونج فروحه
والله گلبي طاگ عليهه
_يالله باجر اشوفينهه واشبعين منهه عض
_صدگ باجر تجين
_اي مو عمي خابر حسن يريده بسالفه ظلينه بقلق
گلت خل اخابرج اشوف شكو
_ها صدك خابركم والله خيه مصطفى اجه خطبني بس الهسه ابوي ما حاجي وياي
اگول خاف لان سنه مايريدهم
لا خيه عمي ماعنده فرق ويكره هذا الطاري مال سنه وشيعه
_انه هم اگول جا ليش ما حاجاني اخذ رايي
_خيه خاف يريد يجمع اخوتج بالأول
سديت التلفون منهه وظليت افكر للصبح مانايمه
هداوي سوت غده مرگة سمج بني وتمن وبصل ولبن وتمر وخبزت خبز حار
وصلو بيت حسن صبينه الغده الله شگد حلوه لمتنه
ظحك وسوالف واكثر واحد مونسنه رضاوي ناصب على الجبير والصغير فاكهة البيت من هو ما موجود
كأبه من يجي البيت كله يتغير ظحك وسوالف
كملنه غده وسويت جاي
صبيتلهم خلينه فروحه يم رضا متونس عليهه بس يأذيهه خطيه يگرص بخدودهه هواي
واحنه رحنه نغسل اماعين
اسمعهم يتناقشون بالدوانيه يم عمي كل واحد ينطي رأيه وانه لهسه محد ماخذ رايي
جاي نغسل اماعين كملنه ورحنه يمهم للدوانيه
سويت نفسي ما ادري
ابو حسن_تعاي بنيتي تعاي هنا يمي بويه عندي سالفه وياج وهاي گدام اخوتج انه ما اجبرج
انتي تقررين احنه بس ننصحج ونطيج رأينه
بويه مصطفى وابوه خطبوج مني شدگولين
بس بويه گبل كلشي الناس مو مثلنه الناس سنه
يعني صلاتهم تختلف وعاداتهم تختلف
شدگولين
_بويه انته بكيفك شتفصل انه البس
مالي راي بعد رايك وراي اخوتي
حسن_خويه والله همه والنعم منهم خوش ناس واوادم
احمد_اي والله انه اگول خوش قسمه والقسمه الزينه تجي مره وحده مو كل يوميه تجي
وخويه العمر يركض خما تظلين لحد ما تكبرين
وتقل فرصتج بزواج محد دايم لواحد
واحنه نريد نشوفج ابيتج ونرتاح
علي_واذا على البيت هداوي موجوده مو دگولين ماعدنه احد
_هابويه شگلتي
_استحيت دنگت راسي بكيفكم
_بيهه الخير اذا الله قاسمه يصير خل امشي سهير
الاثنين ياخذوهه والخميس اردلهم الموافقه
ملاك_من الفرحه والسعاده الي اني بيهه و أول مره
احس بطعم الفرح من صدگ لزمت فروحه وعض من خدودهه جانت حلوه يگولون تشبهني
خدودهه نازله ليجوه يشهن على العض
دخلت للحمام واخذت النقال وياي جنت خالته صامت وخاله على رقم مصطفى اسم ملاذ اخته
لگيت بالعشرين رساله ضال باله يريد يعرف الاخبار
دزيتله رساله گتله
حبيبي باجر اخابرك بس يروح حسن ويطلعون الولد للشغل وافهمك اطمأن ابوي وافق
والله سهلهه لا تخاف
بالليل فرشت لحسن ومرته بالغرفه مالتي وانه نمت بالهول واخوتي يم ابوي وعمي بالدوانيه
صبح الصبح سويتلهم ريوك حسن اخذ مرته ورجع للبصره
والولد طلعو للشغل وابوي يقره لعمي سورة البقره
ويغسله بالماي مال السيد من يشرب الماي عمي يظل يتقيء كلما يشرب يزيد لعبان النفس مالته
صار العصر اخوتي بالشغل وابوي راح لبيت عمي يسلم سهير لرجلهه بدال عمي
لزمت تلفوني ودگيت على مصطفى
الو
الو
_وي هله وكل الهله بالروح والريه صمصومة گلبي
شلونج ياروح الروح
_بعد الروح والريه اذا نته زين اني زينه
_اني من تصيرين بحظني وعلى اذراعي واسجلج
بجنسيتي اصير زين هسه مو زين
_اسم الله عليك حبيبي هانت مابقه شي صبرنه هاي السنتين متصبر هذا الاسبوع
_ولج غير شثگله صار مو اسبوع عبالك شهر
مو والله طاگ گلبي حالف بالقرأن بس يگلي الشيخ
صارت مرتك لحظنج حظنه اطلع الظيم والشوگ
كله
هو گال الخميس يردلكم خبر ان شاء الله والباقي الله يسهل علي
_ها خوش لعد اني الأربعاء عبالي اروح لبغداد اني ورضا نجيب ادويه يالله خليهه على السبت خاف الجمعه نجيكم
وفدوه اروحلج لا اتعبين روحج اريدج مربربه مو تظعفين اموتج
_ديله روح لا يجي ابوي ونخرب الاول والتالي
تره بعد ما اخابرك خلينه نستر على روحنه مادام الله سهلهه بس ننكشف يخرب الاول والتالي
_اوك ياعمري بس دزيلي رساله كل شويه فدوه
اموووووح
باي
_عززززززززززززززه هاي شنو اول مره يجرأ ويبوسني
بالتلفون
مرت الايام واجه الخميس الصبح اجه رضا اجازته خميس وجمعه من المذخر نظفت وغديتهم وللعصر
اجتني رساله من مصطفى مكتفي بكلمتين
احبج لأخر يوم بحياتي
_ابوي متفق وي ابو مصطفى ماكو داعي مصطفى يجي بس امه والبنات والابو
قرر يروح الجمعه هو رضا لبغداد وصلو الساعه ب٩
ذب اهله واخذ رضا وراح فرحان
سويت سمج شوي بهذا اليوم وتمنيته موجود لان يحبون السمج هو ورضا
اتفقو يوم الجمعه الجايه العقد واتفقو على الحاظر والغايب
تغدو ورجعو وي حسن لان حسن اجه من الصبح
صار الليل ودك التلفون حسن على علي
الو
الو
ولك خويه انهبنه
_ها خويه شبيك شصاير
_مصطفى ورضا متعرضيلهم وهابيه ورامين عليهم
هسه مخابرين الشرطه ابو مصطفى
_يابويه نهجم بيتنه خويه خما ميتين
واحد منهم متوفي،،،،،، يتبع