أبنتي ولكن

البارت السادس عشر

أبنتي ولكن
بقلمي،،،
زهراء الشمري،،،
البارت السادس عشر

            ..................          ...................
افرحي شبيج لضوجين..؟
يا وردة شبابچ وانتي بالعشرين.
لـضوجين..!
عيشي بواهس الصفصاف
لو يمة اعتنو عشاگ
يحس بروحة شجرة تين
لـضوجين..!
الكحلة هوواي عدها احساس
وحيل تضوج من تبجين ..لاضوجين

              .................   .................
خويه انه شويه وراد وان شاء الله خير
ملاك_يتصلون على حمزه وميقبل يجاوب
ابو حسن_خويه ابو مصطفى احنه صرنه اهل
هاي بت اخوي  اخوهه لازمهه اظن وانه من كل ولابد
ارد للگرنه الگعده وياكم حلوه والله يزيد خيركم وان شاء الله سفرتكم دايمه
ابو مصطفى_وهسه على موعدنه الزواج غير
_والله ياخويه بعد ماعرف الظرف انروح اهناك ونشوف عمهه وسالفة بت عمهه وين تصفى
_ابو حسن حبيبي سهل امرهم خطيه هوايه انتظرو
_الله كريم يصير خير
_من سمعت حچي ابوي حيل ظجت كلشي مو حلو
بحياتي سببه سهير وامهه من انه صغيره مخربات
عليه الله ينتقم منهن
مرينه على بيت حسن چانت اخلاص تتوجع گلتلهم
بس اشوفهه خاف تريد تجيب علمود ابقه يمهه
_لا خيه دگلي فد يومين يالله بعدچ هاي تشاليع
مال ولاده
رجعنه للگرنه ولگينه الشارع مخبوص والدنيا مگلوبه
گلاب وكاتبين على بيوتنه مطلوب دم
ابوي نهد حيله هذا البيت كل ذكرياته بي وي امي
بناه طابوگه طابوگه مو بسهوله يفرط بي
رحنه لبيت عمي ولگينه الشيوخ والشباب والشارع
كله ملتم وبالطارمه تابوت
هنا صرخت هداوي
اخذت رضا من ايدهه وشمرت نفسهه على التابوت
عرفنه حمزه كتل سهير وعشيقهه
ركضت هدى تبچي على اختهه جرهه حمزه من شالهه
حمزه_گومي بت الكلب بس الفضايح من وراچن عليمن تبچين انه ما جبتهه تبچن عليهه
جبتهه علمود العالم كلهه تعرف انه غسلت عاري
بأيدي ياناس ياعالم غسلت عاري ارفع راسك بويه
ارفع راسك
دخلونه جوه للبيت ومرة عمي حالهه يبچي الكافر
مهما يكون بنتهه وأول فرحتهه وجهه مخرمش يجري دم صدرهه مزورگ من اللطم
من اجه حمزه خله حتى البچي حسره عليهن
يبچن بالختله
اخذو الجنازه حمزه وابن عم ابوي ومرته للنجف
ثاني يوم اجو الشيوخ علمود ياخذون عطوه ويحلوهه
وي اهل الولد الي كتلو وي سهير
من گعدو عمامنه وعمامهم شرطو علينه اذا ماياخذون بثار ابنهم لازم نشيل من ابيوتنه ومانبقه
بالگرنه ابوي من سمع مارضه گلهم اطلعون اجنازتي
گبل لا اطلعوني من بيتي
اخذو منهم عطوه شهرين
بين مايبيعون ابيوتهم عمامي ويصفون شغلهم
حيل نقهرت ونهد حيلي على ابوي وعلى بيتنه
واخوتي ابوع لحالهم يقهر محتارين بزمانهم
بدينه نجمع غراضنه عرضنا بيتنه للبيع لان ابوي
مجبور يخاف على اخوتي ذوله عدهم الكتل مثل
شربة الماي واسمع ابوي يخابر حسن
_بويه حسن گل للحموله بيت ابو مصطفى العرس نفس موعده اريد اختكم ياخذوهه من بيت امهه
تطلع من هذا البيت الي كبرت بي
_من سمعته دموعي وحدهن نزلن بدون وعي
حسيت بگلبي وجعني من حچيه
حسيت بي شگد مستعز بذكرياته وي امي ابيتنه
وره نص ساعه خابرني مصطفى يتأكد
الو
الو
ها يبعد الطوايف كلهه شلونك
_حبيبي اذا انتي زينه اني زينه
_انه ظايجه وكلش مقهوره خنگتني العبره من حچيت
وياه
_ليش ياروحي شبيچ اظوجين واني موجود
_ظايجه على ابوي واخوتي راح يبيعون البيت ويجون
للبصره
_المفروض تفرحين راح يصيرون قريبين عليچ
_لا هذا بيتنه كل ركن وزاويه بي ذكره الي والهم
ذكريات امي وابوي بي من تشوف الحسرات
بعيون ابوي ينهد حيلك ابوي مايستاهل تالي عمره يتبهذل بسبب وحده مو خوش ادميه الناس بسببهه
دفعت ثمن غلطه غلطتهه بلحظة طيش
هسه هي شحصلت خسرت الدنيا والاخره سوه
_ياعمري لا اظوجين اريدچ تفرحين مابقه شي
وتجين يمي واخليچ بغرفتي
عصفورتي تره من اسمع بيج ضايجه اعصابي تتلف
واظل اشرب جگاير بخبال تقبلينهه
_لا يبعد افادي مابيه شي هيج اسولفلك علمود
ارتاح جا المن اسولف يابعد رويحتي
سديته منه وانه بعدني مخنوگه شويه ورحت لرحاب
من وره الحايط اسولف وياهه لگيتهه ظايجه
وطالعه الدنيا من عينهه
_ها شبيج ياستار اجي اشكيلچ همومي الگاج
مهمومه اكثر مني
_والله ياخيه هو حظ ونايم بجيره مصخم وملطم
كيفت حميدان اجه خطبني ما لحگت افرح
اجتني شيلتكم صفح هسه هم راح تاكللهه بالشهر
شهرين لحد ماتشيلون
_اي صحيح الشيله مو سهله
_اي انه حظي واعرفنه امداه سبع غمات اغمنه
_هههههههه ظحكتيني وانه مابيه اظحك
اگلج وعمر گلتوله شگال
_والله ياخيه اول ماسمع تسودن شلون وذوله
شيعه چلاب وماانطيهم مره وهذا احمد شايف
رويحته وشايل خشمه
واستلمه تحسين گله زوجتهه مره بمزاجك ومااخذت رايهه وماحچينه بس هل مره هي تريد تقبل تريد لا وذوله عشرة عمر  عشنه وياهم على الحلوه والمره
لاتصير متخلف وتفكيرك وهابي
شنو الفرق اثنينه ربنه ونبينه واحد
تعاركو واحد يرادد الثاني اخر شي تحسين گله
معليك ولاتدخل روح حل سالفتك
وبعد ما اعرف
_الله كريم خيه اذا قسمتچ غصبن ما على عمر تاخذي
اگلج عود الخميس زفتي
_يا فلك الفلكچ ولج ياخميس عگب باچر
_لا شبيچ الخميس الوراه
_چا وبت عمچ مو ستوهه متوفيه
_همه مايرضون واحد يحزن وعمي گل لبوي مشيها
وابوي هم يريدني اطلع من هذا البيت لبيت رجلي
_يا خطيه عمي ابو حسن هسه يشبع قهر
_ولچ اسكتي حتى تمرض تدرين البارحه دخلت
علي للدوانيه الگاه يقره قرأن ويبچي
وره يومين صارت عد اخلاص ولاده
اجه علينه حسن العصر كلش اخذني
واخذ امهه وياه علمود نساعدهه
وحده تبقى يم فروحه وحده تروح للمستشفى وياهه
وصلنه لگينه اخلاص واصله حيل طاگ مي الراس
عدهه و توگع عليهه وساخه مال ولاده
خلاهه حسن بالسياره وراحو للمستشفى بقيت
بالبيت انه وفروحه نومتهه ورتبت البيت حظرت
كاروك الطفل وره ساعه خابرني حسن
الو
الو ها خويه بشر شلونهه خلوصه جابت بعدهه
_اي خويه الحمد الله بس صار عدهه نزيف
وهسه علگولهه بطل دم
خويه احنه شويه نتأخر دربالچ على فروحه هسه
اخابر مصطفى يجي يمكم خاف تخافين وحدچ
_انه من گلي اخابرلج مصطفى كل براغي جسمي
رخن كيفت انتعشت حتى ما سألته شجابت
وره نص ساعه ندگ جرس شقة حسن
چنت لابسه دشداشه قديفه ناعمه چان الجو
ستوه بارد بداية شتاء
صحت من وره الباب ياهو ياهو
_اني حبيبي افتحيلي
_فتحتلي الباب چنت شايل حلويات وفواكه وكرزات
نزلتهن بالگاع رگعت الباب برجلي وشلتهه شبگتهه شبگه قويه مال واحد ملهوف وگوه صابر
وصارله سنين ينتظر هاي الفرصة ظليت اشمشم
بريحتهه چانت شايله شعرهه بقراصه سحبتهه
واخذت شعرهه اشم بي
حسيت رجعتلي روحي باستني من خدي اباوع
عليهه اخدودهه صارن حمر من الخجل
_يولي بعدچ تخجلين مني ولچ بعد كم يوم
وتصيرين بحظني وانومچ على صدري اخليلچ ذرعاني مخده
_هم يجي هذا اليوم والله لازمه گلبي بأيدي
اخاف هم يصير شي
_گولي يالله هسه شلون نظل نسولف هنا
_هههههههه اخذني الواهس تفظل
_گعدنه بالصاله
تدرين من خابرني حسن وگلي انتي هنا فرحت وبعدين من گال ملوكه خوافه وخاف اتأخر عليهه
خطيه روح يمهه اريد اطلعله من النقال وابوسه
من الفرحه
خلصنه الليل كله غزل وبوس واحظان جان من يجي
يشوفني اخوتي يگعدون يمنه يسولفون وياه لو ابوي
ماياخذ راحته
نومت فروحه بغرفتهه سويت تعلوله فاكهه وكرزات
وحلويات وشغلنه فلم خلاني بحظنه شبگني من وره وظلينه نباوع بين دقيقه ودقيقه وشفايفه اداهم
رگبتي وشعري وخدودي وتاخذ منهن قبله عميقه
لحد ما يرون عطشهن
غفيت بحظنه لحد الفجر وعيت على صوت دگت الباب فزيت مرعوبه رحت اركض جبت مخده
خليتهه بالگاع ومصطفى سوه روحه نايم
على القنفه وفتحت الباب الهم فرحنه بولادة اخلاص
جابت ابنيه ثانيه
ثاني يوم اجه ابوي واخوتي اذن بأذنهه وسموهه زهراء
رجعت وياهم لان مابقه شي لعرسي
مر الاسبوع بسرعه بيوم الحنه رجع تحسين
لأبوي خبر موافق على زواج رحاب واحمد
حيل فرحت من كل گلبي الفرحه صارت فرحتين لان
اشوف اخوي فرحان وطاير يمشي ويغني حتى
نسه ظوجت المحل مالهم والبيت حسيته حيل
مكيف
سويت حنه صغيره بيناتنه لبست فستان وحليت
شعري كوته اليه هداوي بالأوتي علمود يخللي حنه
بأيدي ما عزمت اي واحد بس رحاب
احترامآ لهداوي ادري بيهه حزينه بس ماتگدر تحچي تخاف من علي واخوهه حتى اسود ما خلوهن
يلبسن
خلولي حنه گعدنه ظحك وسوالف ورحاب حيل
فرحانه صارت ساعه واجو الولد
احمد يباوع لرحاب من جوه ليجوه بس كلهه منتبهه
على نظراتهم
صار الليل وجاي احظر بغراضي ونيشاني صاحني
ابوي جان لازم چفيه بيظه ومطرزه تطريز ورده حمره
و ورگ اخظر
صاحني شبگني وبچه من كل گلبه موقف كل بنيه
تمر بي ابوي چان الام والاب والاخت اليه
ما حسسني بفراغ امي بحياتي مدللني دلال افراگه
صعب عليه بچيت بحظنه وبده يوصيني
ابو حسن _بويه ملوكه ابنيتي ما اوصيج اريد
من ترحين لبيت اعيالج مثل ماتحترميني تحترمين
عمچ ابو رجلج وخالتچ حسبيهه امچ مو چنتي
تتمنين تصير عدچ ام
بعد أبوچ اريد كون يگولون الف رحمه على البطن النگلتهه ما اريد يسبون البطن النگلتچ
انه اعرف انتي اكحيله ومعدله بس هاي وصيتي الج
وذني تراچي امچ ومحبسهه گبل لاتموت وصتني
بيوم عرسچ اطيچياهن
_صدگ بچيت وحچيه اثر بيه
شگد مرينه بعوز واجت علينه ايام الخبز اليابس
ينگعه ويسوي ثريد و يوكلنه وهو عنده قطعتين
ذهب بس چان حامل امانه وما باع الأمانه
ابوي فخر اليه دنگت على ايده وبسته من راسه
اجو اخوتي سلمو عليه وكلمن انطاني هل قاسمه الله
ثاني يوم من الصبح اخذتني رحاب للصالون
چانت صالوناتنه بالبيوت
لان هداوي ابنهه على صدرهه يرضع ماتگدر
واخلاص هم بناتهه ظلن بالبيت يرتبن وينظفن
ويحظرن الغراض
لبست البدله واني ما مصدگه على الرغم من
چان احلى يوم بحياتي بنفس الوكت چان اصعب
يوم فراگ ابوي واخوتي صعب ماجنت متخيلته هيج
يوجع گلبي
من رجعت من الصالون وابوي شافني دنگ وبچه
_بويه هاي دموع فرح هاي من فرحتي بيج بعد
ابوچ ما مصدگ شفتچ عروس گبل لا اموت
_نزلن دموعي خنگتني عبرتي حتى بيوم فرحتي دمعتي ماتنشف
_بويه عمرك طويل الله يخليك خيمه على روسنه
ظلينه گاعدين واجن الحبايب صديقاتي وجيرانه
وبدن يركصن ويذبن هوسات ام تحسين تذبلهن
هوسات والشابات يرگصن
_كلللللللللللللللللللللللللوش
فصوص روبه ياگفاهه فصوص روبه ياگفاهه
وين دورهه ولگاهه كلللللللللللللللللللللللللوش