ممر ضيق

الممر رقم ٧

#ممر_ضيق
#غضب
٧
وبعدين بقا في اليوم دة
قالها في نفسه بغضب
ابتدأ اليوم بصحيان متأخر
وعلى غير العادة طبعا لانه بيصحى بدرى جدا ومن غير منبه
نظر إلى زوجته الملقاه على السرير بنوم يغيظ فالتفت بشد يلكزها بكفة الغليظ في كتفها قومى يا وليه اصحى
ايه انتى نائمه نومه اهل الكهف
استيقظت الزوجه سيئة الحظ وهى تستعيذ بالله من الشيطان الرجيم مالك يا راجل في ايه بس في حد يقوم حد من النوم كدة يا ساتر يارب عليك
هو وكأنه كان بيستعد للانقضاض عليها بتقولى ايه يا خربيت اللى جابوا ابوكى انتى بتهلفطى بالكلام دة لمين دة انتى وليه نكد على الصبح يلعن ابو سحنتك
قومى اعملى فطار كدة وكوباية شاى
عقبال ما ادخل اتشطف بسرعة فزى كدة من على السرير
الله يخربيت اللى كان السبب في ام الجوازة دى
قال هذا الكلام السئ وذهب للحمام بعد ما روعه الباب بقوة فتحه تانى هاتيلى طقم داخلى يا اختى وفوطه قبل ما تروحى تعملى الاصطباحه
قامت الست الغلبانه دى وهى تلعن في سرها ام الفقر اللى خلاها توافق على الراجل دة وترضى انها تتجوزه
حضرت الفطار بسرعة عشان ما يديهاش علقه تتصبح بيها
مهو مش فارق معاه تموت ويجيب غيرها
لانه دائما بيقولها كدة وساعات بتدعى ربنا كتير أنه يخلص عليها وهو بيضربهاوتموت بس ترجع بعد كدة وتستغفر ربنا
وتقول اكيد ربنا شايل لها حاجه كويسه هى ولا بتهش ولا بتنش وغلبانه ويتيمه ومتغربة كمان مهو أحدها من بلدتها الفقيرة في الصعيد وكان سبب الجوازة جوز خالتها لانه صاحبه مهو بردة اكبر منها ب١٥سنه وكان متجوز كذا مرة بس ربنا ما اكرموش بحمل بس هى بقا ربنا أكرمها بندى عمرها بنتها الوحيدة منه عندها سنتين دلوقتى يمكن عشان كدة ربنا مطول عمرها عشانها امتى ربنا يكرمها كدة ويهديه ويبطل غضب وضرب فيها هو راجل غريب ساعات بيبقا كويس جدا وساعات تانيه بيبقا الله اكبر عليه ما يتعاشرش
بس جارتهم الست الكبيرة الوحيدة اللى سامح لها انها تدخل بيتهم مهو بردة راجل حمش وغيور اوى قالت لها الرجاله كلهم كدة الا ساعه المزاج يروق البال ويبقوا عسل هههههههه
بترجع بالذاكرة كدة لبدايه جوازهم لما اكتشفت أنه بياخد حبوب لزيادة القدرة الجنسية طبعا هى ما كانتش تعرف دول ايه لما لاقيتهم في البنطلون بتاعه قبل ما تغسله وهى بتنضفه وراحت حطتهم جمب المرايا وسابتهم لما يجى جوزها تدهومله بس الجارة الكبيرة شافتهم وقالت لها عليهم
وفعلا لاحظت عليه الكلام دة هى وافقت عليه وقالت راجل كبير وهيراعى ربنا فيا ويعوضنى موت ابويا لكن بقاله فترة كدة مش مظبوط معاها ونوبات غضبة بتزيد اوى وهى خلاص ما عدتش مستحمله
خلص الحمام ولبس هدومه وفطر بسرعة وكان عايز يراضى مراته قبل ما ينزل بس ما معلش كدة
نزل وساق التاكسى بتاعة وتوكل على الله هوب العربيه عطلت مع اول زبون نزل بحاول فيها مش راضيه تعمل حاجه خالص الزبون مشى لاقي تروسيكل مهدى اتفق معاه ينطرة وحضروا الطريقه المعتادة في الظروف دى حبل كبير يمسك التاكسى بالتروسيكل ويمشوا ورا بعض
وشويه وجم على ملف في نزله ست محترمه وطفلها الصغير
من الميكروباص وماشين في طريقهم وليه وليه عدوا على الحبل هههههههه اعد يزعق فيهم غاليتي بتبص مين اللى بيزعق كدة لقيته السواق بتقوله افندم في حاجه شاور لها بكل قله ذوق اتمشى يا ست الله لا يسيئك
وبعدين في اليوم دة بقا
انا كان لازم أراضيها ليه ما راضتهاش قبل ما انزل يعنى
لازم اعمل فيها ابو عرام