أبنتي ولكن

البارت السادس

أبنتي ولكن
بقلمي،،،
زهراء الشمري،،،

البارت السادس

. . #حيلي باد
و الله راد
وآآآآخ يا رب #العباد
بگد رحمتك شايف من #الدنيا ويل
بگد #قدرتك ناحل #ومابية حيل
#شمستفاد.  
ورقة بين الناس عايش
أمنت ... #صارت رماد !
😢😢😢#ايييييي_وحق_الله

#انـا

#بگـلبی

#یتــیم

#یجدی_راحت_بال..
                 ....................     ...................
اجه طاير احمد ثواني وحسيته يمنه اجه وهو بدون
وعي فقد اعصابه وتعدى كل الخطوط الحمر
نسى نفسه ونسى وجودنه حسيته انفصل عن العالم ركض على رحاب لزم اديهه وهي تبجي
العبره خانگتهه حسيتهه تتكسر بگلبهه
احمد_لاتبجين يبعد رويحتي اخ شكسرتيني
ولج اموت بعلي الفحل اذا رحتي الغيري
تقضين عليه شفت الموت ضگت طعم العذاب بفراگج
رحاب_سحبت ايديه من ادي ودموعي مثل المطر ينزلن وحدهن ما اسيطر عليهن
لاتزودهه عليه والله انه ميته اكثر منك كل يوم عندي بسنه اتمنى الله ياخذني ولايجي يوم الخميس
احمد_ليش شكو الخميس
رحاب_بخنگه وعبره متكسره ابلعومي الخميس ياخذوني يگودوني مثل مايگودون الذبيحه للمسلخ
راح اروح بس جسد روحي وگلبي يبقن يمك
نزلت دمعت احمد وأول مره اشوف دموعه احسهه
حرگتني وأول مره ادعي على اخوي بالموت
احمد_ولج اموت والله اموت انتي الي وماتصيرين الغيري تفهمين يجي على الحاظر ياخذ تعبي
ولج عيني ماشافت غيرج وعساهه تعمه اذا تشوف غيرج وگلبي عساه مايدگ بعد اذا دگ لغيرج
رحاب_مو والله گلبي احترك انه شبيدي خيروني
بين احترگ بالنار وبين اغرگ بالماي واثنينهن موت
بس اختاريت اغرگ ولا احترگ
لو گايلتله انته جبتلي تلفون جا هسه خال التفگه بصدرك يبعد صدري واظل طول عمري احترگ بنارك
اختاريت الموت البطيء
وراح يگودوني گودة الحيوان للمذبحه واجيت اودعك
وأگلك والله ماحبيت ولا راح احب غيرك
هذا الگلب لأخر يوم يبقى عايش الك و وياك
حتى ابن عمي اذا ما اتخايلك گدامي ما أگدر اتقبله
وانساني وشوف حياتك انه ما استاهلك
عفته وعفت گلبي يمه وطلعت اركض لأهلي
احمد_المن اجت ليش هيجت جروحي بزايد هي
هسه حرگتني وذبحتني ولكم والعباس احبهه
ولكم حبي الهه شريف ونضيف ليش هيج يصير بينه ليش ملاك خويه ليش اجت وليش خلتني اشوفهه
ملاك_ظليت ساكته ما عرفت اجاوبه دنگت راسي
ودمعت عيوني موقف صعب يكسر الگلب
طلع ومارجع لنص الليل تعبان ومايحجي وي كل واحد حسن نايم بغرفته
ابوي راح لأحمد للدوانيه
ابو حسن_بويه احمد انه خو مامحاجيك بهاي سالفتك ولا مدخل بيك
بس بويه هاي الحياة وهاي الدنيا مو كلشي نريد يصير وخاصه الزواج قسمه ونصيب والماقاسمه الله الك اكيد ربك يشوف بي صالح الك
بويه وكل امرك لربك وهو مايقصر
انته صارلك شهر لاتصلي عايف ربك انه مو هيج ربيتكم
يابويه ادري بيك تحبهه وادري الرجال اذا حب يحرگ الديره عشان
محبوبته بس بويه احنه وكتنه مو خوش وهسه
الكتل صار بفلس يعني اليكتلونه حاله حال الجلب
واحنه هسه صارت العشيره اقوه من الحكومه
بويه واذا عمامهه درو بيك يگطعوك ويگطعون اخوتك اذا ماتخاف على روحك خاف على هاي البت
تره يذبحوهه وهي اختارت واتصرفت صح
احمد_بويه بس والله احبنهه وما اگدر بلياهه
عمر انه وياهه خاف ماتدرون صارنه ٥سنوات عاشگهه وعاشگتني وهسه على الحاظر ياخذهه
والله محد يستاهلهه بگدي
_اذكر ربك بويه وگوم صلي وارجع لربك وهو يفرجهه
تره وكتنه مو خوش وكت انته عاقل وارجع لشغلك وي اخوك تره عليوي تعب وحده مايدبر بويه محلكم مصدر رزقكم
ملاك_سديت الباب مال الغرفه عليه وطفيت الظوه
وطلعت التلفون ورمشت لمصطفى
بعد الموقف المريت بي والي صار گدامي احمد ورحاب خلاني اخاف وافكر بالمظموملي دنياتنه موخوش صارت الك يالسبع
انتظرته ٣ساعات وماتصل صارت ب١٢ غفيت وفزيت على هزت الرساله بصدري
_هاحبيبي اعذريني ماكو شبكه ستوني حصلت شبكه اگدر اخابرج
_اي يروحي دگ عليه محتاجتلك
دگ التلفون هزاز فتحت باب غرفتي على كيف
اباوع اتأكد منهم نايمين فتحت خط وسديت بابي على كيف
بصوت خافت وناصي خليت المخده على وجهي
لان شته والصوت ينسمع
الو
الو
ها حبيبي شلونك
احمد_ هلو ياروحي شلونج بالي يمج اعذريني ماكو شبكه خليتج تنتظرين
ملاك_خرب حظي خطيه عباله انتظره هههههههه وانه جنت بسابع نومه
_لا حبيبي عادي انتظرك العمر كله رضيو شلونه
_هههههههه متونس على بنات بغداد هذا اخوج
سرسري مال بنات يتخبل على الحلوات
_اي على اساس انته ماتحب الحلوات وتصجم بيهن
بس اخوي
_ولج قسم برب العزه من شافت عيوني عيونج
بعد بطلن يباوعن لغير طولج حتى مااشم غير عطرج ولج صرتي روحي من الدنيا شو جنج ماعندج ثقه بيه راح يصير سنه على علاقتنه
_لا بالعكس خايب شبيك اشاقه وياك انه هم اموت عليك وعلي عيوني ماتشوف غيرك وگلبي نفتح على حبك بس انه من اشوف رحاب واحمد
اخاف خاف مصيرنه مثلهم
_خايب بعينج ولج گولي حبيبي
بنيتي انتي لاتخافين وراج رجال وشارب مو عليه
اذا ما اخليج بظهر جنسيتي اذا تگدرين وتصبرين
وانه مستعد انتظرج العمر كله
_سديت التلفون ونمت مرتاحه من كلامه
اجه الخميس وهوسه ونسوان ابيت ام تحسين وانه ما أگدر اروح اسلم عليهه لان راح ياخذوهه للعماره
علمود ما اكسر بخاطر اخوي بس اتفاجأت بأحمد
هدوء اعصابه كلنا خايفين يتهور ويسوي مشكله
_خويه ملاك لبسي عباتج وروحي سلمي على صاحبتج وسلميلي عليه
گليله لو يبقى يوم بحياتي تحرم كل مره عليه من بعدهه
ملاك_لبست عباتي ورحت لرحاب شافتني شبگتني وبجت
رحاب_همزين اجيتي على الأقل اشم ريحة الغالي
بيج اخر مره ما سأل عني ماگلج شي
_لا ماگال يگول الله يهنيهه
ماگدرت اوصل كلامه لان صعب واستصعبت اگوله الهه وازيد همهه هم
اجت الزفه لبسوهه فوگ البدله عبايه احمد جان گاعد بالركن مال الشارع
طلعت الزفه وصعدو رحاب بسياره ورجلهه گايدهه
حسيت بأحمد يريد ياكل الزلمه
احمد_مودعه بالله ياحبيبة گلبي اخذتي روحي ومشيتي
رحاب_تمنيت الموت بهذا اليوم تمنيت احمد الي يگودني امنيات واحلام سنين ضاعن بسبب حقد
اخوي الله ينتقم منه انطاني الواحد وحش
كل همه الشرب والنوم وي المره
حسيت سلاسل ربطو ايدي بيهه وصلت للسياره
ورفعت راسي شفته وريتني ماشفته
اخ ياحسرة گلبي وجمرة روحي الماتنطفي الا بموتي
زفوني للعماره يم بيت عمهم لان طريق بعيد للكوت
دخلوني للغرفه حيطان الغرفه خنگتني اني وين
گعدت على الجربايه وبكل مخيلتي انتظر احمد
يدخل عليه كلامه وحنيته وخوفه عليه كلهن اجن على بالي